|
رد: رسالةمن 0الشغار0 لذويبي بيض الله وجهك على الرد الاكثر من رائع تستاهل يابوفهد من يفتخر فيك لك احترامي |
رد: رسالةمن 0الشغار0 لذويبي الاخ العزيز ابن العم الوافي الذخر المنصى راع المعروف ابو فهد صح لسانك ولا فض فوك مجاراة رائعة ووافي دوم عسى الله يطول عمرك |
رد: رسالةمن 0الشغار0 لذويبي وافي يابوفهد والذويبي والشغار اهل اللمدح ويستاهلون وتفخربهم شبابه وأنت ماقصرت بيض الله وجهك ولاهي غريبه عليك هذي ومثلها لك مني جزيل التقـديرودمت ودام شموخك اخوك / مبارك بن ناصر بن حديد الفريدي |
رد: رسالةمن 0الشغار0 لذويبي بسم الله الرحمن الرحيم الا وخوه الاوفيا مقبل بن نمران.......غازي بن عجاب ابو حمـــــــــد........غازي الفريدي برق الوسم...........منصور الوسوس علي الجضعان......النمر الارقط هل اللقوت.........مبارك بن حديد السلام عليكم ورحمة الله وبركاته اشكركم جزيل الشكراخواني لمروركم على موضوعي وهذا شرف لي ووسام على صدري بيض الله وجيهكم وبارك الله بهالمنتدى حيث نتزاور من خلاله |
رد: رسالةمن 0الشغار0 لذويبي صح لسانك يالشاعرسعد هذيل وتسلم على هذا التفاعل الجيد وصح لسان الشاعرفيحان الشغار ونتم يالاثنين بصراحه ماعرفكم شخصيا بس اسمع فيكم النعم دايم وكفو انا لاني حربي ولاعتيبي بس شهاده حق المقدم خالدالذويبي ابوسلطان قام معي في موضوع ماانساه طول حياتي قبل ثلاث سنوات والنعم فيه راعي الفزعه ذكره في المجالس جعله يحيا ودايم للبعيد قبل القريب وماتصدقون لويشوفني مايعرفني كلمته بالجوال بس ونخيته ولاقصر وشكرا لراعي المعروف ولكم |
رد: رسالةمن 0الشغار0 لذويبي اقتباس:
والذويبي واحد من عيالها وانت تستاهل الطيب ويكفي منك الأشاده بالذويبي وهذا دليل على طيبك ولكن ليتنا تشرفنا بمعرفت قبيلتك على العموم هلابك ضيف عزيز بمجلس الشموخ مجلس عيال راشد |
رد: رسالةمن 0الشغار0 لذويبي اقتباس:
مرحبابك اخي؟ الشيخ في مجلس الجميع حياك الله اين ماكنت وماهماتكون يشرفنا مرورك وتواجدك وكذالك يشرفنا فزعة الذويبي لك ولشرواك وتستاهل وقول واكرر بالنسبه لفزعة المقدم خالد؟تدل على انك من رجال يستاهلون الوفى ومن قبيله كفو وانك من رجال تحفظ المعروف هذ واتمنا كما اشار اخي العضوابن جضعان ان تكرم علينا بتوضيح الاسم اذا امكن شكرا لاهنت وحياك الله دايم في مجلس العز والشموخ مجلس عيال راشد؟ الفرده اخوك سعد بن هذيل افريدي |
رد: رسالةمن 0الشغار0 لذويبي صح لسان بناخينا الشغار ولا يهون أبوهذيل الذي أمتعنا بنقل القصة وعاداتهم الذوبه وذكرني بقصة مماثلة موجودة في موقع : منتديات قبيلة عتيبة . وكانت القصة : حصلت على رجلا من قبيله عتيبه فر هاربا من جماعته والتجأ عند بنى عمر من حرب مده من الزمن وبالذات مع عواد بن فلاح الذويبى من اعيان قبيله الذوبه من حرب لعلمه بما يمتازون بالفروسيه والشهامه والشجاعه من بين القبائل الاخرى ...... وكان من عاده عواد الذويبى ان يجهز القهوه بعنايه ثم ينادى جاره العتيبى فيشربانها ويتسامرون ويتبادلان الحديث والاشعار والقصص ... وفى احدى المرات نادى عواد جاره العتيبى للقهوه ولما حضر كالعاده واذا بالقهوه قد اعدت على احسن حال فشرب منها واستانس واحس بالاطمئنان وذهب عنه التعب وقال هذه القصيده : القلب ريع عقب فنجان عــــواد.......وهوه من اول ممرح والضرم فيـــــــه صوت على وتالى الصوت يزداد.......ومن حين جيت وهو على النار جاذيه ويالله لاتقطع مذاخير الاجــــواد......... يالله جعل القصا ما يلاويــــــــــــــــه باكر ليا من الضعن عنهم انقــاد..........ذكرت مافى وتذكرت مافيــــــــــــــه ريع: اى ارتد اليه نفسه وارتاح الضرم: هو الرغبه فى شرب القهوه بعد التعب وخاصه انه تعود عليها يوميا القصا :الفقر وقله ذات اليد وبعد ما سمعوا البيت الاخير عرفوا انه قد اشتاق الى اهله....فركب جماعه من الذوبه مع عواد وسعوا فى اصلاح ذات البين بين العتيبى وغريمه وساقوا الديه لصاحب الدم ...فعاد العتيبى الى قومه مسرورا ومكث عند اهله وقومه مده من الزمن ..... وبعد فتره تذكر جيرانه من قبيله حرب وبالذات الذوبه فقال هذه القصيده : علمى بجيرانى على صرمه العود........تنحروا وادى الرمه حـــادرين ياركب اللى فوقها النى مرجـــــود..........تبنى كما حضر بنوا جدر طين سلم على فاجر وضيف الله العـود.........وذوى فلاح مدلهين الحـــزين وخص النواصر خصه كلهـــــا زود.......وايضا لابن يوسف من الطيبيــــــن صرمه العود:وهو بعد انتهاء فصل الربيع ودخول فصل الصيف النى: هو الشحم النواصر : من الذوبه وابن يوسف هو فهد بن يوسف الذويبى وسلامتكم .... *القصة مذكورة كذلك في كتاب : ادابنا الشعبيه فى الجزيره العربيه قصص واشعار للكاتب منديل بن محمد بن منديل ال فهيد |
رد: رسالةمن الشغار للذويبي اشكرك اخوي نواف على سبك الكلام الطيب واتمنا من المشرفين نقل مثل هذا القصه الى مجلس القصص اذامكن |
رد: رسالةمن الشغار للذويبي اقتباس:
لقد تم نقل المشاركة الى قسم قصة وابيات |
| الساعة الآن 08:32 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir