|
ديوان الشاعر رشيد الفريدي http://www.burnews.com/newsth/11449.jpg السلام عليكم ورحمة الله وبركاته عندما كنت ابحث عن قصائد شاعرنا الرائع واعلامينا المميز وجدت هذه المقدمة وحيث ان شهادتي في اباعبدلاله مجروحة فإنني سوف اكتفي بها ........ وهي في احد المنتديات لقبيلة حرب للاخ ابو فهد المرواني حيث يقول : نور الحقيقـه بـان والعلـم مخبـور... .................شفت السباع وشفـت روس الافاعـي هو رشيد محمد الفريدي .. ابو عبد الاله ويقف القلم .. لكونه الفكر.. والقلم... والوعي.. والشهره.. التي تعكس ثقافة ابناء قبيلة حرب .. لن اقول انه الذي كتب وكتب .. عن القبيله من خلال جريدة الجزيره ولن اقول انه من يشدني في حديثه ويستهويني في طموحه ويبعث احساس الانتماء الاصيل في داخلي .. ولن اقول انه يمثل الانسان الحقيقي الصادق مع نفسه ومع الاخرين ولن اقول انه الاعلامي النزيه الذي يمثل الضمير الحي في الكلمه ويحفظ امانتها ... ولن اقول انه الشاعر الذي كتب الابداع في نصوصه الشعريه وتفرد في ذلك .. حتى وصلت قصائده الى القلوب .. واخذت من جمالها طرقا اوصلتها الى اغلب المنتديات... لن اقول ذلك.... كلــــــله ... لانه لايخفى على احد . اليكم جميعا اهدي ديوان شاعرنا القدير اباعبدالاله ....... |
رد: ديوان الشاعر رشيد الفريدي -------------------------------------------------------------------------------- الإعزاء.... في مجالسنا العامرة...بالشعر والوفاء يسعدني ويشرفني ان اهدي لكم وبإسمكم هذه المشاعر الصادقه في رمز الجود صاحب السمو الملكي الأمير/سلطان بن عبدالعزيز نائب وعضيد ملك القلوب في مملكة الإنسانية والحمد لله على سلامته ونجاح عمليته وقلوبنا بإنتظار عودته الميمونه الى ارض الوطن الخاطر العمس من شوف العرب طايب=والروح جو الوطن ما هـو مناسبهـا لجة ضلوع الحنيـن لشوفـة الغايـب=والساعه من الولـه ثقلـت عقاربهـا يا نايـب المملكـه.. ماللغـلا نايـب=الناس يا امير مـا ترخـص حبايبهـا الصبر يا سيدي مـا هـو لنـا ثايـب=ارفق على قلـوب شعبـك لا تعذبهـا غلاك يسكن خفوق الطفـل والشايـب=والمملكـه تنتظـر لقـدوم غايبـهـا مسك الغلا والـولاء بأرواحنـا ذايـب=وصدورنـا لجيتـك فاحـت مطايبهـا قلوبنـا بوصلتهـا وضعهـا صائـب=لو هي على الشمس وقت حلول مغربها الديـره اللـي تجيهـا فالهـا طايـب=والغيث لا حل لـه فـي دار يعشبهـا يا سور قلب الخليج.. مـورّد الهايـب=يا قايد الجيـش والعـدوان مرهبهـا يا درع شعبك.. عدوك مفلس وخايـب=ـدود موطنـك مـن يقـدر يقربهـا الوضع ما هو على قول المثل سايـب=عندك رجال رصاص الحـرب يطربهـا يـردون للمعركـه لـو دمهـا رايـب=وروس تصادمك ممهونـه شواربهـا ما دمت يا سيدي عن دولتـك غايـب=مشاعر الشـوق مـا نقـدر نغيبهـا |
رد: ديوان الشاعر رشيد الفريدي رثاء بالملك فهد رحمه الله الحزن سكرة موت.. والموت سكرات =يشرق بها المخلوق بآخر حياته روحه تروح ويلحق بركب الأموات =حكم العظيم اللي تعالت صفاته دنيا الفناء فيها تزول الملذات =بين الشقاء والموت ودّه وهاته دنياً لها في سكة الموت ميقات =من عاش فيها حق يكتب وصاته فيها عزا.. وحزن.. وفجيعه ولوعات =وفيها ضعيف الدين يفقد ثباته لا عدت يا يوم على المملكة فات =زعيم الأمة فيه ذاعوا وفاته صرّح به الديوان تأكيد وإثبات =بيان هز قلوبنا مفرداته تناقلت بثه جميع المحطات =وكل تأثر في فجيعة مماته حضرت وفود.. ونكست فيه رايات =وليل التعازي فيه خيّم سكاته فاضت عيون وضجت قلوب وأصوات =فراق ابو فيصل يبكّي عداته للعود قفّوا فيه والناس زافات =شالوا عظيم ولحفوه بعباته هلت على قبره من الدمع عبرات =وكل دعا له يوم صلى صلاته بقلوبنا.. يبقى الفهد حي ما مات =عاش بقلوب الناس من طيب ذاته سجّل له التاريخ مجد وبطولات =وأذهل ملوك الأرض في منجزاته طوّر بلاده في جميع المجالات =والشعب حقق له جميع امنياته قاد السفينة في عميق المحيطات =وليا عطا مثل البحر مكرماته وأن هبّت رياح الظروف الصعيبات =يحطّم الصعبه صلابة حصاته عزومه أصلب من جبال السراوات =يسقي خصومه للقهر والشماته وان كانها صارت معاند وفزعات =يبشر دخيله لا زبن في نجاته يا الله يا خلاق سبع السموات =تغفر ذنوبه يوم هذي سماته وتعين ابو متعب بحمل المهمات =هو ريف شعبه بالحياه وغناته شال الأمانة من يشيل الثقيلات =ونال لولاء شعبه من أربع جهاته مقدم هل العوجا ولا به مراوات =اخوان نوره عز منهم ولاته وسلطان.. سلطان الوفاء والجزيلات =الخير فاله دوم والشر فاته عضيد أبو متعب عهوده وثيقات =هو سيف عبدالله وقايد حماته ليث على خصمه تضيق الوسيعات =ليا انتخى كحيلان باكبر خواته وحنا لهم مثل الدروع الحصينات =والموت لأجل الدار هذي حلاته |
رد: ديوان الشاعر رشيد الفريدي كذلك ياقلب لو دمّك من الوقـت محـروق=لاتقول انا مالي على الصبـر طاقـه لو شب في صدري براكيـن وبـروق=ولو كان طعـم الصبـر مـرٍ مذاقـه بدرا..زعل من له مشاريـه وحقـوق=مـن نايـد الأجنـاب ولاّ الرفـاقـه وإن جاك ابو وجهين في علم ماثوق=من شـان حاقـد لاتبيـع الصداقـه بعض العرب عايش على الشم والذوق=وإن شح كـف الوقـت ماسـد فاقـه الآدمـي مظهـر ومخبـر ومنطـوق=وعن غيـب مكنونـه يدلّـك نطاقـه والطيب له منهج وله ساس وعروق=والعـود الازرق ميزتـه باحتـراقـه ولاّ الردي كنّه على الوجه مصفـوق=يبـور بالميقـاف ..خطـو العلاقـه راس الردى في حبل الأيام مشنـوق=ولا للردي مـع ذود الأجـواد ناقـه وترى الكمأ يلقاه من شـاف رقـروق=والحسـد داب لـه ملامـس رقاقـه ولاهو صحيح إن كل مطرود ملحـوق=ولاكـل منهـو صـد قطّـاع ساقـه كم واحدٍ قلبـه مـن الهـم مفتـوق=وسره عـن الحسـاد محكـم وثاقـه والناس في تفكيرهـا بينهـا فـروق=ويبقى التشابـه بالإسـم والبطاقـه |
رد: ديوان الشاعر رشيد الفريدي هبت ذعاذيع الصبـا والشمـس مالـت للمغيـب=ولاح الشفق رمز الوداع اللّي مثل لون الخضـاب عديت في رجم الغلا وانـا مـن الفرقـا صويـب=وان جيت اودّع للرياض ..اموت من طريا الغياب حوّلت ضايق خاطري واسمع بصدري صوت ذيب=عيني بكت لفراقها ..قلبـي مـن الأشـواق ذاب خمسة عشر عام انقضت واصبحت في حكم الغريب=قرب الرحيل وخاطري مـن حبهـا مايـوم طـاب ياكثر مافيها اصدقاء..وياما بها لـي مـن قريـب=ناس معادنهـم ذهـب ورجـال دمثيـن الجنـاب نطاقهـم مثـل العسـل وقلوبهـم مثـل الحليـب=اظما على شوفي لهم واحسـب لفرقاهـم حسـاب ضحّيت في مستقبلي كلّـه علـى شـان الحبيـب=اخوي حسبت والدي ملزوم اخدمـه يـوم شـاب ترخص له الدنيا واجي لرضاه لو وضعي صعيـب=واوصّي عيالي عليـه إن حطّنـي تحـت التـراب ولاني مطيع اللّي يقول ان الزمن (جحّـاد طيـب)=لو قالهـا شاعـر فحـل لكنهـا ماهـي صـواب العيـب ماهـو بالزمـان يطيـب ولاّ مايطـيـب=العيبفي طبع البشـر والوقـت يكتـب بالكتـاب يبيّن اطبـاع البشـر ويـداوي الجـرح العطيـب=وجوّه تراوح حالتـه بيـن الصحـاوه والضبـاب والطيب ماحدٍ يجحـده ياغيـر مـردي النصيـب=اللّي يحس إن الوفاء والجود نـوع مـن العـذاب هذاك تقطع ساقته..ويحـط فـوق اسمـه صليـب=إن جاء ماهـو يامرحبـا وان راح علّـه للذهـاب والبخل هو ساس الردى من دون شك ودون ريب=وبيت الردى من خلقـت الدنيـا تعـداه الركـاب اللّي يبي وسم الـردى يلقـاه بالوجـه الغضيـب=وجهٍ يفور من الحسد دمّه ليـا شـاف السحـاب واللّي يبي حلو النبا والجـود والصـدر الرحيـب=ينشد عنه حجرف وابن ناحل ويلقى لـه جـواب والوجد هو سم الغلا مـن يمرضـه مالـه طبيـب=بالذات لاضـاع الأمـل والحلـم بعيونـه سـراب يقوله اللّي جاوب الورقا علـى خضـر العسيـب=ونزف خفوقه للزمن قصّـة غيابـه يـوم غـاب |
رد: ديوان الشاعر رشيد الفريدي يا قلب لا تشتكي للوقت وعناده ..............................ملزوم نصبر لو ان الوقت عاندنا وليا خذلك الخوي بإخلاف ميعاده ..............................لا تقول يا حيف ليه فلان واعدنا لو حدّك الجال والأيام جلاّدة ..............................الصبر والصفح يبقى من عوايدنا غلطات الأصحاب فعلاً تجرح زيادة ..............................وحنا على كثرة أخطاهم تعوّدنا مليت من قولة (ازهل) حطها عادة .............................وعند الشدايد يغيب ولا يساندنا يا قلب لا تنخدع (بحصان طروادة) .............................من صد عنا ترى فرقاه تسعدنا دام السما لك غطا والأرض سجادة .............................واصل طريق الوفا لا تقول عوّدنا |
رد: ديوان الشاعر رشيد الفريدي للشعر ميقافٍ مثل واجـب الضيـف=ولاعاش راسٍٍ صد عن وجه ضيفه والشعر له فاقه مثل مِضرم الكيـف=ماهـو كـلام ولامجـرد وظيـفـه سلام يامحمـد صـدوق المواقيـف=ياسيفنا وقـت الظـروف المخيفـه ياللي ورثت المجد عظم وغضاريف=لا .. ماورثت المجد تـاج وقطيفـه ياقاهر الارهـاب بالفكـر والسيـف=الامن يفخـر فيـك عدلـه وسيفـه راع الغدر ضاقت عليه المحاريـف=وحقده تحول جوف جسمـه قذيفـه اهل الخيانـه ماعليهـم تحاسيـف=والمنتحـر يمنـاه ماهـي نظيفـه نال لجـزاه وراح جسمـه تناتيـف=لانه نـوى نيـه ولاهـي شريفـه وان كان للارهاب معنـى وتعريـف=اخطر تجـاره بالعقـول الضعيفـه المملكه فرحت من السيف للسيـف=مادمـت سالـم فالخسايـر خفيفـه الله يجيرك من جميـع الصواديـف=وتبقى جبل بيـن الجبـال المنيفـه رمز الشموخ ولاتهـزك عواصيـف=خالقـك ربـي للأمـور الكليـفـه وبيت القصيد اللي مافي صحته زيف=بيتٍ لكم ياأهل السيـوف الرهيفـه حنا ورثنا المجد عظـم وغظاريـف=لا .. ماورثنا المجد تـاج وقطيفـه الشاعر : رشيد الفريدي |
رد: ديوان الشاعر رشيد الفريدي ليس هذا تقدما على شاعرنا واعلامينا الرائع ابا عبدالاله ولكن هذا الرد كان مدفونا داخل طيات لغز ( سيف الموت ) اعجبني وخصوصا وهو لشاعر قدير فاحببنا ان يكون موضوعا مستقلا وادبيات الشاعر رشيد نتمنى ان يكون كل رد منها موضوع مستقل ولعلنا نأخذ هذا الرد لى سبيل المثال فمن امثاله نستفيد للمدينه واهلها الغالين على قلبي يقول اباعبدالاله في رده على العضو عبدالله بن راشد حول المدينه المنورة ....... ويشهد الله على حبها وحب اهلها واعدك بأني سوف استقر بها ان اعطاني الله عمر مرحبا من قلب صادق فيك ياراع المدينه=ديرة من حب اهلها يكبر بقلبي غلاها غبت لي عشرين عام وقلبي بطيبه رهينه=عاصمة حرب العزيزه ماعمر قلبي نساها من سكنها ينشرح صدره وتغشاه السكينه=لاتلوم اللّي عشقها وارتوى من عذب ماها والله اني بعد مافارقتها روحي حزينه=امتلكني حب يثرب وامتلا بصدري هواها لكن الدنيا كذا تبحربنا مثل السفينه=البحر يلعبّها والريح والموج يحداها لاتقول الناس ليه عقولها ماهي رزينه=احمد الله واشكره واعرض عن الناس وغثاها لاتضايق من سؤال اللّي نشد (عندك مكينه)؟؟=فيه ناس فعلها ينبيك عن قمّة غباها اعتبر واصبر وجامل واسمع الأريا السمينه=لو تبيع الروح لاجل الناس ماتكسب رضاها |
رد: ديوان الشاعر رشيد الفريدي الإعزاء... في مجالس العز والشموخ لاشك ان الكبر صفة ذميمه...عواقبها وخيمه ولا يرتدي جلبابها سوى من يعاني من عقدة النقص ومن اختلط طيبه بالكبر فهو كمن يخلط الخل بالعسل ولاشك ان السنبله الفارغه هي الوحيده التي ترفع رأسها بين سنابل الحقل واعتبروا هذا النص حق مشروع لكل من اراد ان يرسله الى من يستحقّه ممن حاول الإساءه الى هذا المجلس او لغيره من مجالسنا..تحت كل ارض وفوق كل سماء ياسلام الله على اللّي بالسماء رفرف وحلّق=بالعلوم الطيبه وقت مضى.. سجّل وثيقه يعتبر سلطان مجلس وان بدا بالمزح.. علّق=في عجاريف الرفيق اللّي يبي ونسة رفيقه من كثر ماهو يحب الزود لاهرجك طلّق=ان بغى قرّب ذلوله وان بغى قال الحقيقه والله انّي ياوسيع العرف ماعرف اتملّق=واحسب حساب الرجال اللّي معانيهم عميقه إلتفت ياشعيل يمّي وافتح السمع المغلّق=انت في مجلس نشاما عندك وجيه طليقه شد يمناك الثقيله ليه اصابعها تطلّق؟=كان قصدك (كبر) حنا الكبر والله مانطيقه ولاتغرّك طهبلة منهو ينافق ويتخلّق=عيبه انه لو بدا المشوار معك تجيه ضيقه ماانته بمجبور يمشيبك على الجسر المعلّق=الطريق الصح واضح والرجل يعرف طريقه لايصامخ قاسي الجيلان بالراس المحلّق=صاحبك عزمه ردي وعظام جمهاته رقيقه لايغامر بالدروب العوج ..يبلش ويتعلّق=واجب انك تنصحه وتساعده دامك صديقه وان تخطّف للحبال وللجبل قام يتسلّق=والله اني لااشهره ياشعيل واشعل به حريقه |
رد: ديوان الشاعر رشيد الفريدي قصيدة رائعة للشاعر العملاق الاعلامي ابو عبدالالة \رشيد محمد الفريدي يااللي عقب طول البطا تنشد عن اجواء القصيم = الجو صافي معتدل بين البرودة والدفا وانا معك ياصاحبي باقي على العهد القديم =لكن صراحه يا الوفي.. صاحبك جوه ما صفا من يوم ودعت الرياض الجو عندي فيه غيم =تجيني الضيقه عصر واعدي براس الشفا الصبر مفتاح الفرج يا صاحبي والله كريم= ما خاب حجرف بالرجا.. وسراج حاتم ما طفا صحيح فرقا الأوفياء صدمة وطعنة بالصميم= واعلى معايير الألم لاقابل إخلاصك جفا |
رد: ديوان الشاعر رشيد الفريدي ياقلب لو دمّك من الوقـت محـروق = لاتقول انا مالي على الصبـر طاقـه لو شب في صدري براكيـن وبـروق = ولو كان طعـم الصبـر مـرٍ مذاقـه بدرا..زعل من له مشاريه وحقـوق = مـن نايـد الأجنـاب ولاّ الرفـاقـه وإن جاك ابو وجهين في علم ماثـوق = من شـان حاقـد لاتبيـع الصداقـه بعض العرب عايش على الشم والذوق = وإن شح كف الوقـت ماسـد فاقـه الآدمـي مظهـر ومخبـر ومنطـوق = وعن غيـب مكنونـه يدلّـك نطاقـه والطيب له منهج وله ساس وعروق = والعـود الازرق ميزتـه باحتـراقـه ولاّ الردي كنّه على الوجه مصفـوق = يبـور بالميقـاف ..خطـو العلاقـه راس الردي في حبل الأيـام مشنـوق = ولا للردي مـع ذود الأجـواد ناقـه وترى الكمأ يلقاه من شاف رقـروق = والحسـد داب لـه ملامـس رقاقـه ولاهو صحيح إن كل مطرود ملحـوق = ولاكـل منهـو صـد قطّـاع ساقـه كم واحدٍ قلبـه مـن الهـم مفتـوق = وسره عن الحسـاد محكـم وثاقـه والناس في تفكيرهـا بينهـا فـروق = ويبقـى التشابـه بالإسـم والبطاقـه |
رد: ديوان الشاعر رشيد الفريدي حان الوداع - قصيدة للشاعر رشيد الفريدي حـان الـوداع ولابقـى للعتـب دور=الله لنـا وفجـوج ربــك وسـاعـي دام الزمالة ماهـي احسـاس وشعـور= ماللزمالـة بـعـد هالـيـوم داعــي قلبي علـى المقفيـن ماهـو بمقهـور=مـن بـاع للعشـرة مصيـره يباعـي لا تعتـذر مـادام صاحبـك مسـرور=اللـي علـى شانـه بذلـت المساعـي يبقى رفيقـك وانـت بالفعـل معـذور=يمشي على ماقلـت وامـرك مطاعـي دامـه علـى ماقيـل منهـي ومامـور=بدري على شـرواك لويـت ذراعـي فنجالك اللي سقت مـن يـدك منثـور=لاصـار منتـه للزمـالـه مـراعـي من يخـدم الانـذال ماهـو بمشكـور=ومن يزرع الصبخا جـداه الضياعـي تـوّي لقيـت لعلّـه النـذل دكـتـور= البعد عـن شوفـه يزيـل الصداعـي مافيـه داعـي ينفضـح كـل مستـور= عيني تشوف الـدرب والقلـب واعـي نـور الحقيقـة بـان والعلـم مخبـور= شفت السبـاع وشفـت روس الأفاعـي ما كنت اصدق فيـك ياضايـع الشـور= دايـم وانـا دونـك مكثّـف دفـاعـي افلح ... قبل يضربك رمحي على الزور=والحـق خويـك ياحليـب المـراعـي عين بكت فرقـاك تحـرم مـن النـور=لاتنتظـر بعـد الـوداع اجتمـاعـي |
رد: ديوان الشاعر رشيد الفريدي في هذا المساء كان هناك لقاء وحفل للشيخ : عليان الطهيمي بحضور العديد من شعراء حرب وبرعاية من قناة الاماكن ولقاء مطول مع ابو فواز مثير جدا وكان ضمن القصائد التي القيت في هذا الحفل قصيدة للشاعر والاعلامي البارز رشيد الفريدي والتي لاتحتاج إلى مقدمة بل انثرها بين ايديكم كما القاها شاعرها المبدع .. عبر الاماكن ياراع الصنف خذ صوره=عن نخبة الوضح وافهم في مزاياها وضح الطهيمي بزين الوصف مشهوره=لو شفتها شوف ماتقدر تعداها لياعرضت واحدتهن تقل مغروره=من زود كامل ثقتها تسحب خطاها راع الولع والمزاين يفقد شعوره=لا شافها يذكر الله ويتمناها أثمانها باهضه ماهي بمقدوره=واوصافها نادره ماظن يلقاها جهود رجل الوفاء والطيب مشكوره=منقيته طيبها من طيب مجناها تفخر بها حرب والحساد مقهوره=صفوة مغاتير وسم العود يزهاها يشبه شعار التحالف يوم اخو نوره=دون الكويت انتخى واهان لعداها الاسم مشهور والافعال مخبوره=يوم الجزيره يعج الخوف باجواها يقوله اللي ماعمره غاب عن دوره=وليا دعته المواقف ماتعداها والله يعز الوطن ويسلم صقوره=والمملكه عن يدين الشر يحماها |
رد: ديوان الشاعر رشيد الفريدي (صدى):رشيد الفريدي ياصاحبي بالوضع نكبه وتوريط =مالك ومال اللي كنوزه كنزها وجه العرب كله بثور وعرافيط= وحال العرب يرثى لها من عوزها السالفه راحت علوم وخرابيط= وعين الحقيقه من وصلها نقزها تصريح ريس واجتماع وشخابيط= وحلوق يطلع من غضبها لوزها يرسم لهم خط ويقولون تخطيط =من شاف لاوراق القضية لفزها شف كم اسير لعين جلعاد شاليط= شوف اليهودي كم خناجر غرزها مادامها ذله وضيعه وتفريط =سبحة عربنا لاتجمع خرزها وبإتصال ورسالة من الشاعر / علي الطهيمي شارك بهذه الابيات جعله مهف مقيط ياعارف مقيط= القربه الي شقها ماخرزها الله من حيٍ تصكه علا الحيط= وكلٍ يسو الخبزه الي خبزها والي يابا يرضاعلى الهون بقليط= الي دفن روس النصايب ركزها احدٍ يبلطها بلااكذاب تبليط= لجن المضاهر والحقيقه حجزها ماله مع اصفوف النشاما مقاليط= واهل الفيز ماعندها الا فيزها |
رد: ديوان الشاعر رشيد الفريدي سلام ياذخر الملوك السلاطين=ياطيب السيره٠٠كريم الخصالي ياشاعر الاحساس طلق الحجاجين=تبقى سليل المجد بأول وتالي ياراعي الوقفات والمنطق الزين=ياثاقب النظره٠٠وثيق الحبالي ياامير مقدارك على الراس والعين=ونجمك ياامير بكل الاحوال عالي لوشفت مايجرح شعور الكريمين=لايضيق صدرك ياالرئيس الهلالي صمتك كلام ٠٠وله مرام ومضامين=يبطون مافهموه بعض الرجالي وحنا ياامير بوقت قلب الموازين=يصبح به الصعلوك صاحب معالي عم الفساد ٠٠وسادوا اهل الملايين = واهل الحسد والنصب والاحتيالي هذا زمان الفبركه والعناوين=والبهرجه والفلسفه والتعالي وضع الصحافه عندنا بين قوسين=تجاوزت بالزيف حد الخيالي اقلامهم صارت سيوف وسكاكين=واقوالهم مع الاسف ماتقالي وتحت الرياضه عندنا حط خطين=ماعاد للأخلاق فيها مجالي بين التعصب وإنعدام القوانين=وجمهور صيحات الأذى والهبالي شف منتخبنا صار نصفه مصابين=وصارت ملاعبنا ملاحم قتالي يمكن يصير بيوم كله معاقين=والاحتياط يقيم حفل اعتزالي يحمل شعار العز نخله وسيفين=لكن يحقق شي ياهملالي ونرجع لدوامة سبب ضعفنا وين=ويشرح لنا (عبدالمجيد الشتالي) اشوف مايفطر كبود البعارين=وهذا مجرد راي شاعر هلالي |
رد: ديوان الشاعر رشيد الفريدي لاهنت اخوي منصور على هذه الجهود البارزة وفعلا يستحق اخي الغالي ابو عبدالاله على هذا التوثيق ولاعدمناكم , |
رد: ديوان الشاعر رشيد الفريدي اقتباس: المشاركة الأصلية كتبت بواسطة مرزوق بن محمد http://www.alfredah.net/forum/alfred...s/viewpost.gif لاهنت اخوي منصور على هذه الجهود البارزة وفعلا يستحق اخي الغالي ابو عبدالاله على هذا التوثيق ولاعدمناكم , |
رد: ديوان الشاعر رشيد الفريدي اشكرك ابا يارا على هذا الجهد الرائع واسمحلي باءضافة قصيده من درر ابا عبدالاله (((الغيمه))) يامن عليها سماي مغيّم جوّه=والنوم لي وقت وعيوني مفارقها جمر الغلا جوف صدري ماخبا ضوّه=والعين دمع الوله والشوق مغرقها برق الأمل لاح لكن ماصدق نوّه=بالغيمه اللّي جذبني نور بارقها ياليل مااطولك درب المغترب توّه=وجيوش الأيام صكّتبي بيارقها الهم قلبي بكمّه عاقد الخوّه=ومياسم الوقت واسمته مطارقها فرقاك طالت وزادت بيننا الهوّه=واليوم بنت الأمل شابت مفارقها صبرت كلّه وفاء واخلاص ومروّه=البال مشغول والاعصاب محرقها ياقلب زلّك ليا زل الوعد طوّه=نوافذ الوقت لاتقعد توايقها ترى الغلا قود ماهو سوق بالقوّه=وبعض الأماني سنين العمر تسرقها لايستثيرك حكي شمّات ومفوّه=وكثر الهواجيس فج الصدر واعتقها قلّه على راااحتك واللّي تبي سوّه=مافيه داعي قلوب الناس تدرقها لايغرّك اللّي نباه ألفاظ محلوّه=ولا كل كلمه ليا قيلت تصدقها والعشق بحره يدير الراس ويتوّه=كم عالم غرقت بجوفه زوارقها |
رد: ديوان الشاعر رشيد الفريدي ((اخت القمر)) نـاح الحمـام وردنـي للحـزن يابـدر البـدور=وعادت ليالي غربتي وابحرت في بحـر الضيـاع دارت دواليب الدهر والوقت مـن طبعـه يـدور=وفقدت قلب من ذهب فـي زحمـة الأيـام ضـاع اشكي على الله غربتي واعزي القلـب الصبـور=اللّي تحمّـل فـي حياتـه فـوق مـالا يستطـاع يااللّي سميّك بالبحـر ونحـور زينـات النحـور=اكـره مـرارة غيبتـك مقـدار كرهـي للـوداع لوكان طالت غيبتـك ..قلبـك مسامـح ومعـذور=يمكن محطات الزمن يصدف بهـا معـك اجتمـاع رغـم الفـراق ولوعته..ينتابنـي دايـم شعـور=انك بدايات الأمـل ..وانـك مجاديـف وشـراع حيل الله اقوى ياالندى لانمت باحضـان الزهـور=يااحن من صدر الورق لاعانقـه حبـر اليـراع ياالطف من انسام الصبا واطيب من انفاس العطور=يامنتهى معنى السمـو واعلـى نقـاط الإرتفـاع ياقمّة الإخـلاص والإحسـاس ياعكـس الغـرور=يااطهر من زلال المطر وابلغ من دموع الشجـاع وش حيلتي يااخت القمر والبعد مالـي فيـه دور=ياالمهـره اللّـي سنّهـا بيـن الثنيـه والربـاع سود الليالـي حطّمـت كـل الروبـط والجسـور=واصبحت بعدك مغترب محتاج لك حتـى النخـاع لولا مطاليع القمر مااحد عـرف قـدر الشهـور=واللول باعمـاق البحـر مخلـوق للدنيـا متـاع من روائع ابا عبدالاله |
رد: ديوان الشاعر رشيد الفريدي الصبر يااخت القمر وادعته البارح=يوم الامل في رجاك اطفيت مصباحه مليت اجامل واسامح وقت واصارح=قلبي ذبحته ياام عيون ذبّاحه انتي سبايب عناه وفكره السارح=الهم مركاه والاحزان مسباحه شوفي تقاسيم وجهي للحزن شارح=طالت ليالي شقاه وغابت افراحه راحت حياتي مابين اعذار ومصارح=حبل الرجا بأقطعه واختار لراحه دامه جرحني جفاك وطرفك الجارح=في كل الاحوال قلبي تنزف اجراحه خلاص ماعاد ينفع دمعك الذارح=القلب ماهو يابنت الناس تفاحه انا ادري انه محال طيفك يبارح=يبقى خيالك عطر والقلب فواحه ياشين درب الوداع وليله البارح=يقوله اللي سراه وطال مرواحه |
رد: ديوان الشاعر رشيد الفريدي قصيده وطنيه الأرض كوكب وفيـه المملكـه درّه=ونور الكواكب نبع من دار اخو نوره الدوله اللّـي بقـت لعيوننـا قـرّه=بالدين والعدل والإحسـان معمـوره من يوم حكم السعود ارسى على برّه=وقت الجهالات ولّـى وانتهـى دوره الشرك والظلم قفّـى وانطفـا شـرّه=والمملكه في ثياب الشرع مستـوره يوم الوطن يستنيـر الوقـت لامـرّه=مثل الضياء لاانعكس عن جسم بلّوره ذكراه تبقى على وجه الزمـن غـرّه=وسيرة معزّي بصدر المجد محفـوره حب الوطن مااختلـف بقلوبنـا ذرّه=مهما توالت سنين الوقت وشهـوره تعيش فوق السحاب الدولـه الحـرّه=وتبقين يارايـة التوحيـد منصـوره |
رد: ديوان الشاعر رشيد الفريدي يا اعز الاصحاب عن ماراح لاتشرح=السالفه يا وسيع العرف مشروحه عوج السوالف طبيعي سيفها يجرح=وتصد عنها لو ان الروح مجروحه من شان تايه مع الهاجوس لاتسرح=الرجل من هرجته يبين منظوحه لايصير صدرك لغارات الزعل مسرح=ارفع مقامك بصمتك و ابعد الشوحه ماكل وجه تشوف بشوفته تفرح=ولاكل مخطي تقول اخطاه مسموحه قل لي لو انت بمكاني من تبي تجرح=لاضاق صدر الشمالي وزهقت روحه وان طعت صاحبك لاتجمع ولاتطرح=راع الخطاء راح والروحه هي الروحه |
| الساعة الآن 01:27 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir