ياخضير ابن داموك ماقصرت كفيت و وفيت مشاركة الشاعر محمد حمد بن شعيبان في حفل الشيخ خضير ابن داموك الفريدي بمناسبة مشاركته في مزاين ام رقيبه لهذا العام 1436 هـ يالله يالفرد الصمد يامن لغيرك مارجيت=يا واحدٍ في شايتك عز النفوس وذلها اسألك التوفيق في كل الامور اليا سعيت=لطيبات ان كان مادليتني مادلها عبدك وابن عبدك وماضٍ في حكمك حيث شيت=استغفرك عن كل زله بالحياه ازلها اقول بعد اني بذكر الخالق الرازق بديت=يامرحبا بأهل الوفاء اللي دلنا من دلها الله يحيي من حضر من كل دار وكل بيت=من هاجسٍ يختار من جزل المعاني جلها بأسم عيال العود راشد طيب ساس وطيب صيت=وسم الفريدي تفتخر فيه القبيله كلها بضيافة الشيخ الكريم اللي على شانه عنيت=الشيخ ابن داموك جزلات البيوت اهل للها خليت ماعندي من الاشغال قدراً له وجيت=حيثك كفوٍ للكلمه الجزله وانا كفوٍ لها ياخضير ابن داموك ماقصرت كفيت ووفيت=كل العلوم الطيبه قول وفعل قدٍ لها عسى مقامك عامراً في طيب صيتك ماحييت=وروحك عسى روح البخيل من الرجال فدلها بنيت بيتٍ تفتخر به حرب يوم انك بنيت=في راس علوا دايم النزلات ماتنزلها اطلع سنود وتبشر بعزك ليا منك نويت=ربعك معك واللي تبي تاصل لها تاصل لها حرب الحرايب درع جنبك عز راسك لا عتزيت=نفوس ناطا روسها ونفوس نبرد غلها شعارنا عوق الخصيم من الحجاز الى الكويت=والاوله بسلومنا وامجادنا نحتلها هذي حقيقه ثابته عندي دلايل ما افتريت=اقولها واللي عقد روس الحبال يحلها من دون قاصر في حقوق الناس للعيا سميت=عن العلوم اللي ضعيف العرف مايفطن لها الله وكبر يالكلام اللي على بالي طريت=والله وكبر يالبيوت اللي تجي في حلها الله يعز الدين ويعز العروبه كنمليت=ويحفظ لنا ال سعود حكامٍ يضلل ضلها الشاعر محمد حمد بن شعيبان |
الساعة الآن 02:52 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir