.

ياعبد الله الغنام بعض التجارب=تثر على قلب المعنى وتكويه
لو إنها تنبيه عن كل شارب=ماعاد فيها نفع لو كان تنبيه
لاصار زاده بالحياة التقارب=يتعب يلم وجيه ويقرب وجيه
يضهر من العالم رصاصٍ محارب=وينبح فلو كل القشر والردى فيه
ويرثع وراه متوبعين الغوارب=اللي يجفلهم نبأ الصوت ياهيه
ولاهو لهم حامي حدود المضارب=ولا الغني اللي به الجود يرجيه
ويضحك لهم راع الحيل والمآرب=ولو زادت الكيلة عطاهم علابية
تلقى بطرفهم عش داب وعقارب=الخير مامن خير والحق تخفيه
هذا نتاج المهزلة والتضارب=بعقولهم يوم اخضرت له مفاليه
ويوم إنها فيها عناد المشارب=جملة عرب حد الخطر ماتواليه
واللي كذا منبوذ عند الأقارب=وخسارةٍ عنده تساق المشاريه
عنهم رحلت وذقت طعم التجارب=وقبلي رحل كاسي هل القل بيديه