الليلـه القـلـب رمـعـاتـه يـثـيـرنــه=معـهـن يـزور الفـضا ويعود القاعي
لولا المعـاليـق وضـلوعـي يـردنـه=يمكن بليـا جـناح مـن الحـشـا زاعي
قـامن عـلى غـيرموعدهن يضيفنه=ويـدش فـي مسرح هجوسه ولاياعي
مدري تـفـاجا با ماله واخلفن ضنه=أحـداث مـنها رزيـن العـقـل يـرتـاعي
وإلا عـلى مـوادع الخـمسه يـحـدنه=اللي بهن يفرق المرعي من الراعي
أصبر واجامل واحفض السد واكنه=لي غــايـةٍ مـا كـشفـها كــل مـذيـاعي
هذا سبـب ما طـوانـي طـيـة الشـنـه=يقصر قريب النظر من دون مرماعي
أسبح مع هجوس فكري لين ينحنه=في غـبـةٍ مـا يـفـيـق بجـوفـها الساعي
وليا استعدت الفكر جريت لـي ونـه=وانـة عـزيـزٍ فـقـد شـوفـه والاسمـاعي
ما قلتها من هوا اللي صاغرٍ سنه=يا قـربـها مـن مـصادر عـمي الاسناعي
دورات الايـــام مــا حـيٍ يـخــلــنــه=مليا المخـازن مـن شطـنـها والاوجاعي
كــم خــيــرٍ كـتــفـنـه لاهــل الـمـنـه=يـشراء بـسـوق الزهـايد غصب ويباعي
يغضي عن العـوج لوهن ما يفوتنه=مـن خـوف يـلحـق مـراده كـــل زراعــي
يـاما ويـاما تـجـاهـلـهـن اليـا جـنـه=شيمة عرب عـن جـلايب طـق الاصباعي
وإلا مـصـادر شـريـعـتـنــا يـجـيزنه=ياخذ قصاص الـجـروح لـيـا دعى الداعي

تسلم ابو حمد ..

دورات الايـام مـا حــيٍ يخلـنـه
ملياء المخازن من شطنها والاوجاعـي
كـم خيـرٍ كتفنـه لاهــل المـنـه
يشراء بسوق الزهايد غصب ويباعي
يغضي عن العوج لوهن مـا يفوتنـه
من خوف يلحق مراده كـل زراعـي
يامـا ويامـا تجاهلهـن اليـا جنـه
شيمة عرب عن جلايب طق الاصباعي

"""""""""""""""

صح لسان الشاعر العلم
حماد مريزيق البشري ولاهنت اخوي
ابو حمد على النقل والنشر
تحيتي