|
قصيده عن الزواج باثانيه يستأذن زوجته الاولى بالزواج قصيده عن الزواج باثانيه يستأذن زوجته الاولى بالزواج يالله يامن لك مقاليد الامور=تفكّها الليله مع امّ العيال للخير تهديها وتسمح بالعبور=بروح رياضيه ومن دون اقتتال ياام العيال انتي حياتي والزهور=وحبي الاوّل وما مثلك مثال أريد ترتاحي وتهني بالسرور=فقلت اتزوّج واترك لك مجال تعاونك بالبيت ماقصدي غرور=وتحت امرك كل حاجه وامتثال تهتم بأطفالك وتصليح الامور=والقصد ترتاحي وما القصد احتيال حركات معروفه وتصريفة مرور=فهمت مقصودك وهذا شي محال وكيف تنساني وتجرح بالشعور=وكيف تنسى عهدنا يوم الوصال أفا عليك ويش التنكر والفجور=العيب والنكران من طبع الرجال مايعلم الا الله ماتخفي الصدور=وهل يضر الشمس ان يأتي هلال القصد ترتاحي وفي احسن قصور=لاتزعلي منّي وخلي الانفعال لايمكن انساكي على مرّ العصور=وعـود اقطعها وماهي احتمال والقصد ترتاحي وماقصدي فـتو ر=مالك نظير بالحسن او باقي الخصال وامسيت اراودها والغيت الكسور=حبيبتي ليش الحزن والدمع ســـال لايمكن اقـناعي ولو تجلس شهـور=اعذار تصريفه ولو تضرب مثال العيش اهـون لي مع اهل القبور=يشهد على قولي الهي ذي الجلال مادام ذا قولك فهاتي بالعطــور=الامر أصبح جـد ماهو بالهـزال وزيّني بيتي وزيديها بخـــــور=بكره أنا وعــدي مع بنت الحلال الحـب لك باقي وفي قلبي يمـور=الى هنا اختم وهـل باقي سؤال ؟ لك وعد منّي ماتشوفي من قصور=أو ميل منّي قـد يسبب إنشغال والعدل واجب ماأفكّر بالمهور=بالعدل اوصى ربّنا في كل حال أبني اخوه بينكن واربط جسور=ممنوع شامخ مايزلزل كالجبال الزوجه الاولى لها حبي ونور=ماعاش من ينوي على قطع الوصال مادام قــد جدّيت راقب رب غفور=نفسي تكون البنت في احسن خصال مبروك ياممنوع وتم الله سرور=مني هدية ورد شمّاغه وشال لكن احذّر ان يصير لك حد سور=او تبتعد عني ومالي بك منال والختم صلى الله عدد نوح الطيور=على محمد قدوتي صاحب بلال ان شاء الله تنال استحسانكم |
رد: قصيده عن الزواج باثانيه يستأذن زوجته الاولى بالزواج ياراسي اي حب هو وجهه وهو يبي يضربها بثانيه الي يحب مايجرح لا وبعد يبي السموحه اقول له حتى انا ابي منك السموحه ابي واحد غيرك ^_^ وحده بوحده ياربي على الدنياتعين ولاتكثر الحريم ^_^ الاميره ميس سامحك الله حزنة على الاوله ياعزتي عنها |
رد: قصيده عن الزواج باثانيه يستأذن زوجته الاولى بالزواج اقتباس: المشاركة الأصلية كتبت بواسطة شيخه والعذارى لي جنود http://www.alfredah.net/forum/alfred...s/viewpost.gif ياراسي اي حب هو وجهه وهو يبي يضربها بثانيه الي يحب مايجرح لا وبعد يبي السموحه اقول له حتى انا ابي منك السموحه ابي واحد غيرك ^_^ وحده بوحده ياربي على الدنياتعين ولاتكثر الحريم ^_^ الاميره ميس سامحك الله حزنة على الاوله ياعزتي عنها أختي شيخة ليش عصبتي هو تفاهم هو وزوجته وش المشكلة يعني يبي يتزوج بس طيب له في الشرع أربع عموما مروركِ يشد الجدال ويزين المصفح بجمال المحال ولك الشكر ولا قلتي رأيك في القصيدة عامة شرفتي ونورتي |
رد: قصيده عن الزواج باثانيه يستأذن زوجته الاولى بالزواج القديره ميس الريم قصيدة هذا الشاعر صاغها بطريقه فكاهيه رد بين زوج و زوجته وحسب تصوره إن بهذه القفشات توافق الزوجه على الضره أنا لاقت إستحساني لكن أبو عمر لن تلاقى إستحسانه ههههههههههههههههه تحيتي |
رد: قصيده عن الزواج باثانيه يستأذن زوجته الاولى بالزواج اقتباس: المشاركة الأصلية كتبت بواسطة غازى بن عجاب أبوزوايد http://www.alfredah.net/forum/alfred...s/viewpost.gif القديره ميس الريم قصيدة هذا الشاعر صاغها بطريقه فكاهيه رد بين زوج و زوجته وحسب تصوره إن بهذه القفشات توافق الزوجه على الضره أنا لاقت إستحساني لكن أبو عمر لن تلاقى إستحسانه ههههههههههههههههه تحيتي أخي غازي بن عجاب حين لاقت القصيدة استحسان عندكم هذا شيئ ليس بغريب من تواجدكم ورأيكم بل الجديد كيف ذالك وأنت تقرن هذا بإستحسان ابو عمر ولكن مروره ورأيه يهمنا كثير كما هو يهمك أرجو مروره وتعليقه ذا التعليق ((الخفيف الظل )) نورتوا وعلى القصيدة شدتوا بلحن الرأي غنمنا وسدتوا شـــــــــــــــــكرا جزيلا |
| الساعة الآن 02:16 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir