|
%%%(ياجميل الكون)%%%
ليه ماتسأل عن اللي ميتٍ فيك = ياوليف الروح وش صار وجرى من يرد القلب يومنه يبيك = بس يرجع بذكرياته ورى كان قلبك نسى قلبي مانسيك = من عذاب الصد طيرت الكرى ليت للحب قاضي واشتكيك = واستمع للشيخ لامنه قرى ياجميل الكون عمري في يديك = جرٍحه واحكم على مانته ترى طاعتي عمياء ولومي مايجيك = والهواوي لا يشوف ولا يرى وش تبي زودٍ على انك صرت بيك = والمولع في دجى ليلك سرى وكان صابك شك من حبي اليك = والله ان القلب لعيونك شرى وكان قصدك بعد والخالق لجيك = لو بدون ازفلت والطلعه كرى الشاعر/علي محمدالفريدي |
رد: %%%(ياجميل الكون)%%% . محجوز للمجاراة إنتظرونا الشاعر / علي الجضعان صح الله لسانك قصيدة جزلة ورائعة لامست مشاعرنا فكانت المجاراة التالية :
ليه غائب والرجاء فيك وعليك = تحسب إن البعد ماسل وبرى حالي اللي قبل تكبر تهتويك = يوم لعبك بيننا بيت وثرى كم ضميت وقلت ما ضن أرتويك = وكم سقيت القلب لين إنه ضرى يوم يالمجمول لا خفت أحتميك = اليدين أسوار والخافق ذرى لين زاد العمر وارخصت الشريك = وكل حاسد بالبلد شاف ودرى كل يوم اشد كفي وأحتريك = بالمكان اللي من الدكه ورى اتلفت للهبائب وأنتشيك = والولد والشيخ والشائب زرى وقام شاعر في مضامينه يحيك = وإسترد الحلم للريم وطرى آه ياعلي الذنوب اللي تليك = قافك اللي غاص بالقلب وفرى والسموحه مني اصلاً لو تجيك = مامحت ذنبك ولا جرحي برى مع محبتي وتقديري |
رد: %%%(ياجميل الكون)%%% ياجميل الكون عمري فـي يديـك*****جرٍحه واحكم على مانتـه تـرى طاعتي عمياء ولومـي مايجيـك*******والهـواوي لا يشـوف ولا يـرى علي الجضعان بيض الله وجهك وصح لسانك يامبدع تعجبني رومنسيتك الهندسية مقبل ترانا ننتظر !!!!!!!!! |
رد: %%%(ياجميل الكون)%%%
وانا خارج الموضوع وانت يابو باسل حاجز هه!!! جايز ٍ لك الوضع طيّب !! وسلامتكم |
رد: %%%(ياجميل الكون)%%% صح لــســان الشاعر |
رد: %%%(ياجميل الكون)%%% علي الجضعان عقيد القصيد مقبل بن نمران ابو عبدالعزيز امتعتونا اعجبتونا بجزالتكم اتمنى نقلها للمساجلات رائعه وسطرت بالذهب وتوشحت بوشاح التميز والابداع لله دركم ايها الكبااااااار ماهذا؟ مابكم؟ نبش جروحكم شاعرنا علي وكل منكم هاضت مشاعره هذا هو الشعر الذي يلامس مشاعر الاخرين والدليل رد ابن نمران وخلف الفريد الله ، الله اتمنى اني ارى دائمآ هكذا بصرااااحه قطعتوا قلوبنا وقلوبنا لازالت جريحه من الغائب الذي اشغلنا غيابه والذي لازالت تذرف الدمعتين ولازالت الملامه قائمه على الغائب ( واللهم يارب ياعزيز ياغفار رد علي ضالتي ) تقبل مروري علي بن جضعان تقبل مروري مقبل بن نمران تقبل مروري خلف الفريد |
رد: %%%(ياجميل الكون)%%% خلف الفريد اقتباس:
أنا أشهد إنه حاصلٍ لك ماحصل للربع والدليل إنك تهيضت :( مار أركب الباخرة وخلك معهم أما غناة الذيب وإلا فقره :D مع محبتي وتقديري |
رد: %%%(ياجميل الكون)%%% كل يوم اشـد كفـي وأحتريـك*****بالمكان اللي مـن الدكـه ورى ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ اللسان حصان والقصه دميـك****والشهود كثار والساري سرى وين الهيئة ابن منيديل اذكر فيه جمس للهيئة عندنا وين رايح ياخذ الفريد ومقبل بعد مايوصل ابن جضعان يرجع لهم اتحفتمونا بروائعكم وبحسب الطلب تم اعادتها للمساجلات مشكوين جميعا دمتم بخير |
رد: %%%(ياجميل الكون)%%% منصور الوسوس اقتباس:
الأول يحكي عن الغياب والثاني قعد يلمح من بعيد ولا قال شيء يدل على إدانته والثالث يقصد بقصه قديمه يومهم صغار ورى الدكه يلعبون بالطين ويبنون بيوت يبيها الرجال فكاهيه وصار بجمس الهيئة :mad: ليش المشاكل يابو محمد تدور جمس الهيئة :p و لايهمك يابو محمد هذا المزح اللي نبي ويوسع الصدر والمجالس لابد أن يكون فيها مايروح عن النفس مع خالص محبتي وتقديري |
رد: %%%(ياجميل الكون)%%% بسم الله علي الجضعان وابو باسل----- ملابيد! لاحس ولا خبر!!!! ياساتر!:) ابن منيديل-- القلب خضر والله يرد عليك غايبك هو الحافظ ،، ومرورك عن قصيدة وعندك شي!ههههه:D مقبل -- ما احد يلعب بالطين خلف الدكه هداك الله!!:mad: خابر ٍ اللعب بالندى عقب المطر--- حاول مرة اخرى!:p منصور----- علشان تولع السفتي وقدام الجمس! شمات! يجيبك الله وقوقل يجيب كل شي! ;) صباح زاهي وانتم نكهته شممت به ومن خلالكم نسيم الصبا!:confused: دمتم بخير! |
رد: %%%(ياجميل الكون)%%% على الجضعان :: قصيده تحرك المواجع وترجعنا للورا ولذكريات القديمه وفيها من الابداع الشئ الكثير ابيات غايه في الروعه والجمال لااااوتبي محكمه وتبي تطلع كرى هذا الاخلاص والحب العذري ابوعمر==== أهديك اجمل تحياتي وضفني لمعجبينك ولاتحرمنا جديدك وكان قصدك بعد والخالق لجيـك لو بدون ازفلت والطلعـه كـرى |
رد: %%%(ياجميل الكون)%%% ليه غائب والرجاء فيك وعليـك تحسب إن البعد ماسـل وبـرى حالي اللي قبل تكبـر تهتويـك يوم لعبك بيننـا بيـت وثـرى كم ضميت وقلت ما ضن أرتويك وكم سقيت القلب لين إنه ضرى يوم يالمجمول لا خفت أحتميك اليدين أسـوار والخافـق ذرى لين زاد العمر وارخصت الشريك وكل حاسد بالبلد شـاف ودرى كل يوم اشـد كفـي وأحتريـك بالمكان اللي مـن الدكـه ورى اتلفـت للهبائـب وأنتشـيـك والولد والشيخ والشائـب زرى وقام شاعر في مضامينه يحيك وإسترد الحلـم للريـم وطـرى آه ياعلي الذنوب اللـي تليـك قافك اللي غاص بالقلب وفـرى والسموحه مني اصلاً لو تجيك مامحت ذنبك ولا جرحي بـرى ابن عمي مقبل النمران (())ايش أقول ويش علق والله بس كلمه وحده فقط هذه القصيده (عقد) من الماس تسلم على المجاراه ومهما حاولت اعبر فلن اجدك الكلمات التي تليق في مقامك بيض الله وجهك ولك اجمل تحيه وأحترام والسلام |
رد: %%%(ياجميل الكون)%%% بيض الله وجهك وصح لسانك يامبدع تعجبني رومنسيتك الهندسيه _________________________ ابو محمد جمس الهيئه والله لين أمسكوني مايفكوني وأنت تعرف السبب اما خلف الفريد والربع اللي معه ألظاهر أنه يبي يحصل لهم تطهير بعني كم عصا تكفى ياابو محمد لاتخلينا بالحر نبي تعهد ولانعودها عادتك الفزعه الله يونسكم والله أني كل ماأقرا كلمه من ردودكم اضحك من قلب الله لايحرمنا منكم ويوفق حويان صاحب الفكره ياجماعه مثل هذه القفشات الحلوه تروح عن النفس بعد عناء يوم شاق والله انا محتاجينها اتمنى اني وصلت بعض مايكنه فؤادي لكم والسلام |
رد: %%%(ياجميل الكون)%%% :D ما يجيك الشر علـي مايجيـك عسى من يجفيك ما يلقى عرى اصطبر ياخوك ماظنك دريـك هذا لذع الحب مثل الكسبـرى يبرّكن البيض عاشقهن بريـك والقليب الغض يغرّنّـه غـرى بالعيون السود واللباس الشيك افلسن جيوب واهفن اومـرى وهذا ابن نمران بالخط السميك يشتكي محبوب باعه واشترى اعلـن المكنـون الله يهديـك من يرد السيـل وان تحـدرى اللسان حصان والقصه دميـك والشهود كثار والساري سرى ابو عبدالعزيز ---من كل قلبي اقول اشكر الف وخمسمايه وتسعه وسبعون شكر وشكر زياده جبته من ابوباسل لقيته سارقه انا خابرهم ثمانون 00تقبل اجمل وأرق تحياتي قود ناي دنت (يعني باتركي تصبح على خير) |
رد: %%%(ياجميل الكون)%%% الاخ فهد المبارك00صح بدنك مرورك عطرني |
رد: %%%(ياجميل الكون)%%% والذي لازالت تذرف الدمعتين ولازالت الملامه قائمه على الغائب ( واللهم يارب ياعزيز ياغفار رد علي ضالتي ) اللهم آمين الله برد غايبنا وغايبك ولا أقدر أقول إلا الله يبض وجهك دائماً سباق لطيب والعلم الغانم يا ابن راشد الله لايحرمنا من ها الطله حبيبي |
رد: %%%(ياجميل الكون)%%% الطهيمي 1 أشكرك جزيل الشكر على ثنائك الجميل وهذا أن دل على شئ فهوا يدل على شعورك الصادق وطيب معدنك فأكثر الله من أمثالك لك مني أجمل التحايا والتقدير والاحترام مرورك عطرني |
رد: %%%(ياجميل الكون)%%% اقتباس:
صح لسانك ابو عمر اقتباس:
++ مقبل ++ صح لسانك والمليون فالك والله يوفقك اقتباس:
ابو عبد العزيز صح لسانك وبيض الله وجهك ومبدع دائماً والحجز جاري لشاعر الكبير عبدالله الغنام |
رد: %%%(ياجميل الكون)%%% والله ياجماعة ما شفتها الا اليوم وان انتظرها من اكثر من اسبوعين لكن ما اقول الا أسمحولي بالمشاركة المتواضعة والمتأخرة جداً علماً أني هاجر الشعر من فترة لكن لعيونكم نكتب ونحاول نرتقي لإعجابكم مع كل الشكر والتقدير لأبو باسل وابو عمر
يا علي لا تنعي النعي الركيك = يوم ذاك الخل بالغ وافترى وشفك الصارخ على اللي مايبيك = وبوحك الفاضح على الناس جهرا ومشيك الحافي على الدرب الشويك = للخليل اللي يبيعك ما شرى ما رضيته لك وانا دونك عليك = والله أن حالي على حالك ذرا والله أني لك على أشجانك شريك = لين هم الروح يرجع قهقرا دوك مني ما تبي منك والليك = دون عز النفس ما نلقى عرى راس مالي دونه الدرك الدريك = لو رياح الكون تذرانا ذرا ولا ورانا من الحسايف ما يجيك = دام راس المال ما جاه خشرا كم نشوم بعز وضلوع دكيك = ومع جروح الروح ما ننظر ورا عبدالله بن غنام ابو عزام |
رد: %%%(ياجميل الكون)%%% ابوعزام 00 يكفيني فخر منك هذه القصيده التحفه لو للمنتدي حائط لعلقناه عليه جنب رسمت الرسام العالمي00 بيكاسوا00 اجمل تحياتي اهديهالك |
رد: %%%(ياجميل الكون)%%%
قاللي شامي صاحبك يحتريك= مجهز الشنطه ومع الدكه سرى عشقكم ياخلف مثل التانتنيك= باخرة راحت والعين جهرى احذر المعشوق لوماجيته يجيك= يسحب الشيله ومشيه بخترى اركب السوبر واول اشاره تجيك= وجهتك للشام لو كلاً درى لاتهاب الجمس لو هو تماتيك= راكبه منصور انت وياه اقصرى لانخاك الورع بقولت نعنبوك= اعرف انك طالعاُ طلعت كرى افهم المقصود ياشاعر تبوك= ارض خضراء ومجلاس اومرا ياطيب ربعي اللي تقبلوا مني هالكلام النثر والا القصيد لأهله وانتم اهل القصيد لكن الموضوع تحول فكاهي وشاركت وبعدين لا احد يفهم خطأ ترى يوم طلعت مع باب الدكه على السنه والشمس اجهرى لكن واحداً من اخوانها الله لا يعافيه مدقر يبيها تقطف من الجنينه ورفيقنا هواوي وماشي ماهو جالس ويبي اهله لا يجي الجمس يا ابو محمد تراه حب عذري على السنه لا تفهم خطأ |
رد: %%%(ياجميل الكون)%%% ابوعبدالعزيز وينك الفريدي يبي رد تكفي بسرعه انت تعرف اعلومه زين |
رد: %%%(ياجميل الكون)%%% ترفع ترفع ترفع والله ياوجيه الرفاقه ماشفتها الا اليوم <<<<<<<< مدري وينه مقيل فيه هذا:mad: الظاهر كاشت لحاله:cool: |
رد: %%%(ياجميل الكون)%%% ابو بندر الله يرفع مقدارك والله أني مادريت أنك مادريت000معلا الربع جاروها آخرهم الفريدي ياولدشاعر وحنا مادرينا أبا بندر معذور بس نبي؟000لوبعدالعيد مجاراه 000عزيزوغالي ويشفعلك التوقيع الحلو اللي اهديتني يالذيب الله لايخلي منتدانا منك يابن عمي |
رد: %%%(ياجميل الكون)%%% علي ابن جضعان هلا وغلا الموضوع قصيدة والتوقيع آية.. ماشاالله شاعر ومطوع. على اية حال مقبل بن نمران والله اني كفيله مهما كلف الامر.. اما الفريد فأنا شاهد ضده ولو طلع بالواسطة باقيم دعوى ضده... والوعد قدام. تقبل مروري.. وكل عام وانت بخير. فارس الحرف |
رد: %%%(ياجميل الكون)%%% اخوي فارس الحرف 00مساء الخير ياخي هاذي الهاء شهرين لكن ابو بندر جابها بهالرمضان ورطني تكفى عندكيه انامالي ذنب مرورك عطرني |
رد: %%%(ياجميل الكون)%%% يالربع حنا بهالشر الكريم ـ ارفعوا الموضوع شوي إلى شوال تقبل الله منا ومنكم صالح الأعمال .. ابن جضعان والله يالعلم ماله عن ( دهام ) . هيِّن ،،، |
رد: %%%(ياجميل الكون)%%% ابن مخيمر والله مالي ذنب هاذي منزلها في شهرسبعه شف من اللي جابها وأحكمو عليه جلد حد التطهير تكفون |
رد: %%%(ياجميل الكون)%%% الف شكر لجميع من جاراني ورد بأعذب الجمل وكم أشتقت لأسماء غابت عنا الله يذكرهم بالخير ويردهم بالسلامه |
رد: %%%(ياجميل الكون)%%% صح لسااانك وعلى شااانك ... قصيده غزليه جزله بس اعتقد انها من نسج الخيااال دااايم الشعراء يقولون مالايفعلون ....وانا اعرف مزحك يابو عمر مجارااه بيت فقط اخااف لو استمريت جبت العيد ..... رف بخل ٍ طول ليله يحتريـــك ؟؟؟؟؟ ضااايق ٍ صدرهـ بليله واحتــرى |
رد: %%%(ياجميل الكون)%%% الله يبيض وجيهكم على المساجلات الرائعه،،،، وصح لسانك يابوعمر ابداع ابداع ابداع والله انك اتحفتنا يالبناخي،،،، تقبل شكري وتقديري ومروري. |
رد: %%%(ياجميل الكون)%%% ابيات روعه من شاعر يجيد المفرده تقبل مروري والسلام |
رد: %%%(ياجميل الكون)%%% اقتباس:
والقصيده هنا لها سنوات الله يحييك |
رد: %%%(ياجميل الكون)%%% الله يعطيك الصحه والعافيه اخوي علي |
| الساعة الآن 06:18 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
