واعذاب القلب يانواف فارع=كل ماهانت قضيه جت قضيه
حولت ماضي عقب كانت مضارع=والحروف الابجديه درسعيه
وشفت ديك الجن بالديره يصارع=لكن مادري من غريمه من خويه
كان ابو تمام بالساحه يقارع=وانتهى لوكان باقٍ مطرويه
وبقى ديك الجن بالاشعار بارع=لاتكلم قلت مايوجد حليّه
لولاابو نواس بالاحداث دارع=كان ديك الجن ماعلومه رديه
ويالمحامي بالمحاكم من تشارع=المحاكم سالفتها سرمديّه

مرحبا ثم جيت بالخطوات أسارع=واكتب العنوان واردّ التحيه
بعد ابن سلاّم ياكثر الشوارع=في بعيد القوم لو درسع جليه
لا يهمك يا ابوفيصل من يصارع=دام همّـه ودّ ليلى العامريه
البشر دايم كذا .. حاصد وزارع=ومكسب اصحاب الردى عقرب وحيه
مكسبه سمّـه وبالغصّه يجارع=من عناه الوقت ,, والعالم غنيه
يازعيم المعرفه : خابرك وارع=مثل شيخ المحكمه وإلا سميه
وإن لقيت المبتلى دايم يتارع=اتركه لا بارك الله في مجيه

المشاركة الأصلية كتبت بواسطة علي الجضعان (المشاركة 244309) والله أني مثل الأطرش بالزفه أو أوضح شوي مثل اللي بين أثنين يتكلمون أنجليزي وهو مايعرف وفجئه ضحكوا من قلب وصار يضحك معهم مايدري و السالفه بس يجامل غازي ونواف بينهم لغز صعب تحليل شفراته ومن مين من أثنين يعرفون لغة الطير وكل اللي أقدر أقول صح الله ألسنتكم عزالله أمتعتونا بهالمساجله اللي تغسل الكبد وتطرب متذوقي الشعر ونقاده لاعدمتكم سجلوا مروي وأعجابي وتقديري هلا وغلا

المشاركة الأصلية كتبت بواسطة منصور الوسوس (المشاركة 244312) صحت السنكم جميعا ابيات فيها ايحائات ورموز لكن فعلا ابو فيصل عرف من يسند عليه دام تواجدكم على العز في مجالس العز

اخوي الشاعر
نواف فارع
صح لسانك واشكرك على الرد والمجاراه واشكرك
على النشرلاهنت يالبناخي
تحيتي

المشاركة الأصلية كتبت بواسطة غازى بن عجاب أبوزوايد (المشاركة 244333) اخوي الشاعر نواف فارع صح لسانك واشكرك على الرد والمجاراه واشكرك على النشرلاهنت يالبناخي تحيتي

المشاركة الأصلية كتبت بواسطة ابـن مـطــيع (المشاركة 244416) قصيدتين فيهما من الشعر الجميل كثر مابـهما من المعاني المخفية !..؟ التي ليس لدي بها معرفة لكــي افك شفرتـهما لكي نعرف منها مانريد ولكن يتضح لي ان القصيدة اكبر من مستواي !!:061::061: واخيراً وليس أخراً صحت السنتكم ودمت بحفظ الباري

ومالنا بفك تلك الرموز * المعنى عند الهرمين
عموما جميله تلك الكلمات
تسلمون وصحة السنتكم