نهيت قلبي عن هوا الزين ماطاع = وتخافقت دقات قلبي سريعه
خوفي عليه ايفر من بين الاضلاع = من قو ضربات السهام الشنيعه
يابنت انا قلبي به جروح واوجاع = ترفقيبه لاتزيد الفجيعه
قلبي جريح او ممحلن مابه اطماع = جرحٍٍ مضى والجرح الاخر تبيعه
تلاطم امواج الحزن مالي شراع = وتهدمت كل الحصون المنيعه
صارت تحاوطني على كل الاوضاع = ماعاد لي حيله ولا نستطيعه
وسلمت دام الوضع مافيه مطلاع = يما يطيع الوقت ولا تطيعه
طبعي وفي لو كنت حاولت الاطباع = واللي غلب طبع التطبع طبيعه
واللي بقلبي ياهوا البال ماشاع = خوفٍ تناقله النفوس الدنيعه
مانيب من ياكل خويه اليا جاع = واللي شرانا لاحشى مانبيعه