عساك موجود يابن هذيل =وليا بغيناك موجودي
يا اللي تباشر بن وهيل =غير الشحم وأزرق العودي
لطيبه يا سعد بك ميل =مع فعلها تطلب الزودي
انته ومثلك نوادر جيل =وتعيش يا ماكر الجودي
من لابه يسرجون الخيل =لصار طارد ومطرودي
لياجا نهار سواد الليل =تفرحبهم شمخ القودي

حي الله اللي بدأ بالقيل =هلا مع العود كنبودي
أعداد من رتل التنزيل =وما مرت البيض والسودي
هلا تراحيبنا بالسيل =ليا أختلط برق ورعودي
يابو محياء بديت القيل =ومدحتني وانت بك زودي
مدهال ربعك ذهاب الحيل =لك بالكرم سجل وشهودي
وقت اللوازم حلي شعيل =شيال الأثقال بزنودي
باللازمه ترتكي لشيل =ما يلحقك كل منقودي
من روس ربعك هل التنكيل =ليا أعترض كل مقرودي
سربت وهوبٍ تبذ الحيل =بالحرب والسيف مجرودي
ستر العذارى تزيد الكيل =دون المجاهيم ما تحودي
يتلون شيخٍ زهى التنفيل =الصيرمي ذاك بالودي
شيخه ومنسب على ما قيل =متسلسل أصل وجدودي
أخوان دلها على أم كحيل =ليا أعتلا فوقها يكودي
ليا اختلط رأسها والذيل =بالناصيه نصر معقودي
في نجد ذكره طلع لسهيل =اقفى على نقوة الذودي
بني السفر ما بنا تفصيل =لي الفخر وانتم عضودي
مثل البحر لختلط بالنيل =ليا صار ظاهد ومظهودي
وقت مضى والعرب جهيل =واليوم في حكم آل سعودي
والشكر للي له التهليل =الواحد اللي له الجودي

المشاركة الأصلية كتبت بواسطة منصور الوسوس (المشاركة 24858) انتـه ومثـلـك نــوادر جـيـل***وتعيـش يـا ماكـر الجـودي اشهد انه صدق وبيض الله وجهك ايها الشبل على نقل هذه الروائع لبوفهد ........ يستاهل المدح بن هذيل والطيب مثله مايجيب لربعه الا العلم الغانم والثناء ......... فله الشكر من كل فريدي وهذي عاداته ابو فهد اشهد انه من نوادر الجيل الله يطول عمره على الطاعة والعز مرة اخرى شكرا يافهد ونريد ان تتحفنا بجديد الوالد لاهنت يبن العم