المسابقة الشعرية الثانية
|
رد: المسابقة الشعرية الثانية مع تمنياتي للجميع بالتوفيق ارجو من الاخوة الشعراء الذين يرغبون المشاركة قراءة شروط المسابقة بتمعن حتى لايكون هناك اخلال بتلك الشروط مما يؤدي الى استبعاد القصيدة . مع صادق الامنيات ان نجد في هذا الموضوع مايثري مجالسنا واذهاننا بأبيات شعرية جميلة كماهي عادة شعراء مجالس الفردة وللجميع خالص مودتي |
رد: المسابقة الشعرية الثانية بسم الله الرحمن الرحيم ايها الاحبة الاعزاء السلام عليكم ورحمة الله وبركاته: تجاوباً وحباً ووفاءً ، يشرفني ان اشارك بهذه الكلمات المتواضعه راجياً ان تنال استحسانكم وتحوز على رضاكم فما هي غير خلجات نفس وزفرات صدر ........ ((( اليدين العارية !! )))
صورةٍ لاشفتها علقتها فوق الصدر=وكل ماضميتها للصدر ولّع به وقيد .........صورةٍ بالذاكره محفورةٍ ياهل الصور=كلما عِيدت علينا عادت الايام عيد اليدين العاريه ما يملكن الا الحجر=ضد مجموعة قرودٍ خلف ساترْ من حديد لو عيوني ماتشوفه قلت ما هذا بشر=طاقةٍ تكوينها من عز مع رغبة شهيد والقلم مرفوع عن مثله والاسباب الصغر=لكن الهمه كبيره والمذله ماتفيد هذا والله هو عناق الموت ، ياحلو الصطر=ياضروبٍ للبساله ، تعطي نموذج فريد من يبيع الروح من دون الوطن حاز الفخر=ومن لبس ثوب المعزه ، مابغا ثوبٍ جديد يامحمد درةٍ لو تختفي تظهر درر= في فلسطين الحبيبه ، عندنا مثلك رصيد افتخر يامفتخرنا ، واعتبر يامعتبر=وسطّر الامجاد ياتاريخنا وافهم بليد وصرخةٍ دوّى صداها ، من حرارٍ بالاسر=هو سمعها المعتصم والا سمعها ابن الوليد غزّةْ بصوتٍ محشرجْ تستغيث وتحتضر= واهلنا بالقدس صاحوا : سادةٍ صرنا عبيد آه من وقت الخيانه والمهونه والغدر=اصبح السيّد مشرد والمشرد صار سيْد ذوقونا المر لكن ، يالهم يومٍ امرّ=عند تقرير المصاير ، ينكسر قفلٍ و قيد وجهدنا التنديد فيهم ونتحلى بالصبر=وعرضنا -عرض المدينه- مستباحٍ من يزيد يالله بجيلٍ عزيزٍ ، فيه ينشد الظهر=يقتفي ركب النبوه ، مايلين ولا يحيد كل مانصعد لقمّه ، مدت الناس النظر=ولاتبين الواننا ياكود لاذاب الجليد ولو تقل امطارنا ماتابس عروق الشجر=رمزنا وسط الجزيره (سيف مع خضرا جريد) الامل معقود بالله العزيز المقتدر=ثم بابو متعب -على الطاعه- عسى عمره مديد المليك الفيصلي محبوبنا عَلّه ذخر=كل ما مالت جوانبها ، بذل جهد جهيد واشهدي لي ياحروفي ،جفت اقلام الحبر=كان وصلتكم رساله ، والا مجرّد قصيد وتقبلوا تحيات اخيكم ابو عبد العزيز |
رد: المسابقة الشعرية الثانية بيض الله وجهك ياخلف رائع دائما قصيدة جزله من شاعر تعودنا منه جزل القصيد |
رد: المسابقة الشعرية الثانية الســــلام عليكم ورحمة الله وبركاته تجاوباً مع الأعضاء الأعزاء القائمين على المسابقه الشعرية الثانية التي تحكي حال الأمه الأسلامة وماهو حاصل هذه الأيام في غزه... أقدم هذه المشاركه وأرجو أن تنال أستحسانكم فنـــــا.... جيــــــــل
فنا ..جيل يالي تشربون الفناجيل=وجا جيلنا والقدس طال احتلاله نعبد اللذي بيته حمته الأبابيل=والاقصى علينا صار شبه استحاله ومن موجز الأخبار قبل التفاصيل=علينا ثقيل الهم خيم ظلاله على جو غزه قصف مثل الهماليل=وفي برها الفسفور زاد اشتعاله دمرها الحصار وبالمعابر عراقيل=وكن شعبها بالكون عايش لحاله نشوف الفتى اللي مادله بالمداهيل=يشيل الحجر من ضيقته وانفعاله صمد مارضخ لو غربلته الغرابيل=رساء لمر من برضه يرسّي جباله عزومه تسوقه بالدجاء كالقناديل=لمجده ولو رجله تثنت حَبا له شعاره ليا ضاقت دروب التساهيل=جهادي لدين الله وروحي فداله ولاميل لو ملتم ولا أرجع ولا. ميل=عن الحق مرجع مثل من ما وفاله وشعب العرب همه يلم المحاصيل=ومن دون دعمه مايزكي حلاله ياهيه الليالي حالكتٍ مقابيل=توجه لمن هو ماجهلها رساله ترا لوصفت مثل القراح الشهاليل=تذوق أبتواليها مرار الحثاله ومنهو رضا الذله تنزله تنزيل=ومن غاب فعله مايفيده جداله وإذا ماتوصلنا للأقصى المواصيل=عن أمة محمد مايطول انعزاله رجاء ..جيل باقي دام فيهم رجاجيل=وإذا خاب جيل اليوم يظهر بداله وسلامتكم عبـــدالعـزيز سعيـــد ابن عبــــلان |
رد: المسابقة الشعرية الثانية صحت ألسنتكم قصائد جمليه جداً وتفاعل تشكرون عليه ونتمنى من باقي الشعار المشاركه |
رد: المسابقة الشعرية الثانية بسم الله الرحمن الرحيم أقدم لكم هذه القصيدة المتواضعة والتي أتمنى أن تنال على إعجابكم وأشكركم على هذه المسابقة المميزة .. وإليكم مشاركتي >> :: انسانٍ صبور ::
العين تدمع و تسهر والقلب ادماه القهر = والدم يجري نهر في غزه انسان صبور صبر للحاله المهتزه والكرامة مبتزه = في غزة العزه يبقى الحزن والسرور حزن خيبة الجار والدنيا راحت دمار = والدم سال فار ومالحزن لك يا الفور للطفوله قتل وافتاك وللعاجز ارباك = وللنسوه قهر وانتهاك غباين للغيور سرور بالشهادة حقق ثاني مراده = ادى احسن عباده للجنه اسهل عبور جهاد عز جهاد شربوه من سن المهاد = الجيل الاول والجدادعلى طول الدهور لنصرة ديـن الاسلام ورفعة المقام = وتحقيق السلام حاربو هل الشرور نسل القرود خاينة مواثيق العهود = والعالم شهود لمجازر هل الزور مفسدتن بالديار شبيهة ذاك الحمار= وعليه حمل الاسفار يلف ويدور قالها الالماني خليتهم عينه لهل البيانٍ = تبرير محرقة الزمانٍ يومنها تثور أيهود بمركزحساس خطه بالاساس = كما قماش فيه ادناس وغدا مقرور وطنو ابن صهيون ومدوه بالعون = وعلينا قاموا يلعبون بوعدن مشهور خبرونا الروس قبل لا ينتشرالسوس = قصة سم مغموس بزيتون معصور اسألك يامطاع مفرق ذاك الاجتماع = تفرق جند الطماع وتظهرالحق نور مدام به طفل رضع بن غزه ماخضع = لله وحده ركع لو امتلت كل القبور نواف بن فواز بن حطاب |
رد: المسابقة الشعرية الثانية بناء على مطالبة الاعضاء سوف يتم تمديد المسابقة حتى يوم الاحد 25/3/1430هـ |
رد: المسابقة الشعرية الثانية اقتباس:
|
رد: المسابقة الشعرية الثانية اخواني القائمين على هذه المسابقة اتشرف في هذه القصيده ... واتمنا ان تنال اعجابكم ... ....{ ياناطقين الضاد والله خساره }..... اقووول ..
ياأبطال غزة ياشـباب الـــحجــــاره = لـــكــم الشـــرف بــدياركم لوتموتون وسلامتكم .عشتم صمود بكل قرية وحاره = قــدم الـــمــدافع بالمــيادين تــبقون عن ثالث البيتين وأرض الطهاره = بالــعـــز والأيــمــان عــنــهــا تذودون وعن ساحة المعراج ويظا المناره = ومــــاقـــف صــلاح الدين دونه تفادون لأجل الكرامه تاقفون بجداره = ابــطــال بـــالــمــيــدان واحــرار بــاقــون واللي يموت بشان دينه وعاره = يبعث شـــهيد بحكمة الرب مضمون لكم الشرف والعز واعلى السطاره = ابـــقو شــرارة شر بوجيه صهيون وضربة حجاره باندفاع وحراره = اقـــوى مــن الهاون ليا صرت مغبون بيدين مؤمن دون عرضه وداره = يـــالله تـــاجــرنا من الغــبن والــهون ياناطقين الضاد والله خساره = اعـــدادكم واموالــكم مـــال قـــارون لا صار مايذخر على شان غاره = عــارن عــلــى الاســلام مــادام مخزون بين العرب والقدس حطو ستاره = ولا حــركــت باليعربي قول تكفون وين الغيور اللي بكبده مراره = والمـعــتــصــم مــالــه مــواريث بالكون ياكود ابومتعب جزيل العباره = صدى رعد صوته على جيش شارون هزت كيان الغرب واخلف مساره = ولم لم جروح بالعرب كان يشفون بالقمه اللي فاز فيها قراره = رحــــــبـــــه الــــعــــالـــم ونادو يحيون اخوكم / سعد بن هذيل |
الساعة الآن 12:24 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir