يامحزمي وقت الليال المعاسير=يامن فعوله بالمراجل رصدها
انته وريث العز ي بن المسافير=وانته عضيدي والمراجل اسدها
وانا ليا ضاقت علي التدابير=انصاك بعد الله تحقق سعدها
يعيش راسك يازبون المخاسير=فعايلك بالطيب كلن شهدها
من صغر سنك وافينٍ للمناعير=وكلمة هلا لضيف كلن وجدها
انا اعتزيبك يوم ضرب البواتير=ويمناي في يمناك وانته سندها
صرت بمقام ابوي ريف المسايير=عساه بالجنه يجازى بسعدها
ياخوي ياللي لك معزه وتقدير=يكفيك شر اهل الحسد من حسدها
ياتاج راسي عند قوماً مشاهير=ساس الوفا يوم الطويله صعدها
تمشي على دربن مشوه المكابير=سق القدم والنفس تبذل جهدها
يوسف ترا الدنيا حظوظ ومقادير=لاتهمك ولاتعتني في نكدها
وهرج الضعوف اللي على غير تفسير=ساس الردى يوم المواقف جحدها
ارفع مقامك لاتزيدالتفاكير=الهرجه العوجى كثيراً نقدها
والشعر في مدحك مايملك معاذير=ابني بيوت الشعر وانهض عمدها
حضرتلك من هاجسي دون تقصير=بيوتاً جزيله يفتخر من قصدها
تمت وصلو في ختام التعابير=على نبياً رايته مافقدها