|
أبيات ورد السلام عليكم ورحمة الله وبركاته أسعد الله أوقاتكم بكل خير أبيات أرسلتها للشاعر / نايف العبيد العتيبي سلام يالروقي سلايل كحيلان راع الصفاة اللي فعوله مجيده رتبت لك من صافي الفكر قيفان وأنا أعتبرها من قصيدي فريده لأنها في مدح ذربين الأيمان أهل الوفاء وقت الليال الشديده أولاد روق أساعده شأنهم شأن أمجادهم مثل الجبال العنيده يكفيهم اللي صار للشعر عنوان نايف عسى سنينه طوال" مديده يقطف ثمار الشعر من كل بستان قطف الورود وكل كلمة سديده تستاهل التقدير ياطير حوران وتستاهل التمجيد هو والقصيده رد علي أبو فهد جتني رسالة صادق الود به بان من وافي التعبير راعي بريده قريتها من طيب راعيه بإمعان وابحرت معها والمشاعر سعيده يالشعر هيا ودنا نمدح انسان انسان يفرق عن جميع البديده يالشعر حضر لي من اسطبلك حصان آبرسله يم البلاد البعيده آبرسله يم الفريدي بليهان أبوخلف راعي الخصال الحميده عبدالله الحربي سنافي وشيهان خويي اللي باللوازم وليده هاك الفريدي كل ماصاغ الاوزان جاته على مايشتهيه ويريده يالله عسى دنياه في خير وآمان لأنه نزيه ولا مشى بالمكيده |
رد: أبيات ورد اخوى الشاعر عبدالله بن مغضب الفريدي صح لسانك ولسان الشاعر نايف عبيد العتيبي صحت الالسن وسلمت القلوب لاهنتما تحيتي لكما |
رد: أبيات ورد صح لسانك يابن مغضب وصح لسان الشاعر نايف العتيبي شكراً على الاضافه لاهنت |
رد: أبيات ورد صح الله السانك والسان العتـــيبي تـــقبل مروري لك |
رد: أبيات ورد الشاعر الكبير/ غازي ابو زوايدالاخ العزيز / ابو حمد الغالي/ ابن مطيع لاعدمتكم وصحت ابدانكم ، مروركم شرف لاهنتم لكم أجزل التحايا |
رد: أبيات ورد صح لسانك ولسان العتيبي ياعبدالله تقبل مروري وعجابي مع اطيب تحياتي |
رد: أبيات ورد لاهنت يا شاعرنا / علي الفريدي مرورك شرف يابعدي |
رد: أبيات ورد صح لسانك يابن مغضب وصح لسان الشاعر نايف العتيبي شكراً على الاضافه لاهنت |
رد: أبيات ورد صحت المعاني والقوافي .. أخي الشاعر / عبدالله بن مغضب . ودام حضورك وتواجدك الرائع . تحيتي وتقديري . |
رد: أبيات ورد شاعرنا القدير / علي الجضعان اشرقت مشاركتنا المتواضعة بمرورك لك اجزل التحايا |
| الساعة الآن 07:24 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir