يامن لقلب كل ما التم الاشـــــــــفاق= من عام الاول به دواكـــــــــيك وخفوق
كنه مع الدلال يجلب بالاســــــــواق = وعامين عند معزل الوسط مــــــا سوق
يجاهد جنود في وساهيج الاطــراق = ويكشف اسرار كتـــــــــــــمها بصندوق
ليا عن لي تذكار الاحباب واشتـاق = بالي وطاف بـــــــخاطري طاري الشوق
دنيت لك من غالي البن مـــــــــالاق = بالكف ناقــــــــــيها عن العذف منسوق
احمس ثلاث يانديمي عـــــلى سوق = ريحه على جمر الغضى يفضح الـسوق
واياك والنيه وبالك والاحــــــــــراق = واصح تصير بحـــــــمسة البن مطفوق
ليا اصفر لونه ثم بشت بالاعــــراق = وغدت كمــــا الياقوت يطري لها الموق
وعطست بريح فاخر فاضح فــــــاق = ريحه كما العنبر بـــــــالانفاس منشوق
دقـــه بنجر يسمعه كــــل مشـــــتاق = راعي الهوى يطرب لـــــيا طق بخفوق
والــقم بدلة مولى كنـــها ســـــــــاق = مصبوبة مربوبة تــــــــــــقل غرنـــوق
خلها تفوح وراعي الكيف يــــشتاق = ليا طفح له جوهر صـــــــــح لــه ذوق
اصفر قــموره كالزمرد بالاشعــــاق = واكبارها الطافح كمـــــــــــــــا الـموق
زله على وضحا بها خمسة ارنـــاق = هيل ومسمار بـــــــــالاسباب مسـحوق
مع زعفران والشمطري إلى انساق = والعنبر الغالي على الطاق مــــــطبوق
فــليا اجــــتمع هذا وهذا بـتـيـــــفاق = صبه كفيت العوق على كل مخـــــلوق
بفنجال صيني زاهي عند الارمـــاق = يغضي بكرسيه كما اغضاي غرنـــوق
ليا انطلق من ثعبته تقل شـــــــبراق = أو دم جـــوف امزع مــــنه معــــــلوق
خـــــــمر اليا منه تسلسل بــالارياق = وعلـــــــيه من ما صافي الورد مذلوق
راعـــــيه كنه شـــارب ريق تريــاق = كاس الطرب وسرور من ذاق له ذوق