يابن حديد المشكلـه مالهـا حـل= إلا ان قلبـي يتـرك الـود كلـه
مـدام قلبـي لا توانـا ولا مـل= الود عنـده صـار مثـل الجبلـه
ذكرت له سن الهوى عقب مـازل= وضحت للجانـي جميـع الأدلـه
وحتى من اللي يتبع الشيب مـاذل= بقى مثل جـدي النجـوم امحلـه
ان كان ما الله دله الـراي مـادل= مـن لايدلـه خالقـه مـن يدلـه
إليا ذكرت ارموش عكشٍ لهن ظل= من نظرة الحاسد عليهن اسملـه
وقفت لين ان العنـا يكتمـل فـل =وراجعت لي ماضٍ بعيـدٍ اسجلـه
الجادل اللي تلنـي بالهـوى تـل= تلـت قطيـعٍ قفّـي الـدق جلـه
اللي بقلبي لـه عمـارات وفلـل= ليته بقلبه حطـلـي ربـع فلـه
والله ماقول لمن جرح روحي بحل =عقب الدروس القاسيـة والمذلـه
هاذي عيوبي وأنت للي بقاء فـل= أن كان مانته ساتـرٍ كـل خلـه
والله لو أملك عقل ماذكـر الكـل= لون مع عقلي عقـل كانـفٍ لـه
وأقبل تحياتي عـدد كـل ماهـل= مزنٍ صدوق أخيال وبلـه يهلـه
ونهاية المعنى على المصطفى صل =وسبح لمن نركع ونسجد رضلـه
عساه يسمح لـي وقـوف ٍبظلـه =الواحد الخالق هو المعتلـي جـل

لابـاس ياللـي بالـغـرام يتـغـزل= اللي شكا مـن ماقـفٍ حاصـل لـه
يلّي عذلـت القلـب والقلـب ماكـل= جـددت للّـي قـال بصـري بحلـه
جددت للـي قـال بصـري مـن اول= وللي لقاء الطيـار مـن جـور خلـه
من الوحيد اللي من الحب مـن سـل =كم واحد قبلـك هـوى الغيـد سلـه
ولنت الوحيد اللـي بنـى للهوى تـل= بروس الهضاب النايفـه مرقـب لـه
عندك خبر ويـش الوليعـي تحصـل =من راس رضوى وادع الكـون كلـه
وعندك خبر وش جا الدجيما من أحيل =وعقب شرب كاس الهوى وش عمل له
وبحر الهوى غبات وامـواج وهـول =وكم واحـدٍ در البحـر ماحصـل لـه
مابين جـزر ومـد يقطـع وياصـل= ولـذات نفعـه ماتقابـل عنـاً لــه
ليا قـام مقصـوف الشبـاب يتغـزل= ولـدّ ونظـر نظـرة غـرام وتولـه
وهنف دلـع وأعلـن تحديـه واقبـل= تقـل يعـد اخطـاه والـردف تـلـه
ومن شافها بالوصف لو كثّـر امقـل= يحتـار فـي شكلـه وقـده ودلــه
الله عطـاه مـن المحاسـن وكـمـل= وكمل جماله في حسـن منطـقٍ لـه
لو شافها اللي فـوق مركـاع يغـزل= جـدّد فعـل بصـري بنفـس ٍمغلـه
وهذي أدروب أهل الهوى أجداد وسمل= وراع الهوى طـرد الهـوى مايملـه
وأصفح وسامح من سطا بـك وحلـل= لجـل جمـالـه قـلـه الله يحـلـه
وختامهـا وحّـد وسـبّـح وهـلّـل= ووقت التهجـد تالـي الليـل صلـه
وعـداد مالاحـت أبـروق تشـاعـل =صلوا على المعصوم عـن كـل زلـه