شمل العرب حانت الفرصة لتجميعه=من قمةٍ تختلف عن ماضي قممها
ولاهي غريبة عداوتنا مع الشيعة=الفرس تفهم نوايانا ونفهمها
كم من بلد عرّضوه لمنتهى الضيعة=عواصمٍ مابقى حتّى معالمها
صفّ العرب حاولوا ضربه وتقطيعه=الشام بشّار رمز العار قدّمْهَا
ولفوا يبون اليمن من جملة البيعة=بالقيمة اللّي علي صالح تسَلّمها
الخاين اللي جزانا عقب ترقيعه=عقرب وحل ذيلها من شاكلة فَمْهَا
نعطيه للشّعب ويمَوِّن مشاريعه=متقدمٍ شلَّة الحوثي وعازمها
لكن تفاجا بعلمٍ نشكر مذيعه=الخطّة اللّي سلاح الجو راسمها
يوم الملك توَّج الحملة بتوقيعه=ولوَّح بيمناً عسى ربي يسَلِّمْها
رَجَّـــنّــه اللي هدفهن تم توليعه=ترسانةٍ مابقى الا صورة حْمَمْها
المرّ نسقيه من صافي قراطيعه=واهدافنا نملك الدقّة ونعدِمْهَا
كبش الفداء وِدَّنــــَا حَشْره وترويعه=والشلة اللي بصَفِّـــه باعت ذممها
بــــــاقٍ علينا من السرداب تطليعه=وانْسَلّمه نايب الدولة وحاكمها
الحرب من شان مانخفي مواضيعه=ان قاد دولة قليل الخوف ظالمها
اهدافنا باليمن حفظه وترجيعه=والّا ترى ارضه علينا الدين حَرَّمها
جبريل وصّى النبي قدّام توديعه=بالجار حتّى اوشك الاموال يقسِمها
وحنّا ترى اللّي ضد الجار ما نطيعه=وقوّةٍ ماهي قوّة الله مانــعَـــظِّـــمها
سلاحنا من جليل الملك تصنيعه=سلاح من كامل الاصنام حَطّمْــها
ولبنان طفل الصّبَى زدنا بتدليعه=من دون عدة دول بالمال ندعمها
وليته سكت مانبا الفزعة وتشجيعه=انحاز مع شلةٍ تَطوي عمايمها
دولةْ مثل ذاك يَتبع بعد تجويعه=نغر من رحمة الله يوم نرحمها


الشاعر:
شريف ابن راكب الفريدي