يـا فهيـد لا حقـران والله ولا يــاس =أدري وَاعَـرْف انـك تسـد اللـزومـي
مير انت تقطـع راس مـع ترْكبَـة راس =مثلـي بهـا الدنيـا .. تطيـح وتقومـي
ونصَيت رجَّـالٍ معـه فهـم واحسـاس= قـد صـارع الدنيـا وسـاق السلومـي
قد صـارع الدنيـا علـى كـل مقيـاس= قبلـي وقبلـك فـي بحرهـا يعـومـي
وليـا تعـذر مـا بعـذره لنـا بــاس =قبلـت عـذره .. والحشيـم محشومـي
كـم واحـدٍ ثـنّـا وايـاديـه يـبّـاس= عَـوّد علـى ظنـه يعـض البهـومـي
تارة يقول: اصبر علـى مـر الافـلاس= يـوم ان مـا عمـري خلقـت مْعَدومـي
وتارة يقول: اصبر .. ترى الصبر نوماس= وتـرى الهزيـل اللـي يلـوم ويشومـي
مير الحظيظ اللـي غنـيٍ عـن النـاس= عـن مدحـة الطيّـب وذم الرخـومـي
هـذا يـرص عـروق كبـده بمهـراس= وهـذا يعـدِّيـه السـمـا والنجـومـي
وهـذا يحطـه مثـل عنتـر وجسَّـاس= وهــذا علـيـه مفتـحَـات الثلـومـي
هـذا كـلام اللـي مجـرب وحـسـاس= ما جا علـى الحِـرْوة يبيـع ويسومـي
يا معدن الوجدان .. يـا طيّـب السـاس= يكفيـك عـن عرفـي قلايـل علومـي
ترى الرجـل سِتـره حَيَاتـه والالبـاس =كـم حاجـةٍ تخفِـي نظرهـا العزومـي
وكم مـن غنـاةٍ نورهـا عَيْـن لمّـاس= تورث .. وحايشهـا يمـوت مْحَرومـي
داسـت عليـه وراح مكتـوم الانـفـاس= عليـه عـمـدان الحـوايـم تحـومـي
وكم طيـبٍ رَدّه عـن الطيـب هَـلاَّس= قـد نكَّـلـوه مخرّمـيـن الخشـومـي
جَحَّـادة المعـروف مكيـال الانـجـاس= مثـل الرجـال .. ولا عليهـم وُسُومـي
عسـى فناهـم فنيـة المِلْـح بالـطـاس= اللـي عليـه النـار تلحـق بشـومـي
مكيـول مـاه مـن الهماليـل بالـكـاس =مكيـول مـن صافـي حَـدَار الغيومـي

ابومحمد


رحم الله الشاعر سبيل بن سند


وسلمت يمينكــ على النقل الجزل

تقبل مرورى وتحياتي