|
مساجلة جميله بين شاعرين من شعراء الفرده السلام عليكم ورحمة الله وبركاته باذن الله تعالى سوف اقوم بكتابة مساجلة بين شاعرين من شعراء الفرده وهذا الموضوع ارجو تثبيته حيث سوف اضيف اليه كل فتره قصيدتين بين شاعرين من الفرده اذا رايتم ذلك والامر راجع للادارة ثم اراء الاعضاء البداية هي هذه المساجلة الجميلة بين الشاعر / عبدالله بن سمير العوما الميسوي الفريدي وابن عمه الشاعر الكبير / حمود بن محمد الحمر العويني الفريدي هذه قصيدة موجهه من الشاعر / عبدالله بن سمير الميسوي الفريدي ( منادي ) لابن عمه الشاعر حمود بن محمد العويني
هات القلم واكتب على القاف والطرق=وسجل لنا قافٍ طرقناه طرقا ناح الحمام ونحت مثله ولافرق=نوحي مثل نوحه ولافيه فرقا وانا كتمت الحب ولعي مع الورق=ويزداد دمع العين لاناح ورقا على وليفٍ محرقٍ ضامري حرق=حتى اصبحت منه المعاليق حرقا حبه على وضح النقى ما ادرقه درق=ولاعمرها حاكت به النفس درقا ابو ثمانٍ لاضحك كنها برق=ينتابني حبه على الكبد عرقا طعنات سهمه بالحشى لونها زرق=من كثر زرقه للمعاليق زرقا ياحمود اثر الناس من بينهم فرق=فرقٍ مثل مابين غربٍ وشرقا ماقلتها كلاك ولامقصدي قرق=لون بعض الناس يخويك قرقا مركب غرامي طابعٍ بوسط الغرق=اما حصلي اسعاف فالحال غرقا نزّل مجاديفك ثم شويش بي وارق=بطوق النجاة لبر الامان نرقا جتك الرسالة بسرعةٍ تسبق البرق=عبر الاثير اتجيك من غير برقا وعندما وصلت للشاعر المبدع الكبير / حمود بن محمد العويني ارسل مرد القصيده يقول فيها (( هذا مردي على ابن سمير وعلى منهاج غير منهاجه لتعذر القافية على منهاج القصيدة الاولى ))
مرحبا ياللي شرح لي عن حواله=في ظروفٍ للاجابه مغلقاتي اجتهدت بكل ما املك من بساله=مار ضاعت حيلتي بالمفرداتي سكّر الطاروق والماجود قاله=ولي طبيعه ما اتوطا السارياتي ابو فايز مرسلٍ ليّه رساله=ايتشكا من غرام المترفاتي من هواء الخفرات واعزي لحاله=عقبن بالميسوي رمح الزناتي يابو فايز جعل يفداك الحثاله=يا سليل الجود راع الواجباتي ابلجٍ من طيب ابوه وطيب خاله=جامعٍ مع الرجوله طيب ذاتي ياوسيع العرف عندي لك مساله=وانت حرٍ جامعٍ كل الصفاتي الهواء يا بن سمير اترك مجاله=يوم صارن الرسوم مبيناتي اجتهد في طاعة المولى وساله=اطلب الله بالمروفه والثباتي كل مسلم حق يقنع في حلاله=مايطالع للطيور الطايراتي التغزل مالنا بسوقه عماله=بايعينه يازبون الوانياتي التغزل بالمشيب من الجهاله=كل وقتٍ له حصاد وله نباتي لي ثلاث عقود عن الغي داله=مالتفت بالزين لو ياخذ عباتي واختصرت القيل مالي بالاطاله=جعل ابو فوّاز ما ينسى وصاتي واليكم ردا وجدته في المساجلات للشاعر المبدع أبو فهد سعد هذيل يقول :- مجاراة لقصيدة الشاعر عبدالله بن سمير العوما الموجهة للشاعر حمود العويني الفريدي والتي أردت ان انشرها عبر منتدانا العطر حيث اعجبت فيهارغم صعوبة قافيتها
قاف ٍ قريته حرك عروقي=الـزرقخلـى وريـدي ينحدربـي ويرقـا القلب والنبظات والـدم والعـرق=تحركـن باسبـاب ذكـره لطرقـا احترت بالافكار كيف اسلك الطرق=وواسـى العومـا بحـب ٍ تعرقـا يذكر وليفه بالحشى سارقه سـرق=ويخشى تروح الروح باسباب سرقا لاشك ماحدد مكانه مـن الشـرق=في نجد وإلا غرب بحـدود برقـا وإلا مع الأشوام في ديرة العـرق=وإلا مع الأتـراك والبـاش مرقـا وإلا على لبنـان وبنيهـا البـرق=تلع الرقاب ومشيها مشـي ورقـا حدد مكانه يالبناخي علـى اليـرق=وابشـر بعـزك يـم داره يطرقـا في جاهنا وفلوسنا نغرقـه غـرق=على النقا وايضا على راس مرقـا إن طاع وإلا بالنمش نمرقه مـرق=وأنته سليم وصاحبـك بالصمرقـا ولكم مني اطيب تحيه |
رد: مساجلة جميله بين شاعرين من شعراء الفرده مساجله جميله من شعراء الفرده دمت على العز يابومحمد دائما جميل بحضورك وجديدك |
رد: مساجلة جميله بين شاعرين من شعراء الفرده وهذه المساجلة الثانية بين الشاعرين الكبيرين / عبدالله بن سمير العوما الميسوي الفريدي والشاعر الكبير / علي بن عبدالله الطهيمي الذي يعد من افضل شعراء الفرده بالقصيم . يقول أبو فايز أرسل لي الشاعر الطهيمي هذه القصيده وهي تعبر عن نفسها يقول :
القلب يا ابن سمير مابه مناعه=حاولت ابصبر يا ابو فايز ومليت مليت لوني بوسط الجماعه=نعمٍ بربعي عزوتي لا تعزويت قلب الشقى مالي عليه استطاعه=بس اتمنى البر لصبحت وامسيت ويا ماحلى ممشى حديث الصناعه=فكس آر لمنك ركبته تهقويت صنع الحكيم اللي نجح باختراعه=وعلى جهاز الكمبيوتر ما قنيت صوت المكينه لاشتغل دق ساعه=ويفصل اليا منك دبلته وخفيت قلت اركبوا يا أهل الكرم والشجاعه=أغراضنا كد شلتها يوم صليت قبل طلوع الشمس يبدي شعاعه=والجيب جاهز فاحصٍ ماه والزيت وزان القصيد وزان حتى استماعه=وترتاح لاسولفت والا توحيت وعلى الكناود تقل ترتيب إذاعه=ماقطعوا على النشاما سرابيت اهوايتي واحبها من قناعه=مرتاح لو اني تعبت وتعنيت وبالاخره مانرجي احدٍ شفاعه=ونرجي الذي في قدرته يحيي الميت وقد جاوبه شاعرنا العوما بهذه الابيات :-
أهلاً وسهلاً عد بث الاذاعه=وعد الحجيج اللي يلبون بالبيت برسالةٍ جتني بفن وبراعه=من الطهيمي طيب الفعل والصيت زبن ضعيفٍ جور الايام لاعه=علي عبدالله مابها قول ياليت يامنادي ابن سمير سمعٍ وطاعه=انته شريك اللي بالأبيات ناديت أركب على الباب الايمن وساعه=وأختر من الأصحاب من هو توريت كانه كبير السن قدر وراعه=خلك وسط في صحبتك ماترديت الجمس دفرنسين ونعم البضاعه=تلحق مساريحٍ مشوا عقب ما اضحيت يعجبك صدره بالطمان ورفاعه=كنك على البنق المسمى تساويت قبل الفجر فجران ما احلى انشلاعه=والصبح للحد المحرم تعديت (1) بيتن لبن نفجان قو اندفاعه=شاعر مخضرم عاصر الحي والميت وياماحلى بالبر طقت شراعه=وجمع الحطب وللبن الأشقر تقهويت بزحول ربعٍ كل ابوهم جماعه=رايٍ موفق يوم ربعك تنقيت وكبشٍ من المصلاح راعيه باعه=وقام يتبلج يوم للنقد عديت ومعنا اشقرٍ طلاع سبق وقطاعه=لاصرت في راس الطويله تعليت ثم ساوقت له في مطير ارتفاعه=راحت قوام ولا على الله تعليت وهذي حلات العمر قبل الوداعه=وقبل تقول اني على فلان صليت ( 1 ) الشاعر لافي بن نفجان الحربي يقول ك- فيها تضيع اعلوم خطو الهبادي *** اليا قوس العقم المحرم تقل سيف يمسي بها الميلاف ماهو جوادي *** اليا غربت شمسه رجع صاعه نصيف وعلى المحبه نلتقي مع شعراء اولاد راشد ومساجلات اخرى |
رد: مساجلة جميله بين شاعرين من شعراء الفرده مساجله رائعه منصور الوسوس دمت بالوجود والــود لدي رأي الا وهو عدم وضع اي رد للاعضاء فقط تكون المشاركات لمسجلات الشعراء ودمتم بإحترام |
رد: مساجلة جميله بين شاعرين من شعراء الفرده بقايا انسان لك اجمل تحية على مرورك واقتراحك جميل الا اننا نرغب المشاركات لتنشيط الموضوع وكتابة الملاحظات والتعليق على المساجلة والتعريف اكثر بشعرائها لك صادق الود |
رد: مساجلة جميله بين شاعرين من شعراء الفرده بسم الله الخال ابو محمد اختيار جميل وموفق وفكرة رائعة وبهذه الطريقة وهذا الا سلوب يتم اثراء المنتدى ولايضير النقد وتعدد الآراء فنحن لازلنا في طور النمو والطريق طويل ونريد لهذا الحماس الشبابي الاستمرار ونتقبل المشاركات والملاحظات طالما كانت بحدود نهج المنتدى السامي . اما مشاركاتي ياخال فهي لازالت تشجيعيه اما ليا جاء ( الصملي ) تبي تسرك الامور انشاء الله هالحين خلنا نكثر السواد لك حبي |
رد: مساجلة جميله بين شاعرين من شعراء الفرده اخوي منصور 00 اولا الحمد لله على السلامه 000 وين هالغيبه 000 ارجو نقل القصيده الثانيه حق العويني الى المشاركه الاولى وتكون المساجله في مشاركه واحد 000 ثم القيام بكتابة مساجله جديده محل المشاركه التي قمت بمسحها بالمشاركه الثانيه 000 اعذرني ما هو تعليم 000 على سلامتك يا الغالي 000 بس مجرد رأي قابل للقبول والرفض 000 مشكوووووووووووووووووووووررر على هذه القصائد الحلوه الرائعه الجميله 000 |
رد: مساجلة جميله بين شاعرين من شعراء الفرده اخوي الوسوس مشكور الله يبارك فيك وفكرة ممتازه جدا الله يقويك ويعافيك مجهود طيب طبت لنا بافكارك الحلوه |
رد: مساجلة جميله بين شاعرين من شعراء الفرده كفو يابو عبدالعزيز (( سعد من انته عزوته يبن العم )) ابداعك واضح وتشجيعك محل تقدير الجميع لك اجمل تحية ياعظم العرب . رأيك على الراس يابو راكان فعلا كان هذا المفروض وسوف اعيد الترتيب لك كامل الود ومشكور على التوجيه الجميل والتواضع الجم منكم نستفيد . |
رد: مساجلة جميله بين شاعرين من شعراء الفرده دئما مبدع اخي منصور واتمنى ان لاتتوقف هذه المشاركات وخاصه في مجال الشعر ولك كل الاحترام والتقدير ودمتم سالمين |
رد: مساجلة جميله بين شاعرين من شعراء الفرده ومع مواصلتنا لمساجلة شعرائنا من عيال راشد واللي اشترطنا فيها ان تكون المساجلة بين شاعرين من شعراء الفرده اليكم هذه القصيده لشاعرنا المبدع دائماً / حمود العويني ويسندها للشاعر الكبير / شريّف ابن راكب الفريدي .
الناس ياشريّف قصيٍ مداها=ماهم على يامسندي ماتوقعت حيثٍ ما احدٍ سالمٍ من غثاها=كيد البشر لاتامنه لو تواضعت خلقٍ يا بن راكب قليلٍ حلاها=مايتركونك بالسعه لو توسعت لو انت مقفي ماسلمت من اذاها=ولاييدونك بالسنع لوتسنعت تذكر مفاخرها وتقل تجاها=عميا بصر تفسيرها يوم طالعت ماتنتعدّل غديته لو غداها=خبل العرب ماينتقنّع لو اقنعت عفوش الرجال اللي قليلٍ حياها=يبون حذفي يمهم مار ما طعت خل المسفه تستشيط بعماها=عن الهزيله والهزايل ترفعت عسى نفوس الحقد تلقا جزاها=يامن تحت عرشه وبسمه تشفعّت لولا الرجال اللي تعز اقرباها=قلت الكلام اللي ليا قلته اوجعت حبوس الرجال اللي يذري ذراها=في سمعت الغالين لااعطي ولابعت اهل العقول اللي ملكني وفاها=اللي ليا جيبت سيرهم تشجعت اولاد راشد مكرمت من نصاها=قلته وبا اقوله مثل ماقبل ذعت يتلون ابن حماد من دور طاها=شيخٍ بحومات الوغا ينّعت نعت يوم القبايل تفتخر بومراها=سيفي ليامنّي للاضداد صارعت ماكر صواريمٍ تضد اقبلاها=قولٍ على وضح النقا ماتصنعت دايم وغيبات الرفيق انحماها =حطيت روحي دونهم يوم ذرّعت قومٍ جوايحها بروس خصماها=وتلقا النقا في ساسها لاتتبعت كم سابقٍ منهم عطيبٍ شضاها=لقال مصطور النشاما تبرعت نعم الرجال مزبنت من نخاها=لي الفخر بافعالهم لاتطلعت ازعل زعلها والرضا من رضاها=ون حل بي ماجوبهم ماتجزعت والا الضعوف اللي ترهّم حكاها=لااقوالها وافعالها ماتسمعت يابايع الذمه ويا من شراها=ماعاد ينظّفك البحر لو تسوبعت وهذا مرد الشاعر الكبير شريّف حيث يقول رداً على العويني
الله من نفسٍ زعلها حداها=قعدت اجاحد غيضها لين ولّعت فزيت كني والقدم قد وطاها=جمرة غضا مع غاوي الرجل وارتعت سمعت بالدعوه واجبت لنداها=وعيبٍ علي ان كان بالحل ما ابدعت والله لخل الخيل تقرع احذاها=اما جدعت امبارزي والا انا اجدعت حمود له قصه عليّه شكاها=قصة شرف مع نشرها قد تمتعت له قبةٍ فوق الثرياء بناها=ولو اشتركت ابّنيها ماتراجعت ياحمود رجلك لاتقصر خطاها=دامك على عرش الحقيقه تربعت لاصار حافظةٍ سواقيك ماها=والله يمين انك عن الحق ماضعت ومن لايعرف الطيبه ماقناها=والحر يلقى واحدٍ يثعته ثعت واهل النمايم قطّع الله اعراها=ما انت الوحيد لمرها لو تجرعت اهل القلوب اللي تراكم صداها=اليا وثقت بعملة الخاين اخدعت عسى ارضهم تجدب ويصحي سماها=وتبقى مثل وادٍ اليا جيته اسرعت عندي نصيحه ياحمود وتراها=وجهت نظر وللاّ انت بالصاع قد صعت بير الهلالي لاتبين غطاها=تراي من موح الدلي قد تملعت يزتّك اللي ماحسب وش وراها=ويضحك اليا منك لبيضك تنزعت وعن القبيله بالفعول انتباه=ترقى العلا بحبالهم لوتمنعت قبيلةٍ يلقى الوفا من نصاها=ما هو على اني غرسها يوم دافعت والله لصادم من يقرب حماها=وعيبٍ اليا مني عن الحذف خرعت ماهي بعوز لمدحنا من صباها=ما قول انا سمكرتها وانت لمعت وفعل القبيله منتدى لشعراها=وتدوم يانجمٍ على الكون شعشعت |
رد: مساجلة جميله بين شاعرين من شعراء الفرده صح لسان الشاعران وشكرا لأصحاب الردود ولا أخفيكم سرا أن لي الرغبه في مجارات القصيده الأولى الموجهه من العومى الى ابن الدعيس ؟؟؟؟؟؟؟؟ |
رد: مساجلة جميله بين شاعرين من شعراء الفرده مجاراة لقصيدة الشاعر عبدالله بن سمير العوما الموجهة للشاعر حمود العويني الفريدي والتي أردت ان انشرها عبر منتدانا العطر حيث اعجبت فيهارغم صعوبة قافيتها
قاف ٍ قريته حرك عروقي الزرق = خلى وريدي ينحدربي ويرقا القلب والنبظات والدم والعرق = تحركن باسباب ذكره لطرقا احترت بالافكار كيف اسلك الطرق = وواسى العوما بحب ٍ تعرقا يذكر وليفه بالحشى سارقه سرق = ويخشى تروح الروح باسباب سرقا لاشك ماحدد مكانه من الشرق = في نجد وإلا غرب بحدود برقا وإلا مع الأشوام في ديرة العرق = وإلا مع الأتراك والباش مرقا وإلا على لبنان وبنيها البرق= تلع الرقاب ومشيها مشي ورقا حدد مكانه يالبناخي على اليرق =وابشر بعزك يم داره يطرقا في جاهنا وفلوسنا نغرقه غرق =على النقا وايضا على راس مرقا إن طاع وإلا بالنمش نمرقه مرق =وأنته سليم وصاحبك بالصمرقا ولكم مني اطيب تحيه |
رد: مساجلة جميله بين شاعرين من شعراء الفرده سلمت منصور الوسوس ولاهنت وصح السان الشعراء وراائعه المداخله سعد وصح السانك تقبلوو مروووري |
رد: مساجلة جميله بين شاعرين من شعراء الفرده مشكور منصور على النقل وصح لسان القايل ومداخلة جميلة من ابو فهد صراحة طوحت بعقالي و قلت ياويل حالي مبدعين شعراءنا نازف الحرف |
رد: مساجلة جميله بين شاعرين من شعراء الفرده الشاعر الكبير سعد بن هذيل ابو فهد اعجز عن ايصال كلمات الثناء فابداعك صاغته لنا اناملك بحروف من ذهب بهذها الرد الرائع الجميل ويسلّم عليك العوما واطلع على الرد ويقول صح لسانك يبو فهد لك مني ومنه اجمل تحية وباقات من الورد |
رد: مساجلة جميله بين شاعرين من شعراء الفرده بقاي انسان نازف الحرف لكم اجمل تحية على مروركم |
رد: مساجلة جميله بين شاعرين من شعراء الفرده شريف الفريدي احد الشعراء المجيدين في منطقة القصيم له قصائد رائعة اتمنى من يعرف شيء منها ان يقوم بنقله لنا وله وافر الشكر . وكذلك بالنسبة للشاعر / مبارك بن ناصر الحديد الفريدي من الشعراء البارزين في منطقة القصيم ويعتبر من مشاهير الفردة في هذا العصر ومن المشهورين بالكرم والعلم الغانم وله وقفات رائعة وهو من الرجال المحسوبين امد الله بعمر الشاعرين على الطاعة ذكر لي احد الاخوه هذه المساجلة بينهما فرغبت بنقلها لكم مع اجمل وارق تحية يقول الشاعر / شريف
يأبن حديد المشكلـه مالهـا حـل=إلا أن قلبـي يتـرك الـود كـلـه مـدام قلبـي لاتوانـا ولا مــل=الود عنـده صـار مثـل الجبلـه ذكرت له سن الهوى عقب مـازل=وضحت للجانـي جميـع الأدلـه وحتى من الي يتبع الشيب مـاذل=بقى مثل جـدى النجـوم أمحلـه أن كان مالله دلـه الـراي مـادل=مـن لايدلـه خالقـة مـن يدلـه إليا ذكرت أرموش عكشا لهن ضل=من نظرت الحاسد عليهن اسملـه وقفت لين أن العنـا يكتمـل فـل=وراجعت لي ماضيا بعيداً أسجلـه الجادل اللي تلنـي بالهـوى تـل=تلـت قطيعـاً قفـي الـدق جلـه اللي بقلبـي لـه عمـارات وفلـل=ليتـه بقلبـه حطـي ربـع فلـه والله ماقول لمنجرح روحي بحـل=عقب الدروس القاسيـة والمذلـه هاذي عيوبي وأنت للي بقاء فـل=أن كان مانته ساتـراً كـل خلـه والله لو أملك عقـل ماذكـر الكـل=لون مع عقلـي عقـل كـان فـه وأقبل تحياتـي عـدد كـل ماهـل=مزنا صدوق أخيـال وبلـه يهلـه ونهايت المعنى على المصطفى صل=وسبح لمن نركع ونسجـد رضلـه الواحد الخالق هو المعتلـي جـل=عسـاه يسمحلـي وقوفـا بظلـه ثم وصلت القصيدة للشاعر مبارك بن حديد فرد بهذه الابيات
لابـاس ياللـي بالـغـرام يتـغـزل=اللـي شكـا مـن ماقـف حــاصلله يالي عذلـت القلـب والقلـب ماكـل=جـددة للـي قـال بصـري بحـلـه جـددة لـلـي قــال بـصـري أول=وللي لقاء الطيـار مـن جـور خلـه من الوحيد اللي من الحب مـن سـل=كم واحـد قبلـك هـوى الغيـد سلـه ولنت الوحيد اللـي بنـاء للهوى تـل=بـروس الهضـاب النايفـه مرقبلـه عندك خبر ويـش الوليعـي تحصـل=من راس رضـواء وادع الكـون كلـه وعندك خبر وش جاء الدجيما من أحيل=وعقب شرب كأس الهوى وش عملـه وبحر الهوى غبـات ومـواج وهـول=وكـم واحـد در البحـر ماحصـلـه مابيـن جـزر ومـد يقطـع وياصـل=ولـذات نفعـه ماتقابـل عـن لــه إليا قـام مقصـوف الشبـاب يتغـزل=ولـد ونظـر نظـره غـرام وتولـه وهنف دلـع وأعلـن تحديـه وأقبـل=تقـل يعـد أخطـاه والـردف تـلـه ومن شافها بالوصف لو كثـر أمقـل=يحتـار فـي شكلـه وقـده ودلــه الله عطـاه مـن المحاسـن وكـمـل=وكمل جماله في حسـن منطـق لـه لو شافها اللي فـوق مركـاع يغـزل=جـدد فعـل بصـري بنفـس مغلـه وهذي أدروب أهل الهوى أجداد وسمل=وراع الهـوى طـرد الهـوى مايملـه وأصفح وسامح مـن سطابـك وحلـل=لجـل جمـالـه قـلـه الله يحـلـه وختامهـا وحـد وسـبـح وهـلـل=وقـت التهجـد تالـي الليـل صلـه وعـداد مالاحـت أبـروق تشـاعـل=صلوا على العصـوم عـن كـل زلـه |
رد: مساجلة جميله بين شاعرين من شعراء الفرده صح لسان شعراءنا وبارك الله فيك منصور جهود تشكر عليها اسجل أعجابي بهذا المساجلة الجميلة العذبة نازف الحرف |
رد: مساجلة جميله بين شاعرين من شعراء الفرده يعافيك ربي نازف الحرف واجب علينا |
رد: مساجلة جميله بين شاعرين من شعراء الفرده صح السان الشاعر شريف وصح السان الشاعر / مبارك بن ناصر الحديد الفريدي ومشكوووور الف الف منصور الوسوس تقبل مرووري ودمت بوود |
رد: مساجلة جميله بين شاعرين من شعراء الفرده اخوان الاعزا كل من بقايا انسان و نازف الحرف ومنصور اعلن لكم من هذ المنبر عن عجز لساني عن التعبير وقلمي عن الكتابه اشكرالله تعالى ثم اشكر كم على المشاعر الطيبه واخص منصور بالثنا على ابلاغ الشاعر العومأ وبعث سلامه وقول وصلت الرساله وتسلمون الجميع؟؟ووصلو سلامي لبن مياس |
رد: مساجلة جميله بين شاعرين من شعراء الفرده منصور الوسوس سلمت يمناك على هذا الجهدالرائع |
رد: مساجلة جميله بين شاعرين من شعراء الفرده مبدع كعادتك ابو محمد عسانا مانعدمك ياوجه السعدج اكمل اكمل نحن نتابع تقبل تحياتي |
رد: مساجلة جميله بين شاعرين من شعراء الفرده منصور الوسوس سجل إعجابي بموضوعك الجميل والمبدع واللذي اعتبره يوازي ثقل خمسين موضوع او قصيدة منقوله لانها مساجلة بين ابناء العم الذي اتيت بها حفظك الله لك شكري ولك اعجابي بموضوعك الجميل والمساجلة الرائعة الى الامام وفقك الله |
رد: مساجلة جميله بين شاعرين من شعراء الفرده يا منصور وينك يامنصور لاتبطي علينا وين مساجلات محمد الشعيبان وين مساجلات سعد بن هذيل و عوض ناصر وكثير وكثير من النجوم الا معة عطهم إعاز منصور اخوك نازف الحرف |
رد: مساجلة جميله بين شاعرين من شعراء الفرده اعتذر للغياب وسنعاود الاتصال بالشعراء ونتحفكم بجديد مساجلاتهم باذن الله تعالى اشكر لكم جميعا اهتمامكم |
رد: مساجلة جميله بين شاعرين من شعراء الفرده هذه مساجلة جميله جدا بين الشاعر الكبير حمود العويني والشاعر المبدع العذب / عبيد بن نهار الفريدي والاخير سوف اقوم بزيارته من اجل ان امتع الاحبة متذوقي الشعر النبطي ببعض قصائدة واللتي تكون دائماً في غاية الجمال نظرا لما يتمتع به الشاعر من غزارة المعنى واللتي سوف توافقوني عليها عندما تستعرضون رده على الشاعر حمود .
حبيت راس عبيد من طيب قافه=عز الله ان عبيد بالشعر بيطار ياسامعي كانٍ عندك حرافه=لاضفت الالف لوالده يطلع انهار يازين نظمه للمثل يوم حافه=تقول من غال الجواهر والادرار الشرّد الفرّد عسفهن عسافه=اللي لهن عند اهل العرف مقدار والا قليل العرف عنده حسافه=وراع الولع ياعبيد عنده لهن كار الجوهر الغالي صعيب اكتشافه=كود الذي مثلك بعيدات الاوكار يابعد بالشعّار فرق المسافه=لاشك مايدرون عميان الابصار احدٍ بنظم القيل عنده كلافه=واحدٍ اليا من قال قيله طلع عار بعض قصيد اليوم نفسي تعافه=لامبينٍ حكمه ولافيه تعبار كل الكلام اللي يجيبه سخافه=في فكرتي لوتختلف فيه الافكار وسلمت يامن شاقني صوغ قافه=من غيهبٍ جوهر معانيه فوّار ياعبيد كل اللي تقوله طرافه=الله يبقى فيك ياواف الاشبار يابو محمد ياحريب الضعافه=ارج السموحه منك يانسل الاحرار وعداد مايسعى وكمّل طوافه=ازكى سلام لقايد الغر الابرار وهذا رد الشاعر عبيد بن نهار الفريدي على العويني حيث يقول .
قدر الوفاء ياحمود ماهي زهافه=ومن طيب ذاتك يابعد كل قمار ابيض احساسٍ ناصعٍ مع نظافه=ميدان ميراد المشاعر ومصدار لبّستني تاجٍ على الراس شافه=اللي حضر واللي قراهن بالاسطار روايعٍ من نقد سوق الصرافه=واحد وعشرين الذهب قيس وعيار منظوم برديٍ ويحمل اغلافه=توقيع يمنىً ما تجيها سنى النار يمنىً تجود بوقت قاسي اعجافه=يمنى حمود الطايله سر وجهار ياريف هتاشٍ من البعد ضافه=يوم الردي لاضافه الضيف يحتار الشعر زهره قد قطفته قطافه=قبلي نظمت من اجزله عذب الاشعار بحرٍ تباعد غبته عن طفافه=اليا صفق كنه غضب ريح الاعصار من زرق غبات المحيط اكتشافه=بمتابعة عبر الفضاء كل الاقمار مامر في دربه تمثنى وطافه=عنه اعلنوا حال الطواري والانذار لك في رجومه وقفةٍ وانحرافه=ولك في صحاريه البعيدات معبار تصوغ جزلاته بليا كلافه=ماتجبر المعنى بتركيبه اجبار ولولا التضارب بالنظر واختلافه=كان السلع بارت وسوق السلع بار اسعدني اتصال الشاعر الرائع دائما / عبدالله بن سمير العوما وافادني بانه شارك مع الشاعرين وجاراهما بالابيات التالية وولايسعني بهذه المناسبة الا ان اقدم عظيم الشكر والامتنان للشاعر ابو فايز (( الجديد )) . على اهتمامه ومتابعته للمجالس حيث انه من افضل الشعراء الذين اتصلت بهم تشجيعاً محبةً لمجالس عيال راشد ....
بسم الذي امره بنونه وكافه=ربٍ خلق متكفلٍ رزق الابشار نرجيه ونطلب رحمته والمرافه=بيومٍ عبوسٍ شاخصه فيه الابصار من بعد ذكره نستعين ونخافه=ونساله التوفيق مع كل معبار وهيضني المعنى بدون انجرافه=ولاني من اللي يدفعه كل تيار قافٍ لبو ناصر جديد الصرافه=وعن عملة الليرة تخيرت دولار اللي نظم له قاف يازين قافه=ويازين نظم القاف في بدع الاشعار صبت الهدف ما اخطيت قول النصافه=بالاوله والثانيه زحت الاستار بعض الكلام لاجاك فيه الجحافه=بالمدح والا القدح ما عنه يندار وعن جائزة نوبل كفتنا الصحافه=وانا اتكلم عنه موجز بالاخبار تبا الصراحه شد قافه وحافه=وسكر مجال النقد عن كل هذار هذي شهادة حق ما هي لقافه=ياعبيد لك مني تحيات ومجار وشهادة العرّيف علم وثقافه=ياعبيد تماري بها بين الاقطار وعلى المحبة نلتقي مع مساجلة اخرى وشاعرين من شعراء عيال راشد |
رد: مساجلة جميله بين شاعرين من شعراء الفرده مشكور على نقلك ونريد المزيد |
رد: مساجلة جميله بين شاعرين من شعراء الفرده مشكور منصور جهود موفقه صح لسان شعرانا الاعلام ونظمهم يرفع الرأس نازف الحرف |
رد: مساجلة جميله بين شاعرين من شعراء الفرده عبدالرحمن الفريدي نازف الحرف اشكر اطلاعكم وصحت ابدانكم ودامت ايامكم |
| الساعة الآن 06:24 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir