سلام الله على عبدالعزيز سعيد العبلان=سلامٍ من لسانٍ مخلصنبه واسر ياساري
بدينا بالسلام وبالتحيه واللسان حصان=اليامنك حشمته تنحشمبه واسر ياساري

سلمت ودمت شرفني وجود مصخر القيفان=مثل شرواه ابوفيصل نعزه واسر ياساري
عوايدنا ليامنا مشينا نزله الرديان=ليا شفت الردي خله يسارك واسر ياساري

انا ابانشدك عن نجمٍ تبين واختفى مابان=تخيل كيف نجمٍ ماتبين واسر ياساري
تحيرت وبحلت وقلت كيف اللي جرى ماكان=عن اللي صار قللي ياعميلي واسر ياساري

لك اللي بان ماظني يسمونه نجم يافلان=اظنه طايره مرت تجابس واسر ياساري
صحيح الوقت يبحلنا ولكن يثبت البرهان=لعلك بعد ماشفته تواراء واسر ياساري

الاقمار الصناعيه تعقب في سمانا الوان=تبين وتختفي بالليل دايم واسر ياساري
تبي ماشفته بعيني صناعي صنعة امريكان=الا يالله دخيلك مادرينا واسر ياساري

هلال العيد يبحل به ولا يجزم به الاعلان=مراصيد الفضاء عجزة تجيبه واسر ياساري
ولكن من بنا رجمه جنوب سدير بالضلعان=لنا في كل سنه تشهد شهوده واسر ياساري

هلال العيد لابين تعوذنا من الشيطان=بدينا بحتفالاتٍ تسرك واسر ياساري
ولكن نجمي اللي شفت ولا وإنقلب دخان=سرابٍ له بقيعه ياعميلي واسر ياساري

اجابه دملوماسيّه وانا ياطيب الجذعان=أمشيها على شانك مجامل واسر ياساري
ابيك اتبين المكتوب لي وتبين العنوان=أبيك إتجيبها ليّه صراحه واسر ياساري

هذاك اللي تقل سنّا وحطيته على النيشان=مرده ينحتي خله بدربه واسر ياساري
ولكن من بدا توه بنورن يبهر العربان=ليا طال المدا يظهر شعاعه واسر ياساري

الايامال فرقى العين جتني هرجة الشيبان=بعض هرجك ماعرفه ياعميلي واسر ياساري
هات القاموس واشرح لي عن اللي قلتلي ذلوان=ترايه مبتحل باللي تقوله واسر ياساري

شبابك مايسرك خلها بالسر والكتمان=كان الشايب زعل دمر شبابك واسر ياساري
لنا الصولات واللقوات والجولات بالميدان=ترى الشيبان مايبغى لاقاهم واسر ياساري

شبابي عايشن وقته ويرجي طاعة الرحمان=عسا الله يرزقه بره بعوده واسر ياساري
على ايهديهم بذن ربك تعود القدس والجولان=تباشير النصر بيّن سناها واسر ياساري

آمين رزقك الله بر والدك
وأعترف إنك خصم عنيد للغايه إستمتعت معك
بهذه المحاوره وأعتذر للإخوه عن الاستمرار ونفتح
المجال لغيرنا وحبذا لو كان ابو عبدالعزيز وعبدالله راشد
للجميع التحيه

المشاركة الأصلية كتبت بواسطة نواف بن هلال (المشاركة 259817) جعله الف مبروك وبرفاه والبنين .. انشاء الله الله يوفق عبد العزيز الظاهر ان الشايب بيصرفه عشان يتزوج بعده ههههه