|
دعوه عامه أيها الاخوه الكرام هذه دعوه من أخوكم يالربع مروني ترى خاطري ضيق= تكفون مرو يالوجيه الفليحه مرو علي وبكرو يالمطاليق= وأنا علي أطش رأس الذبيحه بشاية المعبود رب المخاليق = إني لهبب ريح من هب ريحه أول بداء جيب الشواء والمعاليق= إمعقبه عودن عسى الله يبيحه ربيع قلبي شوفتي للهداليق= صريح وأحب الرجال الصريحه ولا الردي ماله ورايه مواثيق= جعله مهف إمقيط من عقب طيحه وسلامتكم |
رد: دعوه عامه وانت سالم وغانم صح لسانك وتستاهل الزيارة وهذا ممايشرفنا ولعله يكون قريب بإذن الله .. شكرا لك على هذا الابداع وعلى هذه الابيات الجميلة دمت بالوجود مبدعا تقبل باقات من الورد والكادي لشخصك الكريم |
رد: دعوه عامه صح لسانك على الابيات الجميلة وتستاهل الزياره تحياتي ابن مزرم |
رد: دعوه عامه بـشـا يـة المعـبـود رب المخا لـيـق = إنـي لـهــبــب ر يـح مـن هـب ر يـــحـه نـعـم وكـفـو يـا بـن عـجـا ب . ابـيـا ت را يــعــه ونـشا الـله تـسـنـح الـفـرصه لـز يـا رتـك لك اخي غازي تقديري وتحياتي اخوك مبارك بن ناصر بن حديد |
رد: دعوه عامه
صح لسانك يا ابوزوايد وبارك الله فيك يا غازي وعلى القوة ان شاء الله وتستاهل العنوة والزيارة كفو كفو كفو والله يا الفريدي ********* لمن لم يسمع ب مهف مقيط !!! التكرم بزيارة هذه المشاركة للمشرف f15 ********** مقيط ورشاه ذهب مقيط ورفيقه الى جبل ((جبله)) http://www.alzar3.com/up/uploads/ima...605f59d9f5.bmp الواقعه جنوب وادي الرشا بين الجمش ونفي . لصيد فروخ الصقور من اعشاشها في غار بعالي جبله في مكان يصعب الوصول اليه الا ان يربط احدهم الرشا ( الحبل )في وسطه وينزله الاخر برفق الى ان يصل الى اوكار الصقور الشاهد ان مقيط ربط الرشا في وسطه وقام رفيقه ينزله برفق وقبل وصول مقيط الى غار الصقور حدث ان في منتصف الرشا عقده لم ينتبهوا لها وبقدر من الله دخلت هذه العقده بين صخرتين وبقي مقيط معلق في الهواء حاول رفيقه ان يخرج العقده من بين الصخور ولكن دون جدوى ولم يستطيع ايضا الوصول الى العقده لانها في منتصف الرشا بينه وبين مقيط ظل رفيق مقيط يحاول ولم يستطع وارهقه التعب والعطش ولم يجد حلا لتلك العقده وبعد ان يأس رمى طرف الرشا على مقيط وقال (( دوك .. يامقيط رشاك )) وذهب وتركه معلق في الهواء ويروي احد الرجال من قبيلة عتيبه يقول انه بعد مضي سنه مر جدهـ على ذلك الجبل (( جبله )) http://www.alzar3.com/up/uploads/ima...9e1a67cf39.bmp وسمع قرعا في اعلى الجبل ويقول صعد الى اعلى الجبل واذا بعضام مقيط متعلقه في الرشا تقرع في بعضها مات مقيط ولا بقي منه الا ذلك المثل (( مهف مقيط ورشاه ))) |
رد: دعوه عامه
والله ماأقدر أجد كلام أرد فيه عليك الا هالبرواز لله درك قصيده كلها دره تذكرني بقصيدة أبن عمك الفريدي محمد بن نومان هذا الشعر اللي يغسل الكبد سجل مروري وأعجابي |
رد: دعوه عامه صح لسانك على الابيات الراائعة |
رد: دعوه عامه اقتباس:
اخوى منصور الوسوس لى الفخر بزيارتك لي وإن شاء الله تكون قريب شكرا لك مرورك والأشاده تحياتي |
رد: دعوه عامه اقتباس:
اخوى بن مزرم حياك وعلى الرحب والسعه ياهلا تحياتي |
رد: دعوه عامه اقتباس:
اخوى العزيز مبارك بن ناصر بن حديد جيتك مثل يوم العيد وتباشير المطر أنت واللى شرواك ولا عليك زود يابو ناصر نفخر فيك وباللى مثلك تحياتي |
رد: دعوه عامه الوالد ابو راكان ماعليك زود وزيارتك بإنتظارها ولا يفوتنى أن أشكرك على الإظافه الجميله والصور المرفقه وكذلك إيضاحك لقصة إمقيط ورشاه تحياتي |
رد: دعوه عامه القدير علي بن جضعان الدرر كلماتك النابعه من قلبك الله لايهينك وأنا معلمك من قبل خاشر القوم بحلالك لاتوفر أخوك مر يابن جضعان تحياتي |
رد: دعوه عامه اخوى فريدى وفي وأنت صح بدنك والله لايهينك حياك المعبود يالفريدي تحياتي |
رد: دعوه عامه أيها الاخوه الكرام هذه دعوه من أخوكم يالربع مروني ترى خاطري ضيق= تكفون مرو يالوجيه الفليحه مرو علي وبكرو يالمطاليق= وأنا علي أطش رأس الذبيحه بشاية المعبود رب المخاليق = إني لهبب ريح من هب ريحه أول بداء جيب الشواء والمعاليق= إمعقبه عودن عسى الله يبيحه ربيع قلبي شوفتي للهداليق= صريح وأحب الرجال الصريحه ولا الردي ماله ورايه مواثيق= جعله مهف إمقيط من عقب طيحه وسلامتكم وانت سالم وغانم وعلمك غانم واسمحلي بالمجاراه هاذي رساله للي بالموقع يويق= لبولهاياهل الوجيه السميحه يستاهل العنوه لوني ورأ بقيق= لجل المشبب والعلوم المليحه فنجال ابن عجاب مع فكت الريق= يلي دعاكم يوم هاض القريحه رجل ن عيونه لرفاقه مشافيق= وعلى الظفر يمناه ماهي شحيحه من لابت ن وقت القساكنها طويق= سجلها فجحان صفحة مديحه اخيك سعد هذيل |
رد: دعوه عامه صح لسانك يابو فيصل الله يبعد عنك الضيق أن شاء الله والجميع |
رد: دعوه عامه كفو ..كفو يا ابو زوايد قدها وقدودها صح لسانك يا ابوزوايد ابيات شعرك دلت على كرمك ..ابيض وجـهـه على الدعوه ولا تستغرب الدعوه منك يا ابوزوايد تقبل مروري ..وشكري ..مع تقديري لشخصك الكريم ابيات ستبقى في الذاكره |
رد: دعوه عامه يعطي العطاء من كان ضار ن للعطاء ويمن العطاء من كان خاله لاش كفوا وبيض الله وجهك واول من قراء القصيده انا لاكن حبيت ما اتعدى على كبارالقدرعندي من الأعضاء 0 |
رد: دعوه عامه صح لسانكـــ يابوزوايد،، والله يبيض وجهك ويبعد عنك الضيق،،، تقول وتفعل(ونعم). |
رد: دعوه عامه كفو يابن عجاب وصح لسانك وفي ومخبور ياسلالة العلم الغانم بدون قصور بربعي كلهم والله يديمك على الخير والمحبة . |
رد: دعوه عامه الوالد القدير سعد بن هذيل ماعليك زود يابو فهد كفو والله قول وفعل وكلن دون واجبه وحنا إيدام فى محل إيدام مانلحق اللى قبلنا شكرا للإشاده وننتظر مسياركم تحياتي |
رد: دعوه عامه اقتباس:
اخوى عبد المجيد بن ناصر اللى يبعد الضيق مرور الكرام مثلكم وشرواكم تحياتي |
رد: دعوه عامه اقتباس:
اخوى بن مطيع ماعليكم زود يالابتي وعصابة رأسي كلن دون واجبه تحياتي |
رد: دعوه عامه اقتباس:
اخوى الصقر الجارح والله الذى لا إله غيره إن أولاد راشد قدرهم عندى كبير الصغير والكبير شكرا لك مرورك والاشاده تحياتي |
رد: دعوه عامه اقتباس:
اخوى عايض المقطع ووجهك يابن العم كذلك وكفو بإولاد راشد شكرا لك المرور والإشاده تحياتي |
رد: دعوه عامه اقتباس:
اخوى مقبل بن نمران ماعليك زود يالبناخى وأنتم من اللى يقولون ويفعلون شكرا للمرور والاشاده تحياتي |
رد: دعوه عامه كفو كفو كفو ونتشرف بجيتك وعوايدك الطيب |
رد: دعوه عامه اقتباس:
اخوى ناصر بن راكب وأنتم من اللى يقولون ويفعلون وجيتك مثل يوم العيد وتباشير المطر انت واللى شرواك تحياتي |
رد: دعوه عامه مريت ابن عجاب قبل المشاريق=واخذت لي عند ابيض الوجه سيحه وقدم لنا هدف الدلال المدانيق=اللي بهاره يقعد الراس ريحه ولقيت لي حرٍّ للامجاد عشيّق=عليه من لمحات الصناديد ليحه قال الغداء يجهز قبل فكة الريق=ويوم اعتذرت لمسندي ..تل صيحه ولا طلعت الا عقب جزت تحقيق=اعطي من الاعذار ابغى استميحه وتصرفه زاد التفاكير تشويق=اثري بها قصه ودعوه صريحه |
رد: دعوه عامه اخوى الغالى خلف بن عتاق صح لسانك على هالابيات والله أني أفرح بمرة الرفيق وبالذات اللى مثلك وشرواك ومهما فعلنا مانلحق اللى قبلنا يابو عبدالعزيز( اللهم إجعلني خير ممايضنون و إغفرلي مالا يعلمون ) أشكرك على مرورك وأشكرك على هالابيات وأنت راعي الوفاء تحياتي للجميع |
| الساعة الآن 02:19 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
