|
توّلـم للسفر جفنٍ عـلى درب السهر مجبور توّلـم للسفر جفنٍ عـلى درب السهر مجبور يخفّي عن بعَـض حلمه قبـل يرحل بعَـض ياسه وانا قبله مسافر بين أراضي وعدي المهجور معـي له كـلمتيـن و دمعتيـن بعين عساسه و لي وجهٍ تعابيـره بها ملح الحـزن منثور شتـاته لو نثـرته تجمـعـه نظـرات جـلاّسه حبيبي.. كثر ماتخطي علي واقول لك معذور كثر طول إنشغال البال فيك وكثر هوجاسه.. أحبك.. وانت تحكي عن خضوعك لي بكل غرور مثل من يبكـي دمـوع المـذلّه رافعٍ راسه!! أحد يصحى على صوتك ولا يصبح صباح النور؟! أحد يغفى على صوتك ولا يـحلا له إنعاسه؟! أحد يقرا وصوفـك لاضحـكت ويكـتبك بسطور؟! أحد يشرب دموعـك لابكـيت وينثـرك كاسه؟! قبل مااحفر لشعري ياحبـيبي فالظلوع قبور تعاااال تضمّك حروفه قبل مايلفظ أنفاسه لك الـله ياحبـيبي صـار لي يمكـن ثلاث شْهور أسيّـل بالشعِـر دم القلـم وتمـوت كـرّاسه وانا ماهـمّني لو يوم صرت الشاعـر المشهور إذا مااطرب قصيدي من قراه ولامس إحساسه عسى بيت القصيد..إن مابنى له فالصدور جسور و حرّك في نفوس الناس حاجه.. ينهدم ساسه إذا ماكان من صادق معـاناه و عميق شعور عسى ريح الشمـال يطيـر به لا هب نسناسه رشيد الدهام |
رد: توّلـم للسفر جفنٍ عـلى درب السهر مجبور أحبك.. وانت تحكي عن خضوعك لي بكل غرور مثل من يبكـي دمـوع المـذلّه رافعٍ راسه!! ......................... صح السان الشاعر رشيد الدهام وصح بدنك على الأختيار الرائع والجزل |
رد: توّلـم للسفر جفنٍ عـلى درب السهر مجبور أحبك.. وانت تحكي عن خضوعك لي بكل غرور مثل من يبكـي دمـوع المـذلّه رافعٍ راسه!! عاداتك ياراع العوايد 0 يشره على الخرب الموقع اليا طار00 |
رد: توّلـم للسفر جفنٍ عـلى درب السهر مجبور لاهنت على المرور الجميل يااخوي مشعل. |
رد: توّلـم للسفر جفنٍ عـلى درب السهر مجبور عاداتكــ الطيب يالصقر الجارح،، تسلم على المرور. |
رد: توّلـم للسفر جفنٍ عـلى درب السهر مجبور قصيده جزله ومن شاعر جزل thaaaaaaaanks عايض المقطع mr |
رد: توّلـم للسفر جفنٍ عـلى درب السهر مجبور اشكرك اخي على المرور، وهلا ومرحبا فيك. |
| الساعة الآن 10:46 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir