نواف هلال مطلوب.... نايف بن مياس
 

بالموقع اللي يعتلي كل مشراف=يامرحبا من فوق شاشة جهازي
وش فيك يا نواف غيرت نواف=بدلت بالصدر الشمالي حجازي
مع التحيه الى نواف بن هلال

رد: نواف هلال مطلوب.... نايف بن مياس
 

اهلا هلا من قلب مخلص وشفاف=ترحيبة" ترقاء سنود وعزازي


محدن ذكر لأمواج الأشعأر غراف=على نهر دجله وبير ارتوازي

رد: نواف هلال مطلوب.... نايف بن مياس
 

لو كنت في مكه تحت حكم الاشراف=ما احد ينزل هامتي واعتزازي
وانت انتبه بالخط عشرين معطاف=تلقا العدال ليا تعدا خزازي

رد: نواف هلال مطلوب.... نايف بن مياس
 

متابع بكل حماس والصفوف جاهزه

رد: نواف هلال مطلوب.... نايف بن مياس
 

الملعبه يسري صداها ورا القاف=والجوهره في محور الارتكازي
وماقدر المولى على العبد ينشاف=مع السهل والا مع أرضا" غرازي

رد: نواف هلال مطلوب.... نايف بن مياس
 

لاصرت لقلوب المواليف ميلاف=خل الرصاص مذيرات الجوازي
العرف مايعرض على كل عراف=وإلا الخطا يفرح به الانتهازي

رد: نواف هلال مطلوب.... نايف بن مياس
 

لو للحقائق محكمة عدل وانصاف=ماشفت باوكار الشياهين بازي
ومن لاعب الغربي. على كل محراف=يظهر معه بملاوز الناس لازي

رد: نواف هلال مطلوب.... نايف بن مياس
 

قلوبنا ماتعرف الغيض وانضاف=لو كان مكسور الخواطر قزازي
ان كنت شايف كومة القش مجداف=هذي اثباتاتي وعطني جوازي

رد: نواف هلال مطلوب.... نايف بن مياس
 

هلا بك يا ابو عمر خابرك وانا صغير كل محاوره ألقاك فيها واضح المتابع من جد حياك الله وبيض الله وجهك

رد: نواف هلال مطلوب.... نايف بن مياس
 

الله ولا ارجي من عباده ولأ أخأف=هو الوحيد اللي عليه اعتنازي
والا النوايا الطيبه عند الاسلاف=أهل الفعول الوافيه والمغازي