الله مــــن قــلــب ٍ رمـــــع فــيـــه رمـــــاع=وأخلـف يمومـه عـن طريـق التسانـيـع
هجـس ٍ رمــع مـالـه عــن القـلـب فــراع=دايـــــم بــغــاراتــه يـــشـــن الـمـفــازيــع
مـركـز بـنـوده بـيـن محـنـي الأضـــلاع=لـيـا نـامـوا العـربـان ســوى مشـاريـع
يـشــري بقـلـبـي كــــل لــيــلٍ ويـبـتــاع=ولــه الـجـوارح خاضـعـات ٍ مـطـاويـع
أســبـــاب ورق ٍ بـالـتـغـاريـد ســجـــاع=طــرب عـلـى روس الـعـيـاد النعـانـيـع
ورق غـنـاه مــن النـيـاحـه بـــه أنـــواع=صـوتـه يـزيــد مـلــوع الـقـلـب تـلـويـع
ياطـيـر كــف غـنـاك مــال الـطــرب داع=ياشـيـن مـالـك فـــي عـذابــي منـافـيـع
هو ليه يـوم تروجـع الصـوت روجـاع=قـصـدك تـزيــد مـولــع الـقـلـب تـولـيـع
إن شـفـت مــن قلـبـه جـــزوع ومـــولاع=عــلــى الـنـيـاحـه لاتــوريــه تـشـجـيـع
أسـهــرت عـيـنـي والمخـالـيـق هـجــاع=وذكـرتــنــي خـــــل ٍ بـعــيــد الـمـرابـيــع
راعـي جديـل ٍ فـوق متنـه إلـيـا إنــداع=كـنــه شـلـيـل الـلــي تــتــل الـمـصـاريـع
لـيـا جــا نـهـار ٍ فـيــه صـايــح وفـــزاع =والخيـل بـأطـراف الجهـامـه شـواريـع
يـوم ٍ مثـل يــوم الـرحـى عـجـه أمــزاع=نـهــار أخـــو نـوضــا يـفــك المـجـامـيـع
مخلي سروج الخيل من كل صعصاع=عـقـايــره ســـــرد الــرمـــك والـمــداريــع
كــم راس شـيـخ ٍ دق بــه روبــة الـقــاع=وخـلـي عـشـاً لـذيـاب نـجـد المجـاويـع
يــدلــي بـهــنــدي ٍ لــلأرقـــاب قــطـــاع=فــي روس ضـــده غـاديـلـه لـعــا لـيــع
سـيــف شـقـيـر ويـامــره قــلــب وذراع=ضربـه يطـوع مخطـي الـدرب تطويـع
يـومـه عـلـى ضـــده مخايـيـلـه أتـبــاع=نـهـار يـفـرق شمـلـهـم عـقــب تجـمـيـع
غيمـه عـجـاج الخـيـل غــاره ومـرجـاع=وشمسـه بواريـق السيـوف اللوامـيـع
يشيـب منـه اللـي علـى الديـد رضــاع=يــوم الـعـذارى مـــن ذهـلـه ـن مـفـاريـع
لا والله ألا صـاحــبــي شــــــد نـــجـــاع=مـن دون خـلـي يـهـرع الـذيـب ويـريـع
عــن أتـحـذى العـلـم مـــع كـــل ذعـــذاع=أنــشــد ولاعـيــنــت لـلـعـلــم تـسـنـيــع
أتلـى العهـد بــه يــوم مظهـورهـم زاع=جلـع ضعنهـم طلعـة الشمـس تجلـيـع
بــدوٍ يـبــون بـشـرقـي الـنـفـد مـربــاع=ولهم على أطـراف الصـداوي مراميـع
راحـوا بعـد حطـو علـى الكبـد مـرقـاع=وعسى لهـم مـن عقـب الإقفـا مراجيـع
ليـا مـن نبـت الصـيـف جـالـه تمـريـاع=وأضفى علـى روس العبـال المصاليـع
ليـا حـف زملـوق الطوالـيـع وإنـصـاع=أقفـا خضـار النبـت حتـى الطواليـع
والأرض صفـرا عودهـا والثـرى ضـاع=وإستبـدلـت عـقـب الخـضـار البلاقـيـع
وجـونــا تبـاريـهـم زهـازيــم الأقــطــاع=كــنـــه يـقـلـطـهـم عـقــيــد الـطـمـامـيــع
أقـفـا الربـيـع وعــودوا للشـفـا أريـــاع=لـعـلـو نـجــد الـلــي هـبـوبـه ذعـاذيــع
ليـا مـن نبـت الصـيـف جـالـه تمـريـاع=وأضفـي علـى هـاك العبـال المصاليـع
الـلـي طـويـل عـدودهـا عـشـرة ابــواع=وأقـذالـهــا مــثــل الـطـيــور الـمـواقـيــع
يـزمـي بـهـا طـافـح ســراب ٍ لـيـا مــاع=كـنــه مـــن القـصـديـر يـاخــذ تـلامـيـع
دار بـهــا تــركــي ومـحـســن وهــــزاع=مـــن حـبـهـا مـــال الـثـلاثــه مـنـاجـيـع
مـاكــفــت الــبـــره وجــزعـــا وجـــــزاع=وأجنب جنوب إليا القهب والمجاضيع
ولـهـم عـلـى منـثـورة الـعـرق مـرمــاع=هـاك النـفـود الـلـي غضـاهـا مهانـيـع
أذنـي أضــرب للغـظـي درب الأسـنـاع=وأشــوف زولــه عـقـب صــد وتمـانـيـع
ومن غيـر شـوف العيـن مانيـب طمـاع=لـيـا حـصـل لــو هــو ســلام ٍ وتـوديـع