(((*))) وياماحلا اللكـزز وجمسيـن وشـراع (((*))) قصيدة الشاعر / عبدالله سمير العوماء الفريدي(الجديــد) ومجارات الشاعر/ عبيد نهارالفريدي وقريباً مجارات الشاعر/على بن محمد بن الحمود هات القلم واكتب على روس الأصبـاع = وسجل مع أهل الشعـر بالشعرباعـي بالذات من يهوي القنـص والتمتـاع = بالطيروإلاالغـيـرهـذاامـتـنـاعـي كم شاعر(ن) قبلي طرق عـدة انـواع = ومع الأسف شعره مع الناس ضاعـي يابوحمـود سهيـل شفنـاه لـمـاع = عقب الغباء شوفه جنوب (ن) لماعـي يوضي كما الليزر وضوح(ن) وشعـاع = ومـن شوفتـه للحرقلنـا وداعــي وياماحلا اللكـزز وجمسيـن وشـراع = ويماحـلا بالبـر طــق الشـراعـي وشب الحطب والنجر صوته اليا أنصاع = يجذب عليـك مـن الفريقيـن داعـي ومبهرات الهيـل مـن كـل الأنـواع = ومسمارهـا محـذور مافيـه داعـي وكبش (ن) معلق بين ناهي ورضـاع = يوم( ن) بعض الناس شحـه مطاعـي مجٌود(ن) بالقرش مـن قـل الأسنـاع = وكيل مـال الـورث يـوم الوداعـي والسيل وقعه بالوطـاء قبـل مايـذاع = ومـن الصبـاح بكـل ديـره إذاعـي ومعنا مثل شـرواك يشـراء ولايبـاع = ةوخسران منهو لبيض الوجـه باعـي وطير(ن) مثل سطـاح راكـد وطـلاع= وإلامثـل عــزام لاقـيـل فـاعـي الخرب من حد السهـل للوعـر فـاع = وتـل السـبـوق وزم بالأرتفـاعـي كنه أوكس مراقبٍ(ن) كـل الأوضـاع = ودايم عيـون مراقـب الجـو واعـي وحول من اللجه على الـرأس للقـاع = نجم(ن) على روس الشياطين ماعـي مافـاد كثـر مـراوغـه والتـلـواع = طير(ن) على صيد الخريشات ساعـي وليهون نجم(ن) بالسماء لـه تلمـاع = نجم السهاء برقن سراء لـه شعاعـي لـه جائـزة نوبـل توقـع بالأجمـاع = ويرعـاه مـن رب السمـوات راعـي يرشنـا رش المطـر لشهـب القـاع = بمفـردات القـاف عـنـده بـراعـي ياناظـم القيفـان فـي فـن الأبـداع = أصغيـت لبداعـك بكـل إقتنـاعـي قناعـة ماهزهـا شــك زعــزاع = عنها قطعـت حبـال شـك النزاعـي قافٍ لـه السمـاع يصغـي وينصـاع = يصغي له السامـع بـزود أستماعـي يعطيك صوره عن هويـات وأطبـاع = ومسيـر رغبـه مبعديـن المساعـي أومالهم فـي صنـع الأبيـات صنـاع = يقنب مـع الهاجـس قنيـب السباعـي وتجاوبوا صوت بـه تلـج الأضـلاع = ذيـبٍ مجيـع وجاوبـنـه أجيـاعـي ونجم السهاءأسم استعـاره وبـه شـاع = عبـر الجهـاز وادي الرمـز شاعـي رمزيـن والثالـث سميـه بالأشمـاع = مشمـع دايــم جـديـد الصنـاعـي وانـا جذبنـي يمهـم كـل مـرمـاع = مرمـاع طيـب بنازليـن الرفـاعـي وأنا على أهل الطيب حرصٍ وطمـاع = أحبـهـم بالله حـــبٍ جـمـاعـي أحب مـن حبـه هـوا كـل ذعـذاع = في بـر نجـد وشاسعـات الوساعـي شمـت ذعاذيـعٍ يـداون الأوجــاع = ممشي الخلا يبعد اعمـاس الصداعـي يالله بـنـو بـارقـه لــه تلـمـاع = زلـزال رعـاده يثـيـر أرتيـاعـي يضفي على أرض المملكه ضفوة أشراع = خيـرٍ بــلا شرعمـيـم النفـاعـي مـن غـب سيلـه كنـه زروع زراع = خضار عشبه تقـل محـور زراعـي مشاجرن كاسـن جبلهـا مـع القـاع = نـفـودهـا وسهولهـاوالـتـلاعـي فيـه أم سالـم صوتهـا لـه تلعـلاع = وترافـع غوانيهـا بصوتـن ايقاعـي وتشوف فيه ال جامـع الفقـع جمـاع = وصيد الحباري له مـع الكـل داعـي هذا يقول أمـس صـاد أربـع بسـاع = وذاك هـد اليـوم طيـره وضـاعـي اقفـي وراجولـن تـمـزع تـمـزاع = مثل الطخاف اللي بـه الريـح زاعـي راعيـه بـدورتـه تـلـوع تـلـواع = ولقـاه عقـب أيـس عنـد راعــي وهذاك صاد ونـاون اليـوم مرجـاع = يشيـل تالـي عزبـتـه والمتـاعـي وعقب نه أشبع غاية الرغبـه أشبـاع = رغبة شرف رغبة بيـاض النصاعـي ماهـي رغبـة مـن تهـزع تهـزاع = يرقص وله فـي كـل بـار انهزاعـي يشرب وفـي مشيـه وهرجـه تنتـاع = ماله على المشي الصحيـح أستطاعـي ممابـراسـه ياطويلـيـن الأبــواع = يحسب حساب الشبر مثـل الذراعـي وصـلاة ربـي عـدمـالاح لـمـاع = علـى النبـي اللـي للأسـلام داعـي الشاعر / عبيد بن نهار الفريدي |
رد: (((*))) وياماحلا اللكـزز وجمسيـن وشـراع (((*))) أبــــوعــــمر يا الغالي لاهنت وبيض الله وجهك على طرحك ها المساجله الرائعه بين شاعريين عملاقييين عبيد بن نهار: شهادتي في مجروحه وعبدالله العوماء: شاعر جزل أبـــو عــمــر . . . عوفيت |
رد: (((*))) وياماحلا اللكـزز وجمسيـن وشـراع (((*))) صح لسان الشاعر القدير : عبدالله العوماء ( ابو فايز ) الذي تعودنا منه جزل القصيد والحضو الدائم وكذلك ابو محمد عبيد بن نهار شاعر الابداع والامتاع شكرا لك مراقب بيت القصيد ( ابوعمر ) على هذه المشاركة الرائعة دمت محلقا في سماء الابداع والحضور الراقي تقبل وافر التقدير |
رد: (((*))) وياماحلا اللكـزز وجمسيـن وشـراع (((*))) صح لسان شعرائنا وسلمت يا علي الجضعان على النقل الفريد |
رد: (((*))) وياماحلا اللكـزز وجمسيـن وشـراع (((*))) اخوى ابو عمر الله الله قصيده ومجاراه فى قمة الروعه من شاعرين رائعين ابو فايز وابو محمد صحت السنتهم وسلمت قلوبهم كل الشكر لك اباعمر لنقلك هذه القصائد الطيبه تحياتي |
رد: (((*))) وياماحلا اللكـزز وجمسيـن وشـراع (((*))) مساجلة رائعة صح لسان كل من الشاعرين وتسلم اليمين الطيــــبة على نقل كل طـــيب شكرا ابا عــمر |
رد: (((*))) وياماحلا اللكـزز وجمسيـن وشـراع (((*))) صح صحة السنتكم يامبدعين وسلمتم يالناقلين بصراحه عطر المنتدي الكلام الطيب والجزيل كهاذى دمتم ودام عز القبيله بكم |
الساعة الآن 02:32 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir