يامن تلوم العذارى استوب=وقف ترى العرف له قاضي
من خلقة الكون هالعـذروب=طبع الهوى دوم عضّــاضي
أهل الهوى جاذب ومجذوب=وراع الهوى دوم هيّـــاضي
احـدا سقنّه مــن المشـروب=مــن نبــع صافي وفيّــاضي
واحدا كسب في هواه ذنوب=واحدا مدرعم على الفـاضي
واحدا لقى بالهوى المطلوب=واحدا يتوجد على المـاضي
وحكم القدر ماعنه مجنــوب=نسعى لهن مشي وركـاضي
ياللّي لكم بالهوى منــــدوب=خلك مـع التـرف متغـاضي
ولا تزعّل الجادل الرعبـوب=حلو اللمى عذب الالفـاضي
لا جـات يمّـك تجـرالثـــوب=عن باقي الخـلق معتـاضي
اما تجـي يمّهـن بأسلـــوب =ولا شكنك على القاضي

يا قاضي ٍ للقضاء منصوب=ياسيّدي قاضي ٍ قاضي
بمياه سدّك رقى المنسوب=يغرق بساتين وفياضي
هالسرع خطّك غدا مضروب=اثرك تحرّى على حاضي
بالحيل قريّب يادوبك دوب=عوض وصوّت لعوّاضي
حياك يالقاضي المحبوب=خلطتها حلو واحماضي
آي كانت استوب ويآر قروب=تشابكت كل الالفاظي

اف يو هاف قروب اي هاف قروب=علي ومقبل مع القاضي
اللّي تجنى على الرعبوب=نبــي ندنّيه للقاضي
حكم صدر ماعليه عتوب=ما ينقضـه كـل نقاضي
ترضخ لحكم القدر وتوب=والسيل لازال ماغاضي
نكتب بخط العرب مكتوب=و نداعب حروف الالفاضي
ايام جوكي بلا عذروب=بت يو نايس من الماضي
وان كان غازي لكم مندوب=يجيه حقه ويغتاضي
نبي نتساجل على المسحوب=من دون خوض بالاعراضي
اليا ظهرت شمسنا يذوب =ثلج لكم بين الاغراضي
واللي زعل يشرب السنتوب=ويعطي زقاره لعواضي

ياغازي القاضي المرعوب=قام يتلمّض تلمّاضي
ألحمت يالسالب المسلوب=لا يغرّك البرق لا ناضي
اللي يتقضّب غدا مقضوب=يركض وعظامه بها شاضي
ليا قلت قولك ترى محسوب=اسرع بالاحكام لا تعاضي
وانا المعتّق سمن يعروب= تنزل على دار مقياضي
وترى قروبي ذهبْ مصبوب=ياوردنا عدّكم غاضي
يالله برزق ٍ يجي مجلوب=مابين نظرات واغماضي
يابوش قدمك الباشا قلوب=محرّر القدس بالماضي

يالفارس اللي شرابك روب=ديد البويضاء به شضاضي
انصحك لاتعدي المذروب=وقلبك من الخوف جواضي
الحر يفرق عن اليعسوب=والظفر يقرض بمقراضي
صبرت صبر مثل يعقوب=حتى غشى عينه ابياضي
ترى التوهق يجي له حوب=لاتستمع قول حراضي
ان طعت معلا نفخت البوب=ورقصت مع كل خضاضي