وجودي على حين سنحناه ماجيناه=اشوف المباني مير انا خطوتي عجله
وجودي عل شوفة لطيف الحشا وجداه=وجود الكسير اللي مشى الكسر مع رجله
اليا جاينام اكسور عظمه بدت تشظاه=يجر الونين وونته ماتفرج له
على صاحبن لو قلت ابنساه كيف انساه=قضى العمر في حبه وانا صابرن لجله
عشيرن جرحني فالهوا جرح من يرفاه=ابزين الوصوف وزينه اللي غطا نجله
على حجر عينن كنه البرق من منشاه=على ساقية ندرا من الوسم مندجله
بردها على روس النواجذ يقسم ماه=مطرها حقاق وسيل ماها هذا عجله
تقض الحزوم وكل وادن سرا بملاه=يزلزل بها الرعاد والمزن يفلج له
طويل المعنق ضامر البطن والمثناه=ليا شافها راع المحبه طمع بجله
يجر الونين وموته اللي موجل جاه=يكون الله اللي كون الكون يفرج له
ونا اقول ياويل المهاوي منه ويلاه=ونا منه ويلي لو هرج لي ونا اهرج له
ولا ياحلي اللي لو حوا حدن جلاه=تقود الاوايل والغزيل تعروج له
تقود الجوازي مع وطا الحزم مع مقراه=وترب القفور اللي غطت نبتها العجله
والا ياعيون امقرنسن عالين مجناه=تنهض بعد شاف الحباري تدارج له
توايق على جون خلا طايلن مرعاه=ليا الخرب وادي والحباري تهادج له
ولا ياباالجلابيب انا منك في ماساه=احبك وروحي من سبايبك منسجله
ترفق بحال اللي بليبك وشف بلواه=وقله يجي ولا نسج القدم وجله
ترى للوصل لمولعين الغرام اهواه=وكثر الجفا للحب يقضي على سجله
يبو لمبتن كنه شعاع القمر حلياه=ويبو كفن ابيض من بياضه زها حجله