مجالس الفرده - هواش السليمي & وبدر الحويفي

مجالس الفرده (http://www.alfredah.net/forum/index.php)

- مجلس فضاء الشعر (http://www.alfredah.net/forum/forumdisplay.php?f=4)

- - هواش السليمي & وبدر الحويفي (http://www.alfredah.net/forum/showthread.php?t=20635)

هواش السليمي & وبدر الحويفي


	نبذه عن الشاعر:هواش بن عايد بن زبن السليمي الحربي.ولد عام 1347ه عمل بالزبير من عام 1362-1365ه ومن ثم عاد للباديه في نجد ثم التحق بأفواج الحرس الوطني عام1368ه بقايدة الامير محمد السديري في سكاكا.ثم انتقل الى الشام بالفتره مابين 1369-1371ه ثم التحق بالحرس الملكي عام 1372ه ثم انتقل للامن العام سنة1373ه حتى عام 1384 حيث انتقل بعد للعمل بأمارة المدينه المنوره بعهد الامير عبدالمحسن بن عبدالعزيز وعمل بالمسيجيد ومن ثم انتقل للحرس الوطني بأوائل التسعينات هجري وبقي فيه حتى تقاعد عام 1-7-1416ه.لقبه (ابو عفريتة).. حتى أنه يعرف به أكثر من اسمه الحقيقي.. وأما سبب التسمية .. فكان هناك شاعر قلطة لا يشق له غبار لم يهزم قط ( داخل معسكرهم بالشرقية) حتى جاء هواش ومن لقاء اول تغلب عليه بشهادة الجميع.. سأله أحدهم (كيف غلبت أبو جنيّة) .. قال اذا هو ابو جنيّة انا (ابو عفريته ) فكان هذا اللقب...اتضحت شاعريته منذ الطفولة .. فقد قال وهو ابن الخامسة عشرة.. راع الردى لا تكرهونه على الطيب=العبد ماله غيـر مالله كتـبلـه اشهد شهادة حق مدح الردي عيب =مثل الصلاة اللي على غير قبله كان رحمه الله يحب اقتناء الابل .توفي رحمه الله في 26-6-1425ه يوم الخميس بمسجده بعد أداءه صلاة الفجر بسكته قلبيه.. رحمه الله رحمة واسعه هو واخواننا المسلمين.((ماسبق نقلا من الاخ العزيز والشاعر ماجد بن هواش السليمي)) هواش السليمي الحربي في مساجلة مع الشاعربدر الحويفي.. قال رحمه الله.. هواش السليمي

يابدر وش ياطيب العـرف مطنيـك=الشاهـد الله مـن طناكـم طنايـا
والله ماصافي يالحويفـي معاديـك=لو يصرفون الكـون كلـه هدايـا
يابدر حنـا لـك حـرار مماليـك=ان يبست عقب الضحوك الشفايـا
وان حاول الشباك نشر الشبابيـك=اقدر على على زرع اللغم بالزوايا
وتبي تشوف اللي من الفعل يرضيك=لابينـو سـود القلـوب الخفـايـا
وان كان عدوانك تحـدوك عينيـك=اجيبهـم قـدام عيـنـك عـرايـا
والعز بالله والفخـر يافتـى فيـك=يوم البراء مـردود بيـن البرايـا
يابدر لايطنيـك قـول الصعاليـك=مانتـه وكيـل مجمعيـن الحكايـا
انته على المعنى تركـز معانيـك=وضاعت عن المعنى قلوب الدهايا
خلك علـى مبـداك الاول ولبيـك=يوم اردف المخطي عليك الخطايـا
ابشر بمصقولآ من الضد يشفيـك=سيف تشتت فيـه جـرد السبايـا
وانا مـاودي تاخذالنـاس خافيـك=لوهاض بالجـره بعيـر الشوايـا
احذر ترا الغاوي عن الدرب يغويك=ويرميك رايـه بالخطـا والزرايـا
وليا نشبـت بمـر رايـه يخليـك=وينبحك مع سود الكلاب السعايـا
واللي عرفت من التجاريب يكفيـك=مانته بحاجـه يالحويفـي وصايـا

رد: هواش السليمي & وبدر الحويفي


	ــــــــــــ رد الشاعر بدر الحويفي ــــــــــــ

لبيـك يـاهـواش والله يحـيـك=ياصاحب اللزمـه حميـد السجايـا
احييتني بالوصـل دامـت لياليـك=ونعشت يباس العـروق الضمايـا
يامركز المعنـى بحكمـه وتكتيـك=بابيات من صـدر المحنـك ملايـا
وانا افتخربك كـل ماحـل طاريـك=عضدي حزامـي بالعيـا والمعايـا
ذابت على راس الضريبه مراميـك=و وسمت بضلوع المريض الكوايـا
الله على الحـل الموفـق مقديـك=لاغمضت عنـه القلـوب الغبايـا
وطير الفلاح المنتسـب مايدانيـك=اللي يعاعي فـوق روس الطوايـا
اليـوم عينـه ماتراعـي تواليـك=ابتل ريـش الديـك زيـن الحلايـا
واللـي نقـد يالسنافـي معانيـك=حقه ليا حضـر الجـزور الحوايـا
خلـه بمذياعـه يركـب تماتيـك=وتغنـي الصفـره طيـور الهبايـا
وانا على ظنـك وظنـي ينشميـك=ماهوب مزعجني وشيش الحيايـا
ادق في روس الافاعـي سنابيـك=وسيلي على العوجـان ماينتنايـا
ولامد لثقـات الرجـال الشرابيـك=عي ليا قامـت تسـوق الحمايـا
وليه مع اهل العرف رسم ومساليك=ولاضف مع مالـي حـلال همايـا
ولااضير الهطفاء على قفش بلجيك=ولاأقسم الفطـره نهـار الضحايـا
اصون درعي لايجي فيـه تفكيـك=ووسط المجالس ماشعبت المطايـا
واللي ذكر هواش مافيـه تشكيـك=الشـوك ينبـت بالخـلا والقرايـا
والضيحه اللي شفت قـدام انابيـك=سيل تدفق مـع حـزوم وشغايـا
نـوه بديرتنـا وياصـل ضواحيـك=وهبت عليه الريح وقفـى مزايـا

رد: هواش السليمي & وبدر الحويفي

ول ول يآموضوعي مآلقيت آلي يحرث نآرك :d:d:dهههههههههه

رد: هواش السليمي & وبدر الحويفي

اخوى

بن مطيع

تسلم ياناقل الجزل والسليمي والحويفي دهايا

وشعرهم جزل والله إني حريص على شعرهم و معانيهم

وانا هنا أحيي نار موضوعك

تحيتي

رد: هواش السليمي & وبدر الحويفي

قصيده ومساجله رائعه، تسلم يمناك يابن مطيع على الاختيار،
ومواضيكــ دائما في القمه، لاعدمناك.

رد: هواش السليمي & وبدر الحويفي

اقتباس:

المشاركة الأصلية كتبت بواسطة غازى بن عجاب أبوزوايد (المشاركة 149767)

اخوى

بن مطيع

تسلم ياناقل الجزل والسليمي والحويفي دهايا

وشعرهم جزل والله إني حريص على شعرهم و معانيهم

وانا هنا أحيي نار موضوعك

تحيتي

بيض الله وجهك ياأبوزوايد على المرور والكلمات الرائعه مرورك اسعدني كثيراُ ..,,... يستاهلون الشعراء
فهم رماح عن القبيله
شكراً لك مرة اخرى ........... ياشاعرنا

رد: هواش السليمي & وبدر الحويفي

اقتباس:

المشاركة الأصلية كتبت بواسطة عايض المقطع (المشاركة 149798)

قصيده ومساجله رائعه، تسلم يمناك يابن مطيع على الاختيار،
ومواضيكــ دائما في القمه، لاعدمناك.

أشكررررررك على المرور والنشاط الرائع
تقبل باقه من الورد

رد: هواش السليمي & وبدر الحويفي

شعراء كبار لهم ذكرهم الطيب
صح السانك

رد: هواش السليمي & وبدر الحويفي

اقتباس:

المشاركة الأصلية كتبت بواسطة برق الوسم (المشاركة 150100)

شعراء كبار لهم ذكرهم الطيب
صح السانك

صح بدنك على المرور

رد: هواش السليمي & وبدر الحويفي

مشكور أخي ابن أمطيع على الأختيار الجزل
وهولاء الشعار هم من عمالقة الشعر بقبيلة حرب
ودرعها الحصين من ضمن كوكبه من مسرح وبني سالم فرضت نفسها بجزالة الطرح وقوة المعنى رحم الله الميتين غفرلهم وأحسن خاتمة الأحياء وهداهم لطريق الصواب

*أنت مانت بعازة أحد أنت تعرض جزل من شارك ورد البراء له ياهلا ومن راح بسلاااااااااااامته00

***وبعدين نارك ماهي ميته تحرث نارك لهب من جمر بركان !!!

بقلم الصقر الجارح