احبّ النّاس لا تبطـي علينـا= ترانا لـو شربنـا مـا ارتوينـا
أمنّي عيني بشوفـة جمالـك= لعل الوقت يسمـح لـك تجينـا
يفزّ القلب لك مع كل هاتـف= عسى الّلـي مانسينا..مانسينـا
انا لك مثل برقٍ في سحابـه= تولّعنـي و اصـوّت بالحنينـا
وانالك مثل صقرٍ عقب حومه= تنكّـس ليـن وقّـع باليديـنـا
وانا لك مثل نبتٍ ظاميٍ لـك= إذا جاه الوسـم عـوده علينـا
وانا لك مثل شاعر للقصيـدة= يغنّي لـو بكـى قلبـه حزينـا
ترفّق يا حسين الـدّل تكفـى= تـرى والله مـا غيـرك بغينـا
اذامرّتك نسمة شوق تسري= تراهـا داعـي الأشـواق فينـا
تلطّف..ثم تلطف..ثـم عـوّد= ترى لو شافنـي صخـرٍ يلينـا
ولوتسمع نجوم الّليل شعـري=مشتْ لك تطلبك ترفّـق علينا