مجالس الفرده - وين الصديق من العدو اشباه والنيه ضفاف

مجالس الفرده (http://www.alfredah.net/forum/index.php)

- مجلس فضاء الشعر (http://www.alfredah.net/forum/forumdisplay.php?f=4)

- - وين الصديق من العدو اشباه والنيه ضفاف (http://www.alfredah.net/forum/showthread.php?t=35064)

وين الصديق من العدو اشباه والنيه ضفاف

ما يشبهون لبعضهم يا صاحبي فيه اختلاف
اللي نوى "خير" وعمل واللي نوى" شر "وعمل

الخير واجد لو نبي والشر فالعتمه يشاف !
لو يختفي ما يختفي إلا على واحد جهل

اليوم لو نزرع امل.. بكرا نبي جني القطاف
ننسى مشاركنا "الفرح "نذكر مشاركنا "الزعل"

اللي يموت من الغرق لو عاش ما اختار /الجفاف
تناقض الرغبه قدر محدٍ يخطط للفشل

اسهل نصدق كذبنا ونشوف خلق الله نظاف
صعبه نصدق حلمنا لو حلمنا صدفه حصل

نضحك على كثر التعب ما نعتبر من شي طاف
في كثر ما نلقى فرح يا كثر ما مات الأمل

وين الصديق من العدو اشباه والنيه ضفاف
وين القلوب الطاهره اللي تبادلنا الوصل

ما هو قوي اللي قدر يضحك على قلوب الضعاف
دام آلهوى ضعف آلبشر مآسمي آلخآين بطل

فعيوننا شيٍ غريب نظرات ما فيها اعتراف
كلٍ تغير معدنه من قسوته محدٍ خجل

لو قلتلي يا صاحبي.. يا صاحبي فيه اختلاف
طبعاً ترى حنا بشرما فينا واحد اكتمل ../

مماراق لي