قصيدتي وجهتها ماغبني=إلا السنين اللي عليها قديمات
كنت انتظر مردودها ياصلني=واكل عليها الدهر والهم ما مات
والله لوهي شهر وان زادها أني=لصبر لحد العام وانعد مافات
مير السنه والخمس مع كثرهني=سبب لي إحباط وأنا أقول هيهات
الرجل طيب مير ردوه عني=انه حصل له من زمانه غيارات
ساعة سمع بشكايتي صد عني=ما به جديد ولا حصل لي مواسات
وأسندتها يوم الظروف أجبرني=لحامد عبيدالله ولابه مراوات
شاعر حكيم له بيوت اذعنني=يعبر بهن مثل السفن للمحيطات
ونظمت لي جملة أبيوت أطربني=مثايلٍ يطرب لها كل الاوقات
ياراكب اللي شاقني بالتغني=جمسٍ جديدٍ صمموه الخواجات
اخر مديل يوم جهز اودني=ثمانية والفين آخر مديلات
واللون احمر بيج ذوقٍ وفني=هو منوت اللي حاصٍ له كسافات
لادق سلفه واشتغل ثم رني=اسرع من اللي مطلقٍ من عربسات
ياسايقه بالهون وقف تأني=وقف دقايق وصلولي رسالات
ارسالتي لبو عادل مظني=حيثه فهيم بوقتها والغيارات
ياحامد الردمان وقتي محني=وعجزت اواكب فيه دور الحضارات
لايابوعادل فات عصر التمني=فازوا بها اللي ساهموا بالعقارات
وقعدت يامشكاي غصب امتوني=مافيه لاطبٍ ولافيه حيلات
ولاكل رجلٍ صار ظنه بظني=مثل الطواري دايم الدوم صدفات
كود انت يازبن الضعيف المسني=انا اشهد انه ماضيٍ لك جمالات
افزع لنا بالراي صبري شحني=صبري تعدا الحد فوق العلامات
وهموم قلبي في ضميري لجني=ولايكتشف تحليلها والاشاعات
واليا قريت الخط واصلك مني=ترى الثمن يالقرم رد الجوابات

سر ياقلم واكتب كلام المغني=من هاجسٍٍ له بالتماثيل عادات
اليا دفعني دافعن ما عصني =مثل الجواهر والمعاني جزيلات
يا مرحبا ترحيب وأرجع واثني=مني لبو فايز ومخصوص بالذات
وببيوته الجزلات يوم اوصلني=من طيّب السيره بيوتن نظيفات
ويقول ابو فايز عن اللي مظني=ارسل رساله مير راحت ولاجات
ومنصا الرساله زلني ما جهلني=والعذر ضاعت وسط جملت ملفات
وغير يوموم الجمس عن صوب هني=وارسلي المكتوب والعلم شارات
وياسايقه خذ رد الابيات مني=وعطه الجواب وبلّغه بالتحيات
يشكي زمانه ساق رمح المطني=وقتٍ مياله يسرق الحال بسكات
ورث الاصاله والسلوم اختفني=واللي مشاهن عاكسٍ له مسارات
في عصرنا يالقرم ما واكبني=وبات الزمن يطوي لهن بالدعايات
وقتٍ يحد الموس فوق المسني=احد من حد السيوف الصقيلات
دايم على الاجواد خيله اتعني=ماله امان وياخذ الناس دورات
اليا اقبل ايامه عليك اقبلني=من قام حظه حط مال وعمارات
واليا ادبر مدبر سنينه قسني=الدلو يلحقه الرشا بالمطوات
طبع اليالي كانهن عاكسني=ميلات بقعا تاخذ الناس صكات
ويقول عبدالله عقب بيحني=عدا ونادالي ويزهم بالاصوات
مما جراله بيح المستكني=وقتٍ برا حاله كما بري مبرات
وفي حال عبدالله اليا افكرت كني = حالي مثل حاله ونفس المعانات
وعن صاحبي في حملهن ماثنني=حيثن للطيب مقامٍ وشرهات
لكن ابو فايز يبي ردهني=والراي مطلوبه ورد المجارات
اصبر على حمولك ولو يثقلني=وترى الفرج من عند رب السموات
ولانت الوحيد اللي شكا ظيمهني=بندر سرور يقول في نظم الابيات
كم واحدٍ وطنه اللي وطني=والصبر سنه في جميع الديانات
وجهت نظر وانته ايكفيك عني=فكرك وتفكيرك يقيس المسافات