البارحه عديت في راس مرقاب=في نفسي الي وسط صدري وديعه
مهما تعيش ايام يبقى لها حساب=في وقت بين الحق تلقى خديعه
يوم الصحايب كنهم عندي اجناب=ازريت اشيل وحملها ما استطيعه
لاطاب حضي يوم بسنين ماطاب=مثل البنادم ماسك(ن) له طبيعه
عديت احسب فعلها كل ماخاب=لاعندت والحق عيت تطيعه
حلل علي الله قطوعين الاصحاب=وحرم علي انسان وازريت ابيعه
حلل علي معاشرة شخص كذاب=وحرم علي اصدق بشر فالطليعه
في غربتي شديت ضرسي على الناب=اواسي الونه بعد كل ليعه
عزي لمنهو بندقه خير ماصاب=طيرن ببطنه سم يشبع بليعه
حضني لعودي يوم خلوه الاحباب=اشكيه لاضاقت علي الوسيعه
مارحت اتبع كل ضالم ومغتاب=نفسي على زلات غيري رفيعه
تعودت نفسي على كل نصاب=ادمح خطاهم والدعا ياسميعه
اسود شعر راسي على كثر ماشاب=سيل المطر مايشتكي من ربيعه
هديت طيري واحتريته ولا جاب=الا بقايا ريش ماسد جيعه

للشاعر .: محمد بن حماد الفريدي "ابـــو شـــجــــون"