عند شيخٍ شيختة ماهي جديدة=شيختةٍ من عهد ابوة وعهد جدة
تعترف فيها القبايل والبديدة=شيخت ابن هديب ماهي مستجدة
من مشايخ حرب نزهين العقيدة=كل حرٍ لاتعزوا ضد ضدة
من علا وقت الرقيبة والقعيدة=واهل البلها لهم هدة وردة
عن سعود ابن هديب ابدا القصيدة=والوفاءهو جوهرالقاف ومشدة
بسم ابوفارس عسى ايامه مديدة=مرحباقدر وفاء عز ومودة
باهل الطولات ولأرياء السديدة=بالجميع وبالخصوص اهل الاشدة
الشيوخ اللي مزاياهم حميدة=للمواجيب المهمة مستعدة
نعتبرهم للمواضيع العنيدة=مثل سيف يرهب الاخصام حدة
وادعي لفارس عسى ايامة سعيدة=بالسعادة والسرور الله يمدة
ناسب شيوخن مواقفهم مجيدة=ذكرهم هوج العواصف ماتهدة
ثابتن مثل الجبل مايهز حيدة=لابة الغميض كفوٍ لة وقدة
المطيري في تماثيل فريدة=عد عنهم ماقفن كل يعدة
نعم في مثال وايضاء في حفيدة=كلٍ وسبعين نعم ولا تسدة
للقبايل توجد امجاداً عديدة=مثلهم كم ابلجن من دون حدة
والسلام اختام في جملة مفيدة=ماحدٍ يرد العدود بدون عدة