(ياالله على بابك يافتــّاح الابواب)=ياواحدٍ كلٍ وقف عند بابه
عبدك ولد عبدك معنــّى ومنصاب=أنت الكريم اللي رجينا جنابه
يــاالله يـاالمعبود يارب الارباب=عبدك ضعيف ويرتجي منك اجابه
تغفر وترحم واتهديني للاسباب=ماهمــّني جرحٍ تجدّد صوابه
يفهمني العاقل مع أصحاب الالباب=وإلا البشر فيها وفيها غرابه
(يالله يااللي من ترجاك ماخاب)=تشفي عليلٍ دنيته هي عذابه
مع العقارب هالني جــرّت الــدّاب=داب وعقارب ماتفيد العصابه
دنياً دنيه نجمها له زمن غاب=الوقت واحد والليالي تشابه
يــاحسام ابوك بدنيته عارضه شاب=راضي ... وماجاب القدر ياهلابه
مــاهي سوالف بــدّل احباب باحباب=لا بدّ مــاوقتك تحســّب حســابه
ياكم وكم يــاحسام ودّى ولاجاب=مكتوب والمكتوب مخفي كتابه
إفهم وانا ياابوك راضي بالاسباب=عبدٍ , ضعيفٍ , طامعٍ في ثوابه

انتخابات البـلد نور وتكــاتف وش بعد=خير مع تطوير زد تطوير وافراح وسداد
ماشكينا من خلقنـا الله مـن هـم ونكـد=ننعم بخير وسعد من ربنـا رب العبـاد
ثم مساعي من على خير البلد جد ورصد=الحكومه حققت بامر الولي كـل المـراد
ياعسى المولى يحفظ المملكه عز ورغـد=كلنا اخوان بالمجلـس ويجمعنـا عيـاد
والجماعه كل ابوهم عندنـا فيهـم مسـد=لكن الترشيح سامي واحسن الجد اجتهـاد
مانفكر غيـر بالرفعـه وتطويـر البلـد=شامخين الروس والديره على كل البـلاد
نالت المقصود والمامول والحاسـد ركـد=وانبهر مما يشوف ولا لقـى أي انتقـاد
عاش ابومتعب كريم وعاش عمك يافهـد=وياعسى فاله من اللجنه تغاريـد الشـداد
من بعد مايكتمل تصويتنـا باكبـر عـدد=وانتفاخر بازدهار ٍ علمه العلـم الوكـاد
والصلاة اعداد من صلى وصام ومن زهد=للنبي الهاشمي خير البشـر دايـم مـداد

وهنا نواصل مع شاعرنا بهذه المناسبة حيث يقول

مناسبة هذه الأبيات :

كانت مسابقة بين عدد من الشعراء يقومون بالإجابة على عديد من الأسئلة , تلقى عليهم ويجاوبونها بأبيات من الشعر , وقام بعض الشعراء بالإجابة على كل سؤال

على حدة , وأحببت أن أجمع روابط الأبيات والأفكار في قالب واحد وقمت بالإجابة مجملة عليها كلها , وكانت الأسئلة كـالتـالي :


1- اسمك أو التعريف بشخصيتك أو التعبير عنها .
2-الوطن .
3-الأم .
4-الحب .
5-الليل .
6-البحر .
7-الغربة .
8-الفراق .
9-الخيانة .
10-صديق السوء .
11-الصديق الوفي .
12-الرجل إذا كان الشاعر رجل , المرأة إذا كانت الشاعرة امرأة .
13-متروك للشاعر الحرية لقول بيت أو بيتين فيما يشاء ..


وجاءت الأبيات التالية :

ياناشدٍ عنــّي .. وعن حالتي كيف=نوّاف بن فارع .. ولا بي خلافي
واعيش في ديرة هل الطيب والكيف=آل السعود اللي ذراهم لحافي
وضعيف عند أمي أنا دايم إضعيف=في قربها دايم لي الجو صافي
والله واكبر يا زمان المواليف=فيما مضى وقت الليال العجافي
يوم ٍ ليلي كلــّه يروح تصفيف=بنات فكري بين شاهي , وكافي
عند البحر ياما خذتنا السواليف=وأثر البحر يافي ولا هو بيافي
وبعده أعيش بغربتي وأسرح بطيف=أعيش في منفى ... ثمان ٍ رهافي
واثر الفراق اللي بغتنا مع الســِــيف=صدفه تفارقنا وضاع الزفافي
ماهي خيانه لكن الوضع ( تكليف)=إقبال* قبلي قال شيٍ خرافي
كــلــّــه من أصحاب الدسايس هل الزيف=أهل القشر وأهل النفوس الضعافي
وإلاّ صديق الضيق هو مدهل الضيف=وافي ويبقى طول الايام وافي
وعن البشر تقرا وتقرا تآليف=أحــدٍ قـــلـيــّـل عزم وأحدٍ سنافي
هاذي هي الدنيا وانا عندها ضيف =وادري أبرحل لو تطول الفيافي
ياابوبدر ولــّــى زمان التحاسيف=والصاحب الماخوذ خــلــّـه ,, عوافي
أنا حضرت وجبت كل التواصيف =ولاتهون الشامخات القوافي

وهنا شاعرنا يهدي قصيدة الى

هــذه الأبـيــات مـــهــداة إلى النقيب طيار / شافي بن فارع بن طليحان الفريدي .

اسعفينـي يـا معـان الـمـدح لــو لحـظـة زمــن=جيـت أبمـدح شافـي اللحظـات والعـد الـقـراح
هو زبون المدح وأهل المـدح واللـي لـه زبـن=شافي اللحظات .. والوقفات . وانوار الصباح
الـمـعـانـي والـمـكــارم لــــه لـحـالــه وقــفــن=ساعفـنـي يالمعـانـي واطلـقـن كـــل الـســراح
واشمخن فوق السحابه .. دام شاعركن ضمن=كــل مــن يسـمـع دلالاتـــه يلبـسـكـن وشـــاح
ماعتقـد غيـره يبـا يلبـس صفـاتـه لا .. ولــن=شـافـي المعـنـى ابـوفـارع عـلامـات الـنـجـاح
رايـــد الانـجــاز والتفـكـيـر ولــرايــه ثــمــن=لاعجـز غيـره عـن القمـه يبـا يـرقـى وطــاح
أسعفـه شافـي وقـال : أهـلاً هـلا إطلـب تـمـن=وانشـرح صـدر المعنّـى , يـا تباشيـر الفـلاح
شـافـي المعـنـى عـسـى ربــه يكافـيـه المـحـن=ويحفظه في حفظه الوافـي علـى درب الكفـاح

وهنا شاعرنا يواصل ابداعه

الطــيـــّــب يجبرك دائما ً لتقول نعم . هذه صفاتك ,

ولايحتاج لمدح أحد , ولا لأن تقول وتشرح للناس ماذا فعل ,

ولكنه أعني مشعل بن صالح بن مطيع سباق لفعل الجميل دائما ،

سمع بالأمس أبيات قلتها في أخوي شافي وكنت أقوله أنها خاصة , فقال , بعض الناس يمدح نفسه حتى في القنوات , مهو أخوه , ووجدته قد كتبها هنا في مجالسنا العامرة , ووجدت نفسي أنا أيضاً أكتب هذه الأبيات :

ابن مطيع اليا طرالي مشاريع=ماهو بلازم أتخذلي دراسه
آخذ بشور اللي له القاسي يطيع=مشعل ابوصالح حفيد الفراسه
ذكره يشجعني مع الناس تشجيع=من طيب ابوه وجد جده وساسه
من كان ساسه طيب ما والله يضيع=يزهاه طيب أصله وطيبه لباسه
توخروا بالله ياهل المراميع=لواثق الخطوه عطينا الرياسه
في خوة ابن مطيع لااشري ولاابيع=وابقى على خوة رفيقي حراسه
نعم الرفيق ومشعل ٍ ظلمة الريع=لاهان راسه صدق لاهان راسه

بعض العرب شكله تقل شكل عاجي=مريض قلب وعلّته مالها علاج
مدري يبي كرتير وإلاّ بواجي=وإلاّ يـبـيـله سمكره بايمن الصاج
يالله تخــلّص دورتي بانفراجي=واتحل دورات الليالي والاحراج
شكل المدرّب بس خرّب مزاجي=ولا جيت أدوّر للمشاكل والازعاج
لــكــنّ أباخذلي من الحـَــبّ باجي=واعطيه لامنــّــه بغى شي واحتاج
رخصه عمومي يامدير الكراجي=راحت فلوسي بين حــصـّه ومنهاج
ماجيت أدوّر عندكم للخراجي=خــلــّـك على وضعك معلــّم وكرباج
واحْــذر من أوقات المطر والعجاجي=ماتـوا بها يجي ثمانين حــجّــاج
وانا أبصبر يا وجيه الدجاجي=يالله تبدل ضيقة العبد بافراج

وهنا يزيد شاعرنا بالابداع بهذا المدح

يطيب لي أن أفخر بهامة من هــامــات ربــعــي
والمناسبة : أني إتصلت به مرّة من المرّات , وفي ثنايا حديثه قال : نواف لاأخفيك أني إذا سمعت بأن فريدي قد جرى عليه من أمور الدنيا شي أمسيت أعايشه نفس الهموم وأفعل لمساعدته ما بمقدوري فعله ,

الكل يعرف من أعني ، هو من كُنــٍّي بالعميد واشتهر بذيبان ولقٍّب أبوراكان أُورنس التاريخ ...

يــا العود والله لو مدحناك يـا العود=ماظنّتي نلحق جمايل فعولك
لكنّ أبكتبلك تعابير وردود=قبلي كثير من الملا صفّـقـولك
تعبير منهم عن كرمكم مع الجود=واحساس صادق عندهم عن وصولك
ذروة ســنــام المـجـد مـع بــاقــة ورود=مقدّمه منهم بيادي رسولك
وتنويه للقاصي ترى الدّرب مسدود=ردّد معي .. اللي مهولك يهولك
أحمد مطر نادر وقادر وبارود=وكل الصفات الســاميه من حمولك
كـفّيت مـع وفّيت واحــد عن وفــود=واطلق عيال الناس مــاهو بحولك
ترقى سنود وكل ما زادوا اتزود=حيّرتهم يا العود .. لاغاب زولك
تشهد لك أفعالك ويشهد لك جدود=وحتـّى بعيد الناس جوّ واشهدولك
إقبل تحيّاتي وشكري مع النــّود=مـادام بارض الطيب تصـهـل خيولك

توقعاتـي دايمـا ً صـح مـا اتخيـب=والـعــلــم لله والـتــوقــع كــهــانــه
ولاني بكاهن لكـن تخيـب وتصيـب=واخوانـنـا جـيـران مـثــل البـطـانـه
لكن ما دام الوضع شلهوب ورهيب=أكــيــد نـطـلــع مـالـنــا أي خــانــه
يـا كويتنـا يـا اخواننـا يـا لواعيـب=الله واكـبــر لـيـلــى دانــــه لــدانــه
يجي زمان ٍ ناخذ الكاس ونجيـب=حلـو المعانـي فـيـك يــا الديدحـانـه
الشـمـس لازم تلـطـع ولازم تغـيـب=لـنــا زمـــان .. وللمـعـنّـى زمـانــه
والله يـلــولا حشـمـتـي للـمـعـازيـب=لكسـر ثـلاثـه .. ثــم أقـسّـم ثمـانـه
واقنب قنيبك يا سهم وازهم الذيـب=اكــرر الـمـوضـوع والاسـطـوانـه
لكـن أبسهـج غثربـن ّ المشاريـب=متـسـاوي ٍ شعبانـهـم ورمضـانـه
عينتلـي ذيـبـان يــا منـبـع الطـيـب=يا حـي ّ ذكـره , بلّغـه فـي مكانـه
إنا على الوعد المسمى على الجيب=ناخـذ لـنـا فــر ّه ونـاقـف وزانــه
ونـردد الترحيـب ترحـيـب ترحـيـب=ونرجـي مـن الله دعمـنـا والاعـانـه

يامـفـاتـيـح الــغــلا .. ياجـمـاهـيـر الــغـــرام =صفقـوا للنايفـه .. واعلنـوا حـضـر القصـيـد
الـمـشـاعـر مـرهـفــه .. ياتـعـابـيـر الــكــلام=والمعـانـي كامـلـه .. جـيـت اغنيـهـا نـشـيـد
هي شروق الشمس لي .. هي تغاريد الحمام=جنّـة أيـام الحـيـاه .. والمكـاسـب والرصـيـد
قافـلات الشـوق لـي .. قـادهـا حـلـو الـزمـام=يشتكيـلـي شوقـهـا .. دم , شـريـان , وريــد
يامـنـظـمـة الــــدول .. يامـنـظـمـة الــســلام=الحبيبه حكمها .. فـي ( مُوناكـو والسويـد )
سجلوهـا باسمهـا .. فـي أحاسيـسـي وســام=لحظة ٍ مـن شوقهـا .. كنهـا لـي يـوم عيـد
حبي آيـات الجمـال .. ويـا بـلاد الشـام شـام=لا زعلـتـم مايفـيـد ..وإن رضـيـتـم مستـفـيـد
جايـز ٍ لـي حبهـا .. كـل عــام وكــل عــام=دايـمـاً تبـقـى مـنـاي وغيـرهـا يـبـقـى بـعـيـد

تحيتي تقديـر مـن هاجـس ٍ بـات=صاحـي ويـدرس فكرتـه وامنياتـه
واكبـر طموحـه وقفتـه بالمنصـات=يعلن سلامـة حاكـم ٍ فـي صفاتـه
من مهجة الاعماق ياهاجسي هات=من مهجة أعمـاق الفـؤاد وطراتـه
هات القوافي وابدع انواع الابيـات=في حاكم ٍ كل ٍ حكى عن غلاته
موجود ابوتركي إلى الآن ما مـات=مادام ابومتعب مشـى فـي وصاتـه
قناعـتـي ولـكــل واحـــد قـنـاعـات=لـوإن كـل الشـعـب هــاذي حيـاتـه
لكن ّ ابيهـا تاصـل اهـل القنـوات=الـلـي مــن السـانـه تـبـرت لهـاتـه
ياهيـه ابومتعـب للامـجـاد ميـقـات=والله ان تبطـي مـا تسـوي سواتـه
يا ابوبدر تمـت وعـل ّ السنـوات=تبطي واشوفه قايم ٍ فـي صلاتـه

اكتمل عقد الفرح وازدادت البهجـه سـرور=والتهاني زانها الترحيب مع صفـر الـدلال
واشقر العود المصفى والمباخـر والعطـور=مبتدا قاف التحايا فـي تواصيـف الخيـال
من بعد يوم الوطن : سلام ياكل الحضـور=بالنيابه والاصالـه كـل مايطـري مجـال
مرحبا ثم مرحبا من صافي المعنى شعـور=قلتها صوت وصدى تاصل كريمين السبـال
مثل رشات المطر .. وإلا مثل قطف الزهور=مرحبا ثـم مرحبـا ياربعنـا عـد الليـال
شاعر الليله عمر ومشاهـد الانـوار نـور=والهجوس الصافيه يزهى فرحهـا الابتهـال
ياعسى الفرحه سنين العمر كلـه والشهـور=اكتمل معنى التحيه .. وانتهيـت مـن المقـال

وهنا عندما تم تكليف أبوعبدالسلام مشرفا ً على أصيل القوافي
قال هذه الأبيات :

يامن يهنيني وانا اقول مشكور=بمناسبة مشرف أصيل القوافي
في منتدى ربع ٍ لهم بالفضا نور=ومن وين ما لاحت صدوفه يشافي
نور ٍ لهم في صفحة المجد منشور=يزهاه علم معمــّــرين الفيافي
واليوم من بعد السلف للخلف دور=في كل منهج : مايبين اختلافي
مبني على طيب العلاقات بجسور=وافي وعلمه للمشاكيل وافي
وحتى لون نواف منهي ومامور=له الشرف في نايفات الرفافي
بيوت ٍ لها معنى ومبنى ودستور=والنور من شمس العبارات ضافي
هاذي سواة اللي لهم شور واشبور=ربعي وانا منهم وازيد اعترافي

الله مـن نــوّ ٍ مـزونـه مزابـيـر=طال الفيـاض وطـال حتـى سماهـا
بلّ الثـرى وعـروق حلـو النواويـر=وعمّ الحيا يا جريس من يوم جاها
وتبـاشـروبـه محتـمـيـن الـدواويــر=واهل الهجر والحاضره واقصراها
يستاهل الطولات نسـل المصاريـر=شيـخ ٍ تحمّـل كلمـتـه واحتمـاهـا
(أبـو هميـل) اللـي يهـزّ الطوابـيـر=هو عزّها هـو رمزهـا هـو ذراهـا
هـدّاج تيمـا بــلّ ريــق المصـاديـر=يـوم ٍ قلبـان الـعـرب قــلّ مـاهـا
آلاد تـغـلـب يـالـحـرار المـنـاعـيـر=مــن عنـدكـم جـانـا مـنـوّر دجـاهـا
آلاد تـغـلـب يـالـوجـيـه المـسـافـيـر=الاوّلــــه أنــتــم لــهــا وومــراهـــا
فعولـكـم الـلـي لـهـا غــرّد الـطـيـر=(أبوهمـيـل) الـيـوم يـرفــع لـواهــا
مـنّـي لـكـم أسـمـى تحـيّـه وتقـديـر=أعلنتـهـا فـــوق الـقـمـر مسـتـواهـا
والله يـلــولا عـامـسـات التـفـاكـيـر=لقـول قـول ٍ صـار حـدّه وراهـا