دخيل خذ مـن والـدك لـك مسالـه= مسالـةٍ ما يفهـمـه كــل رجــال
احشم خويـك عـن دروب الرزالـه= ترى الخوي عند الأجاويـد لـه شـان
والمرجلـه بالـك ترخـي حبـالـه= حذرا تعيـل ولا تراخـى لمـن عـال
البـل يفتـل مـن وبرهـا عقـالـه= والخيل تزلـج بالشبيلـى والأقفـال
إن كان ما تدعـى علـى كـل قالـه= تراك من حسبـة هـدومٍ بـه أزوال
وإن كـان دلـوك ما تموحـه شمالـه= ترى النشاما ينسفونـه علـى الجـال
رفيقـك الدانـي إليـا شفـت حالـه= احمل عليك مـن المعاليـق ما شـال
يا عـل رجـلٍ شوفتـه قـد حـالـه= عسى تـدور زوجتـه فيـه الأبـدال
الحمّـرة تـدرك معيوشـة عيـالـه= وإلا الفتى يبغـى منـه بـعض الأحـوال
وإن صار لك من عوص الأنضا زماله= حمرا تورد بـك إليـا صنقـر الـلال
تمرس كما تمـرس خطـاة المحالـه= مع سهلـةٍ عمّّـال مـن جاء معـه ذال
خلـه مـع الديـان تمشـي لحالـه= يا صار ما أنت للمسـة الخشـم حمـال
تـر ربـع يـومٍ مجلسـك بالشكالـه= يسوى حـلالٍ عايشيـن بـه أنـذاله