والله اني تارك نظم القصيد ومبعده=مار ما اطيق الجفا وبالحنايا له حنين
خص لا جاله مجال وأرتكاله مسنده=وإستثاره مبدع بحكمة السبك الرزين
شاعر يبدع حيا من حياة المفردة = الله اللي واهبه حبكة القاف الرصين
بلغوه أزكى سلام يارثه منه ولده =لأنها باسم الجموع الطيبة حرز الكمين
مرحبا واهلا هلا عد ما عد عدده = بالأمير اللي لفى رافع كف اليمين
مقبل يحدو حدا وبث طيب ياجده = ماحداه الا الوفاء وطيب ساس فالكنين
معتمد بالله على عد رهاوي يارده =ناسبه منسب علا من الجسد ذروة جبين
وقولوا سلطان السعد عز من دام سعده =يابن بتلا ماتهون شاكرين مقدرين

سلمت يمين اللي عنى بالقصيده=من قاف سلطان الشعر ذايع الصيت
واثني على شيخا وصلنا نشيده= الوافي اللي بالمعالي بنى بيت
يامرحبا مليون مني وازيده= بصادق معاني الود لا قلت حييت
حييت ياللي الطيب نبض بوريده=تحيا عليها حي وتوصي بها ميت
شيخ القوافي والصفات الحميده=سلطان ابن بتلا ملايين حييت
ياشيخ تسلم ياشريف البديده=اخترتها ياشيخ معنى وتوقيت
يشوقني منك المعاني الفريده= وحب باهل طيب المعاني تماديت
يوم انت من داعي وفاك ومزيده=بديت بالترحيب جيتك ورديت
اجمع من الشعر الشريد بشريده= واترجم احساسي على قد ما اعطيت
وانا الذي عندي المعاني عنيده= ماني ببيطار يصوغ التناهيت

يا هلا يا مرحبا عد وبل وبرده=يا هلا يا مرحبا باسم ربع حاضرين
مرحبا ترحيبة باسم كل الفرده= مرحبا بالشيخ نسل الشيوخ الطيبين
هذا بن بتلاء كريم النسب أنا اشهده=أصله الطيب ينومس مابين الخيرين
أهل الطولات تاريخهم من يجحده=بالشهامة والكرم من زمان الأولين
ليه ما هلي وسلطان من زود أسعده=قام يفتل بالمعاني بمدح الغانمين
اشهد إن الطيب ساسه ومنهل مارده=شاعرا لا قال قافه ولا قوله ثمين
شاعر تفخر به القوم حربَ وفرده=ما يقول من المعاني سوى الجزل المتين

مرحبا باللي ليا قال قولٍ جوده =شاعرٍ يسبك معانيه والمعدن ثمين
مرحبا بك عد ما عد حساب اعدده =ولا وصل مليون رقمٍ يعيده مرتين
يابن بتلا سعد بندر بسلطان ولده = ياشيوخ اللابه اللي لها مجد رصين
وسعدمن غيدان يوم السيوف مجرده=لاتلفت شافهم عن شماله واليمين
والله انه مايتضعضع وابن بتلا سنده =من طلب للجاه والا حدوه الطالبين
بارك الله فيك والدار ماهي موصده = دارنا مفتوحة وانت فيها نون عين
وكل من يثني على المنتدى ويمجده =منبعه دار الوفا لاعدمنا المنبعين
واشهدوا ياحرب ياهل الوفا والمحمده = بيض الله وجه سلطان نور الفرقدين