ايها الاخوه وجدت هذه القصيده بإحدى الصحف
وأعجبت بها ارجو ان تنال إعجابكم

ما احتاج منك كلام احتاج منك اهتمام =حلاته الحب في صدقه وعفويته
لو ازهرت في ثرى سمعي غصون الكلام =دون اهتمام وموده كنها ميته
نظره وبسمه تكفي عن كلام الأنام =اللي يبين غلا قلبك وحنيته
لو ان كسر الخواطر مثل كسر العظام =كلن جبر خاطره واقفى على نيته
لكن علي الملام ولا عليك الملام =يستاهل الجرح من يرضى بماريته
وليا انكر الغصن لأوراقه وطار الحمام =ما عاد يغريه لا لونه ولا فيته
والله لو اني صحاري وانت وصلك غمام =ماني شفوق على شوفه ولاجيته
اللي حطبني بفاسه ما تركني حطام =اشعل هشيم الضلوع بنار وحشيته
ابسأله بعد هذا كيف عينه تنام =ماكل من هو طليق يعيش حريته
اهل القصور اتمنى راحة اهل الخيام =والفقر ملعون لا من سل جنبيته
ياصاحبي صاحبك لو طال فيه المقام =على دروب الوصال وخط مرثيته
غلاك ما مر في صدره مرور الكرام =لكن خطاك ايتصادم مع مثاليته
لك غصن تقدير في صدره وعذق احترام =ما ينكر العهد لو ان الضمى بيته
وان كنت تحسب على ضعفه يجيك انهزام =والله ليتعبك ماشفت انهزاميته
ابشرك تنبض احلامه وحاله تمام =لو ميسم البعد من يقوى على كيته
وليا سمعت بخبر موته وعفت المنام =الله يعينك على فقده قبل ديته

القصيده أعجبتني والف شكر لك على جميل الأختيار والذوق العالي



تقبل مني مروري وأحترامي أخوك ابو عمر

المشاركة الأصلية كتبت بواسطة علي الجضعان (المشاركة 258575) ابوفيصل قصيده تستاهل الأشاده رايقه وبحرها أروق الـلــي حـطـبـنـي بـفـاســه مــــا تـركـنــي حــطــاماشـــعـــل هــشــيــم الــضــلــوع بـــنـــار وحـشــيــتــه القصيده أعجبتني والف شكر لك على جميل الأختيار والذوق العالي تقبل مني مروري وأحترامي أخوك ابو عمر

لاهنت اخوي ابو عمر
على المرور العطر والاشاده بالإختيار
تحيتي

المشاركة الأصلية كتبت بواسطة ابوحمد (المشاركة 258580) شاعر بقامة ابو فيصل لابد ان ترووووووق لك انتقائاته الف شكر على انتقاء جزل الشعر وصح لسان شاعرها

ومراقب بقامة ابو حمد
تسعدني إشادته ومروره لاخلا ولا اعدم هالمرور
تحيتي