أرض المدينه منبع الحق والنور=‍سلام مني شوق حب وبدايه
سلام من واهج غلا صدق وشعور=بإحساس خفقات القلوب وهوايه
ثاني حرم فيها على الخير معمور=للدين والتوحيد منبر وآيه
تشد الرحال ليمته عفو وسرور=ويغسل النفوس من الدرن والغوايه
عليه قلبي يرزم إرزام ويثور=يبي زكاة النفس قبل النهاية
كن الفؤاد بساحته منه ممطور=والبال برحابه عن الزيف تايه
أغليه وأغلي من سكن فيه مقبور=حبيبنا محمد نبي الهدايه
وأنا عليه دين مبطي من دهور=‍يموت شعري كان ماله حكايه
ويموت كانه ماكتب مدح وسطور=للي لهم بالمجد والعز رايه
مثل الكريم اللي به الطيب مخبور=أبو محمد للمعالي كنايه
شيخٍ بنى بالعز ساحات وقصور=وأكبر من إحساس القصيد وثنايه
درعٍ لربعه بالوفاء حزامٍ وسور=وعن السموم ظلال عطف وبنايه
وياشيخ ماجيتك من الوقت مقهور=وأنته سند رأسي وربي رجايه
أبشرك في خير والحال مستور=بعيد هقوه والثريا مدايه
لا شكٍ أبذكر وقفتك مابك قصور=يابو محمد ياكريم السجايه
وقفت للتنوير والعلم مذكور=عكس ثقافة جيل مثل المرايه
المنتدى اللي صار واضح ومشهور=دعمك وتشجيعك منار وقايه
كلمتك فيه تنور الدرب لعصور=ومشوا على قولك وقولك كفايه
موقع شرف يبني ثقافات وجسور=لعيال راشد بإنتقاء وعنايه
مبني على طيب التعامل مع الشور=للكل مابه زيف قول ودعايه
عليه لجنه ترسم الحق وتدور=حول المعاني الساميه والحمايه
بدابه حويان وأنشاه مشكور=لأجل القبيله وأنقى الأهداف غايه
هذا زمان إعلام وأوطان وبحور=وقف وقال بصدق منهو معايه
وشمر عن كفوفه نسل سامي الدور=نسل الوفي غنام طيب وروايه
قال الجماعه حقهم فيه مجبور=واجب علي بدون قول وصايه
عبدالله اللي فكره يشع مايبور=عاقل وناضج طيب عرف ودرايه
طيب كريم اخلاق ويقود جمهور=مايلتفت للناقصه والوشاية
وقاموا على دربه ميامين وصقور=فزعة وفاء حميا وشوق وهوايه
صعبٍ علي أحصيهم بعدل معذور=لو إني أبني من وفاهم وفايه
وأرض المدينه منبع الحق والنور=سكن بها شيخٍ على المجد رايه
عساه بالتوفيق والعز مسرور=وانا عساي أنال مدحه عسايه

عقيد القصيد ابو ياسر
قد اوفيت دينك وابدعت في قصيدتك
وهكذا انت مبدعاً
ابيات رائعة اضفى عليها الجمال ذكر المصطفى والحرم
وعلم من اعلام الفردة المعاصرين يستاهل المدح ابو محمد
الشيخ : زيد اطال الله عمره
شكرا لك ودمت لنا مبدعا

موقع شرف يبني ثقافات وجسـور= لعيـال راشـد بإنتقـاء وعنايـه
مبني على طيب التعامل مع الشور= للكل مابه زيـف قـول ودعايـه

وقاموا على دربه ميامين وصقور=فزعة وفاء حميا وشوق وهوايـه صعبٍ علي أحصيهم بعدل معـذور=لو إني أبني مـن وفاهـم وفايـه وأرض المدينه منبع الحق والنور=سكن بها شيخٍ على المجـد رايـه عساه بالتوفيـق والعـز مسـرور=وانا عساي أنال مدحـه عسايـه

المشاركة الأصلية كتبت بواسطة الموج (المشاركة 70783) السلام عليكم مقبل بن نمران........ الوفي والمبدع صح لسانك والشيخ/ زيد بن محمد بن حماد والدالجميع يستحق كل اجلال وتقدير لروحه الطيبه ومكانته الغاليه