|
حريب الياس يسند على الشاعر عوض ناصر الفريدي في زمن قل فيه الوفاء تتضح صورة الأوفياء يتضح نقائها وصفاؤها ونستطيع أن نقول عفويتها لكونها صادرة من أصحابها بدون تكلف ولا انتظار مصلحة معينه فهنا يكون مكمن السر في استمرار الصداقة والشاعر لم يكن شاعرا إلا لأن إحساسه مرهف وهو بشعره يرسم شعوره وإحساسه قبل كل شئ والقصيدة اللتي بدون إحساس ولاشعور هي كالجسد بلا روح في هذا الموضوع نرى أسلوب الشاعر المبدع دائما وهو جار لي عزيز جدا ( حريب الياس ) وليسمح لي بان أبوح باسمه ولا اعتقد أن ذلك سرا شاعرنا الفاضل / صالح بن عبيد القطش العلوي في هذه القصيدة يسند للشاعر المبدع / عوض بن ناصر الفريدي .
لاوالله الا خوييّ غاب عن عيني=لاشك قلبي قريبٍ منه ويشوفه يامن يوصّل جوابي له وياتيني=برسالةٍ منه تنبيني عن ظروفه مشاغل الوقت حالت بينه وبيني=وكلٍ من الوقت يشكي جور وحفوفه قولوا لبوماجد الممدوح ينبيني=قدّام لاعمل على نسيانه بروفه واقفي ولالد يمّه لو يناديني=واليا اعترض لي بدرب اصد واطوفه ان كان هو مع مرور الوقت ناسيني=على زمان العجايب مالي حسوفه حنّا بوقتٍ تعادوا فيه الادنيني=باسباب للناس مجهوله ومعروفه قلّ المواصل وزاد الهجر ضعفيني=عن المواصل تقول الناس مصدوفه وامّا ان تعنّا رفيقي مايعنيني=يشوف مايسعده واشوف معروفه ترى عمار الصداقه وصل الاثنيني=ما الرفقه اللي بليا وصل مخلوفه ابيه في رحلة الذكرى يخاويني=مع رفقة اللي على الادراج مصفوفه اللي مضامينها خلف العناويني=تتل قلب المولع غصب وتلوفه قبل الاحاسيس تشرى بالملاييني=ومن قبل الاطرش يطب القصر بدفوفه وهنا رد الشاعر المبدع / عوض بن ناصر الفريدي
جاني عتب من خوي الدرب ناصيني=صحيبي اللي عن الاصحاب به نوفه يخصني بالعتب كنه يناجيني=ما قال الاخطاء على الاصحاب منصوفه مير ادري انه يقدرني ويغليني=والزله اللي من الممدوح محذوفه وانا عزيزٍ علي ومن مضانيني=معزةٍ عند كل الناس مكشوفه مرسول صالح يفرّحني ويحييني=وافز له فزة المطنوخ بضيوفه الشعر حضرة لتحضيره شياطيني=جتني ركابه تدك البيد مردوفه ماني بناسيك يا اعز العزيزيني=لو يتساوى علو الراس وكتوفه لكن شقا الوقت مشغلني وملهيني=يبخل بشفي وانا طاوعت لشفوفه يابو فهد للزمن جور ومعاويني=دنياي ماهي على ماريد معسوفه تجيبني نوب واحياناً توديني=واحيان تضرب براسي عالي الطوفه عسى غيار الزمن ماياصل الديني=ناسٍ مشت بالطريق وناس محروفه وجا للقصايد قنوات ودواويني=حتى اصبحت عندنا مهي بمالوفه عفت الشعر والقصايد بالمزاييني=من يوم شدوا عن الكوفه هل الكوفه |
رد: حريب الياس يسند على الشاعر عوض ناصر الفردي سلمت يمينك يابو محمد على النقل الطيب والاختيار الرائع وصح لسان ابوفهد وصح لسانابو ماجد |
رد: حريب الياس يسند على الشاعر عوض ناصر الفردي صح بدنك يبو بندر مشكور على المرور |
رد: حريب الياس يسند على الشاعر عوض ناصر الفردي بسم الله نعم ! الصداقه المبنيه على الرجوله والمعزه والصدق قد لاتدوم ولكن لاتزول قد يعتريها فتور بسبب مشاغل الدنيا ولكنها لاتلبث ان تعود بقوه عند اية مناسبه وهذه المساجله المملوءه صدقاً ووفاءً خير دليل عتاب بين قلبين كبيرين وشاعرين شامخين نتيجته هذه الدرر الغاليه من الصدق والبلاغه هذا جمال الشعر وهذا مايبهجنا رؤيته وسماعه شكرا لهما من الاعماق وشكرا لك ابا محمد على نقل هذه الجواهر الثمينه من ملاطفات ابناء حرب العزيزه هذه اخلاقنا وهذا سبيلنا وهذا ابداعنا شكرا لك الف مره على الجهد والانتقاء |
رد: حريب الياس يسند على الشاعر عوض ناصر الفريدي ردودك مدرسة يبو عبدالعزيز اتمنى ان ترتقي مستوياتنا بالاستفادة منها لك اجمل تحية ولاهنت يالفريد عظم العرب |
رد: حريب الياس يسند على الشاعر عوض ناصر الفريدي منصور الوسوس صح الله لسان الشعراء صالح القطش وعوض بن ناصر وسلمت يمينك على النقل المتميز والرقي بحرفك تقبل تواجدي المتواضع هنا مع صادق محبتي وتقديري |
رد: حريب الياس يسند على الشاعر عوض ناصر الفريدي حياك ربي يبن نمران اشرق الموضوع باطلالتك البهية ياتاج راسي لك وافر الشكر والتقدير |
| الساعة الآن 01:07 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir