|
حيا الله الصاحب اللي مسكنه جدّه شرفني بالدعوة أخي الكريم والصديق الوافي الوفي رشيد الفريدي ( ابو عبد الاله ) لمنتداكم العاطر بنباكم وذكركم الكريم وهذا شرف لي وتشريف أن أكون بينكم فلكم الود والند . ولعلي أصافحكم بإخوانية قديمة كان الفضل فيها للمتقدم فقد بدأ بها أخي رشيد وكان الرد مني فلكم أياها بدعها وردها عسى أن تنال جميل استحسانكم . رشيد الفريدي
حيا الله الصاحب اللي مسكنه جدّه=اللّي عن الضيف ماعمره قفل بابه سعيد وجه السعد باللين والشدّه=طيبه طبيعه..ماصد وباع لأصحابه حداني الوقت عنه... وغبت لي مدّه=وبعد اتصاله وصلني صادق اعتابه لويصفي الوقت ..له هجمات مرتدّه=واللّي كتب ربنا لابد نرضابه صاحبك يالغامدي وقته وقف ضده=شاف الجفاء والجحود من اقرب احبابه واليوم صاحبك ضاق وباح لك سدّه=والوضع ياصاحبي ماتجهل اسبابه ياشينها..لاوصلت ابواب منسدّه=والحق بإسم النظام تقفّل ابوابه نمشي دروب ياسير الطيب ممتدّه=ودوائر معقّده ووعود كذّابه ليا ارتخى الحبل فيها جاه من شدّه=تشبه حكاية ضياع الكنز بالغابه وجيه متشابهه...وقلوب مسودّه=والناس فيها حراميه ونصّابه ماعاد تدري بهزل الوضع من جدّه=واللّي بلا واسطه مايحسب احسابه الثور ينطح حصان القوم ويردّه=والشيخ جانا يسب ويفتل اشنابه لاتنشد الشاعر المعذور وش حدّه=خلاّه راع المهايط يفقد اعصابه اللّي يسب العرب يوطى على خدّه=ويرمى برمح يفج الصدر مضرابه بعدين قولوا لابو عمار شوبدّه؟؟=ورى الغليّم يشب النار بثيابه الخيل ماهي لابوه ولاهي لجدّه=يوم الجزيره مابين نمور وذيابه ياليت راع المهايط يلتزم حدّه=لايجيه هام يذوب السم بأنيابه ومادمت تنشد ثبات العلم خذ ردّه=واقبل جزيل الثناء من نجد ورحابه سعيد الغامدي
أبقى الله اللي يجي ودي على وده = اللي فؤادي يعده أقرب أقرابه اللي بطيب المثايل فايح ٍ نده =الشعر من منطقه يفخر ويزهى به الشاعر اللي يجي بالشعر من عده = نشرب معانيه والضميان يروى به الوقت يا صاحبي جزره على مده = ما هو بمخلف رشيد العاقل النابه رشيد في حكمته ما فيه أحد قده = رشيد في وقفته من شافه يهابه من لابة ٍ ترتكي للخصم وتصده = من حرب والقوم خياله وحرابه يا شين ظلم القريب إلى بدا صده = غدى بطرفه وهو مرسول بكتابه ذا باب هرج القفا ما جاه من سده = وأهل النمايم تعيش العمر مرتابه اللاش ما شال هم أهله ولا بده = واللي بهم نقص للاجواد سبابه ناس ٍ تفيد الجميل وفيهم الشده = وناس ٍ على عكسهم للشين كسابه وأنت الذي جيتني بالطيب من ورده = بابيات شعرٍ وللأسماع جذابه هذا شذى شعرك الفواح من ورده = أنا أشهد إنه ينال القلب وإعجابه واللي تفوه وهو كسره تحت شده = ثرثار معتوه دايم فاقد أعصابه يسعى لشهره وهو يشكي من الغده = اللي تعيده لذكرى سالف أنسابه ما هو بصقر ٍ يجيد الصيد والهده = ولا ذيب لا من عوى ما ترمش أهدابه بعد النظر ما يجي به ناقص الحده = اللي دموعه بوقت الجد غلابه رشيد يالصاحب اللي دايم أعده = أخوي والقرم نفخر به ونعنى به قلبي بلقيا الفريدي يكتمل سعده = سعادة الناسك العابد بمحرابه الله يحييك بالباحه وفي جده = عدة جبال الحجاز ونجد وهضابه أخوكم سعيد بن عبد الله الغامدي اسير الطيب |
رد: حيا الله الصاحب اللي مسكنه جدّه مرحبا بليوث الحجاز وشياهين السروات . أهلا برجال التاريخ والعلم والأدب . وجودك أخي سعيد هنا أضاف للمنتدى لونا بديعا جديدا . واصبحت أشم عطر مطر الباحه وأرى قوس قزح وأنا أقرأ هذه القصائد البديعه . . شكرا لحضورك هنا |
رد: حيا الله الصاحب اللي مسكنه جدّه اقتباس:
ياهلا...ياهلا...ياهلا شرفت مجالس الفرده يااستاذ الشعر....والذوق ....والأدب حياالله اخوي وصديقي واستاذي عزيز الجناب...من قبيلة غامد العريقه سعيد الغامدي...ابورائد لقد اسرتني بطيب معدنك ونبل اخلاقك وسعدت وتشرفت بمعرفة رجل بقامتك وعلو هامتك افخر واعتز بوجودك بيننا في مجالس الفرده ولاشك ان المعروف لايعرف لأنني على يقين ان اسمك من ذهب وهاهي صداقتنا تدخل عامها السادس ادام الله الود والمحبة وهلابك مره اخرى يااسير الطيب واخوانك جميعا يسعدون بهذاالإنظمام فقد انرت المجالس وسعدنا بحضور سعيد الغامدي |
رد: حيا الله الصاحب اللي مسكنه جدّه ياهلا وسهلا ويمرحبا تراحيب المطر تشرفنا في انظمام الاستاذوالشاعر /سعيدعبدالله الغامدي ابارائــــــــــــد وصح السانك والسان اباعبدالاله وبيض الله وجه ابن العم رشيد على ان قدم الدعوه لشخصك الكريم وأمام هذا الهرمين من مدارس الشعر النبطي لايسعني الأ أن اطلب منكم المزيد طمعاً بالمزيد من أبداعكم لتعطروا متصفحنا لاتحرمونا من جديدكم وقديمكم لم يرا النور هنا كما انتم كرما جودوا علينا وأكرر ترحيبي في سعيد عبدالله الغامدي ويامرحبابه بين حرب عزيز وغالي والشرف لنا ابارائد |
رد: حيا الله الصاحب اللي مسكنه جدّه هلا هلا هلا مليون بل ملايين لا أكثر حياك وبياك والطيب ملفاك يتشرف منتدى الفردة بمثلك وكل أهل الطيب شرواك أهل محل .... من خلال المساجلة التي أضفتها هنا يتبين لنا مدى جزالة شعرك و ,ورزانة المعنى.. فيحا هلا بالشاعر و بضاعته الجميلة الرائعة العريقة .. وزاد الموضوع بهاءً دعوتك من أخي الفاضل الشاعر الاعلامي اللامع رشيد الفريدي فالموضوع متميز وصح لسان الشاعران ومساجلة جميلة راقت لي كثيرا .... |
رد: حيا الله الصاحب اللي مسكنه جدّه هلا هلا هلا هلا هلا هلا هلا هلا هلا هلا هلا هلا هلا هلا هلا غلا ومرحبا ياسعيد نورت مجالس الفردة ويامرحبابك أنت شاعر مبدع وصديق غالي بما انك من أصدقاء أبو عبدالاله وبسراااحة أشكرك على هذة القصيدة الجميلة الذي تحمل كلمات الابدااااع وصح لسان شاعرنا الغالي أبو عبدالاله ولاتقطعنا من مشاركاتك يابو رائد تقبل تحياتي |
رد: حيا الله الصاحب اللي مسكنه جدّه . حيا الله ابو رائد وياهلابك زاد نور المجالس نوراً بحضورك رجل وشاعر جزل يفخر به أي ملتقى أدبي متميز أسعدتنا بتلبية دعوة ابو عبد الاله والدار دارك ومجالس الشعر والادب هنا تفتخر وتتشرف بوجود أمثالك ولايوصى كريم .. اجعلنا نرتوي من شعر الجزالة والابداع بحضورك الدائم وصح لسانك وسلمت ودمت * كونها مساجلة شعرية تنقل لمجلس المساجلات الشعرية ودي وتقديري اخوك |
رد: حيا الله الصاحب اللي مسكنه جدّه اقتباس:
مرحباً مليون أخي الفاضل البر الكريم ومعرفة مثلك مكسب ولاشك وبارك الله بأبو عبدالإله وهذي لاشك من بركاته علينا سعداء جداً بتواجد علم مثلك ونتمنى أن ننهل من معينك العذب الصافي الرقراق الف تحية لمقامك الراقي الرفيع وقبلة على جبين الليث أبو عبدالإله |
رد: حيا الله الصاحب اللي مسكنه جدّه هلا ومليون هلا بسعيد الغامدي مرحبا بك في مجالسنا والشرف لنا بتواجدك مرحبا بك ياشاعر الحجاز وصح لسانك ياأبا رائد ونشكر اخونا العزيز ابو عبدالاله لدعوته الكريمة لجنابكم وصح لسان شاعرنا ابو عبدالاله ونطمع ونطلب منكم المزيد من روائعكم الجميلة وتقبل تحياتي |
رد: حيا الله الصاحب اللي مسكنه جدّه مراحب يا اسير الطيب حياك الله في مجالسنا التي تفخر بوجود المبدعين امثالك خطوه عزيزه على قلوبنا التي تحمل لك كل المحبة والتقدير اهلا وسهلا بك اخي الشاعر القدير :: سعيد الغامدي اشرقت المجالس بطلتك الغاليه والشكر موصول لأعلامي الفرده الشاعر المبدع ابا عبدالاله على هذه الدعوة الكريمه قصائد جزله تحمل الكثير من صور الوفاء واجمل اخلاقيات الصداقة الجميلة |
| الساعة الآن 11:15 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir