القصيده للشاعر / سعد بن هذيل الفريدي,,, يعبر فيها عن ثنائه وتقديره لجهود
الاستاذ / فايز موسى البدراني في البحث والتأليف وخصوصا عن قبيلة حرب ,,

يـا لله يالمعبـود مِنجـي دخيلـه=ياخالق المسلم على فطـرة الديـن
تستر عيوب الحـال حـزة عميلـه=في ساعة ياقف بها الخلق عاريـن
وتجعل لنا من كـل بيضـا جزيلـه=وعلى صواب الحق توفيقك الزيـن
ومن بعـد هـذا نبتـدي بالجميلـه=منظومة العرفان تنصـى الوفييـن
تنصى الرجال أهل الوفا والفضيلـه=اللي على حقوق القبيله حريصيـن
مثل ابن موسـى بالعلـوم الجليلـه=نجم لمع للي مع الـدرب ساريـن
فايز ابن موسى عريـب السليلـه=يستاهل البيضاء صبـي البداريـن
الله يكـثـر بالنشـامـا مثيـلـه=ومن القبيلة عـل شكلـه كثيريـن
راعي هـلا يمنـاه ماهـي بخيلـه=في مجلسه تلقى الرجـال الثقيليـن
سخـر جهـوده بالوفـا للقبيـلـه=أعيانهـا وفرسانهـا والكريمـيـن
وثـق فعايـل محتميـن الدبيـلـه=تاريخهـم وامجادهـم والعناويـن
بالبحث والتوثيـق نـال الطويلـه=خادم قبيلة حرب وسـط الدواويـن
بطون المراجـع مبتداهـا ودليلـه=ما يختلف بالقول في رايـه اثنيـن
يا محرّفين القـول خلّـوا سبيلـه=اقروا فصول المجد والماضي الزين
وتاريـخ للوقعـات عنـد الثميلـه=فيها الأدلـة والشواهـد براهيـن
موثقـة بالكتـب نعـم الحصيـلـه=في كل دار ومكتبـة تـارد معيـن
وتاريخ طيبه بالوثايـق يجـي لـه=وعلم الكنانة وأنقرة عنـه داريـن
وأصل المرابط للخيـول الأصيلـه=وايضاً الأحادي والقصص والقوانين
كـل المراجـع بالوثايـق كفيـلـه=تحكي عن الماضي وفعل الشريفين
وعن حملة الباشه يحـث الوسيلـة=جاب الحقايق في كتاب المضاييـن
وسفن الصحاري بالدواويـن قيلـه=يقراه من يجهل وسـوم البعاريـن
علومِ تشـرًف بالمجالـس نبيلـة=ميراثنا بالمجد لـو دونـه سنيـن
تروي ظما العطشان من سلسبيلـه=وتبقى ذخر للي بالاصـلاب باقيـن
ما خصها لأجل التجارة تجـي لـه=حب القبيله والوطن وراثـه ديـن
حق على اللـي ينتمـي للفضيلـه=حفظ الجواهر مثل حفـظ الملاييـن
يا لابتـي ياهـل العقـول الثقيلـة=كونوا لفايز في مسيـره معاويـن
حتى المقابـل يطّلـع مـع زميلـه=يقرا عن الماضي وفعـل القديميـن
أهل العزاوي والسيـوف الصقيلـه=بافعالهم تكحـل عيـون المعاديـن
نرضِى ونزعل كـل نفـس عليلـة=ليا بانت الغيره مع المنطق الشيـن
يقولها اللي ما عرف وش بقي لـه=عمر الفتى محدود والخلق ماشيـن
وعلى الرسـول ختامهـا وتهليلـه=صلوا عليـه وسلمـوا يامياميـن

فايز ابن موسى عريـب السليلـه=يستاهل البيضاء صبـي البداريـن الله يكـثـر بالنشـامـا مثيـلـه=ومن القبيلة عـل شكلـه كثيريـن راعي هلا يمنـاه ماهـي بخيلـه=في مجلسه تلقى الرجـال الثقيليـن سخـر جهـوده بالوفـا للقبيـلـه=أعيانهـا وفرسانهـا والكريميـن وثـق فعايـل محتميـن الدبيـلـه=تاريخهـم وامجادهـم والعناويـن بالبحث والتوثيـق نـال الطويلـه=خادم قبيلة حرب وسط الدواويـن بطون المراجـع مبتداهـا ودليلـه=ما يختلف بالقول في رايـه اثنيـن يا محرّفين القـول خلّـوا سبيلـه=اقروا فصول المجد والماضي الزين