يابوعزيز عذرنا اليوم ناصيك=و عذر الفتى مقبول عند الرجالي

فتح لنا منفذ عذر يوم اناديك=ياسر ولد صالح كريم السبالي

و النعم بالممدوح و اللي قصد فيك=وقدرك كبير(ن)فوق روس الجبالي

ماغبت من قصدي على شان ماعطيك=لاوالذي فوق السموات عالي

عنده خبر نواف يوم أتصل فيك=.خارج حدود المملكه يم مالي

وأسلم سلمت ولا يجي فيه تشكيك.=يالصاحب اللي عندنا دوم غالي


مع تحيات الجديد ..

نصيتني وانا الذي كنت حاسيك=بعشرة ابياتٍ بالوفا والكمالي
بنيتهن على معاني وتكتيك=وابرمتهن ابرام رشي المحالي
لكن معانيهن حروفٍ تسلّيك=يامعرّبٍ مافيه شيٍّ يقالي
انته يابو فايز لنا غالي الشيك=مصدّقٍ من عند بنك المعالي
صحيح عشنا ليلةٍ في حراويك=وكنا نتمنى شوف قرم العيالي
والعذر من الطيّب ليا صار يغليك=مثل العسل طعمه على الكبد حالي