مجالس الفرده - انا المريض اللي يعالج طبيبه ...

مجالس الفرده (http://www.alfredah.net/forum/index.php)

- مجلس فضاء الشعر (http://www.alfredah.net/forum/forumdisplay.php?f=4)

- - انا المريض اللي يعالج طبيبه ... (http://www.alfredah.net/forum/showthread.php?t=34197)

انا المريض اللي يعالج طبيبه ...

يابنت لي كلمه وانا منتظر دور"
................"يوم الغروب اعلن طلاسم مغيبه
\
/

شاعر واسوق القاف منهي ومامور"
..............." يمشي معي بالطيب والإ غصيبه
\
/
طالب كسول وبالتقارير دكتور"
...................."واذا نصيته كل صعبٍ يجيبه
\
/
تلميذ واعطي استاذ الاجيال طابور"
..................." اعطيه درس ينجحه مايعيبه
\
/
واشرب نهر دجله ولاني بمسحور"
....................."وانا المريض اللي يعالج طبيبه
\
/
تنصت لي الاذواق شاعر وجمهور"
........................."واذوق العدوان مر الغليبه
\
/
وان مارسمك الشعر ياغادة الحور"
..................." في جيتك اجل الشعر وش ابيبه
\
/
الاحتفاء بطلتك مابها جور"
.................." واجب وحق وكل صدر وحضيبه
\
/
شوفتك عيد وله زغاريد وشعور"
.................."يالملهمه../ يالطيبه...\.. يالحبيبه
\
/
الدار دارك والوطن فيك مسرور"
....................." تمخطري بالدار دارٍ رحيبه
\
/
هذا وانا يابنت بالكبد ممرور"
................." طبعي وفاء ومايلحق النفس ريبه
\
/
اوفي واجازي واعطي الشور واشور"
..................." واعامل العربان كلٍ وطيبه
\
/
اللي يمد الطيب له رد مشكور"
.................." واقف معه بالهينه والصعيبه
\
/
هذي شعور احساس مايقبل الزور"
................." والحق حق وكل شخص ونصيبه
\
/
وانتي مكانك ياقمر مشعل النور"
................." انتي هناااك بعيد واقرب قريبه

.
.
.
وســلامتكم ,,,,

رد: انا المريض اللي يعالج طبيبه ...

وانت سالم وغانم

ياسهم الفريدي

اهنيك على الاختيار والذائقه الشعريه

رد: انا المريض اللي يعالج طبيبه ...

اوفي واجازي واعطي الشور واشور"
..................." واعامل العربان كلٍ وطيبه

المصدر : http://www.alfredah.net/forum/threads/alfredah34197/#ixzz1iiOjgmuT

اخوي سهم لايعلى على ذائقتك
سجل اعجابي بها
تسلم وصح لسان من قالها

رد: انا المريض اللي يعالج طبيبه ...

الشهم سهم الفريدي
لاهنت يالغالي على الاختيار الرائع
وصح لسان الشاعر
تحيتي

رد: انا المريض اللي يعالج طبيبه ...

أخواني تواجدكم يشرفني والله يبيض وجيهكم

مشكورين والله يعاافيكم يا عيال العم ...