تعالي يابعد حيي جفا هالوقت مليته=تعالي واملكي قلبي خوذيني نقوة أحبابك
تعالي واجبري كسري زمان ٍ فات داريته=تعالي دام لك رغبة وقفت اليوم في بابك
أهني بك أهل حائل وحتى البيت هنيته= ياحظ الدار في شوفك ياحظ اهلك مع اصحابك
أهني بك سحاب ٍ مر من فوقك وراعيته=وأهني بك جبال الطيّ وأهني بالخطا ترابك
ترى كل شي في حائل علشانك أنا اغليته = أحب الدار والديرة وأحب الناس وأقرابك
ولو جيت الصدق وأصدق ترى قربك تمنيته=ولابه شي أبد فيني يقاوم نظرت أهدابك
ترى مافيني أتحمل وجمر الشوق شبيته=تعالي نضوي الشمعه كرهت الكون بغيابك
وإذا مالك أبد فيني هذا قبري وسويته= أموت اليوم من شانك قتيل ٍ مات بأسابك
وأشوف الموت لي رحمه على عالم تحديته= ولا اشوفك معا غيري يعيش الحب يهنابك
هذا قلبي فدا عينيك تعالي واسكني بيته =تعالي دام لك رغبه صدوق ٍ ما أتسلابك
تعالي يابعد حيه تعالي يابعد ميته=تعالي واملكي قلبي خوذيني صفوة أحبابك

صح لسان الشاعر محمد الفريدي

وشكرا لك يا منصور الوسوس على النقل الجميل

عبدالله

ابو سعود

علي الجضعان

اسعدني مروركم الراقي

دمتم بخير وعافية

مشكووووووووور يامنصوووووووووووور
تسلم يمينك على الأختيار. و درر الثمينه والرائعه
وأشوف الموت لي رحمه على عالم تحديتـه
ولا اشوفك معا غيري يعيش الحب يهنابـك

صح لسان الشاعر حمد الفريدي

وسلمت يمينك يابو محمد