ياراكب اللي اليا مشى تقل شيهان = يعجبك نوزه عن مراوج غباره
كنه اليا مشى فوق جنحان = ماقال سواقه تقوم الحراره
ملفاك عود(ن) دب الايام طربان = ريف الضعيف وريف ضيفه وجاره
مايذبح إلاكوم حيل وخرفان = ماهو من اللي يحسبون الخسارة

مندوبنا متولم(ن) قد الإذان = حتى قصيرة حاضر(ن) ماأستشاره
ولم على جمس(ن) جديد وعجلان = وروح على الدمام بإول نهاره
وألفى على محمد واخوياه بإحسان = راع المراجل والصخى والنعاره
حنا دفعنا يمكم تسع قيفان = من الفريق اللي برأس القراره
قبلة اهل ضيدة وشرق المضيان = لامطوع يقراء ولافيها إماره
خطك لفانا وانخزى كل شيطان = وانا على خطك عطيت البشاره
يامرحبا ترحيبة مابها اثمان = من خاطرآ مافية عقد وغياره
ياللي مشيت برفق وإخلاق ولسان = ويمنآ رفيعه ماتجيها الجباره
انا اشهد اني بطبايعك رضيان = شفت العنوان وقلت تكفي الإشارة