ابا اعتذر كان العذر له محاري=وابا اعتمد لوجيه الاخيار ملفاه
ياصاح مضمون الكلام اعتذاري=وانت الجواد ابن الرجال المسماه
والحر يفرق عن طيور الحباري=والذيب يفرق بالفصيله عن الشاه
يابن الكرام ألي على العز ضاري=شرواك مايرضى المهونه لمن جاه
ياصاح ضاقتبي فجوج الصحاري =اضوق من الخاتم بصبع الخونداه
امشي طريقي اتجاهي اجباري=ماني على ماقيل امشي بمشهاه
ماذم حظي مير اندب قراري=مثل الذي يعمى عيونه بيمناه
سدو عليه عن يمــين ويساري=الله يكفــينا من شرور بلواه
هاذا زمان المجتمع الحضاري=وعصر البداوه روحن به مطاياه
الامر يمشي بالقرار الاداري=والحال تصريفه ينفذ بالمضاه
ماهمني هرجن حكا فيه زاري=خله مع العالم يروج حكاياه
كريه وجه من محياه عاري=يبسة جبينه من عرقها ماتنداه
عاداته الخايب يعقب الاثاري=لو ترفعه ينكس براسه لماطاه
ولا ترا الطيب عليه المواري=يضحك جبينه ويتباشر محياه
سمح المحيا بوقفته مايماري=صادق ولا غير بنفسه نوياه
اما الرفيق ألي خبرته مباري=وانا حسبته مخلص لي من اقصاه
الرخص عنده ماحفضلي اعتباري=اقفا عساه مهفة اميقط ورشاه
وانا على غيبته ماني بداري=فرقاه خير من مقابل حلاياه
واليوم ماني للخواطر مداري=وقلبي دليلي وكل رجلن ومبداه
اول نهاري واخر اليل ساري=ادور الخيره ورزقي على الله
هداج تيما جف نبعه وغاري=ومن اولن كلن يغني على ماه
وقت الخلي ارتاح شبيت ناري=ماحولي ألي اتسمع لنجواه
سويت لك فنجال ماهو هراري=بريتن من سوق صنعا منقاه
فنجالها يجلا العمس والغباري=والراس منها أتفتح خلاياه
من بعدها والراي يامستشاري=مطلوب من عندك ومنك اتحراه
ماودي اشكي مير حالة طواري=والوقت مايمدي حداني على اقصاه
الحال مايقبــــل مجال انتظاري=خصمي لدود ولا يعرف الموالاه
العزم من كثر التكاليف خاري=والياس يلوي بالعزايم ملاواه
اصر في نفسي وكثرة اصراري=بالحال زادة علته فوق فحواه
اساير التيار من وين جاري=ومن طاوع العالم يعرف المعاناه
وان لاحظ الشماة في انكساري=يبري غليل ولا يتناسى خزاياه
وألي جهل حــالي ولاهو بداري=مالي عليه حساب ولا له علي جاه
وألي قسمه الله ماعنه ذاري=ماقدر المولى على العبد ماخطاه
اايا اعتذر كان العذر له محاري,,,,,, 
العرض الشجري
