مجالس الفرده - يا الله وأنا طالبك حمراً هوى بالي = ون روح الجيش طفاح جنايبها

مجالس الفرده (http://www.alfredah.net/forum/index.php)

- مجلس قصة وأبيات (http://www.alfredah.net/forum/forumdisplay.php?f=104)

يا الله وأنا طالبك حمراً هوى بالي = ون روح الجيش طفاح جنايبها

قصيدة المقناص

للشاعر فراج بن مسفر بن ريفة القرقاح القحطاني
(رحمة الله )
من الفهر
عبيدة
من قحطان

يا الله أنا طالبك حمراً هوى بالي = ون روح الجيش طفاح جنايبها

هذا البيت الذي لايزال عالق باذن وذهن كل من سمعه ::

هذه المقدمة التي تبدأ بكلمة (قال) تعجب الشعراء

وتوحي بالقول العميق وسحب المعاني من نفس مليئة بما يجيش فيها،
فوراءها الصداقة وربما الرفاقة وربما الألم وربما الوفاء

مع إنسان أو ذئب أو فرس أو مقناص والحال هنا هي:

خوة الذيب.

وقد لحنها وغناها المطرب سمير الوادي

( مطلق مخلد الذيابي )
رحمه الله
حيث غنى منها 21 بيت وبداء من البيت المشهور ::

يا الله انا طالبك حمرا هوا بالي = ون روح الجيش طفاح جنايبها

يقول الشاعر:

قال بن ريفه بدى في المرقب العالي = بأعلى المراقيب تومي به هبايبها

ما يدهله كود صافي الريش والوالي = والا الولع يوم يفتك في عجايبها

هيضني الرجم وأنا من أول سالي = لهم على القلب ديران شطيت بها

يا مرقب جاك من الأمطار همالي = نصوب صيف من المنشي يهل بها

لما عليه أشدوق الثفن لا سالي = وعطفة طريب ليا زافت جوانبها

لما غدا الفيض كنه زرع عمالي = سيله من القدم للبطنان ناهبها

كم مرةٍ قد نزلنا عشبه المالي = ببيوت لامن وزى المجرم يلوذ بها

نبني بيوت بعراف وجهالي = وان جاء النذر من حفيف ما نرثه بها

بعوال مفلح وهم حماية التالي = بمصقلات عطيبات ضرايبها

صبيان قومي تحل المنجم الخالي = كسابة المدح حماية ركايبها

ربعي عبيدة وأنا من حربهم جالي = هل صبحة في الضحى تشعى كسايبها

وأنشد عبيدة هل الطالات من حالي = وأنشد لجانيب يوم انا نقاربها

من هو يقلط على فرش وفنجالي = سعد ابن عمه لياجاته مكاربها

لما غدا بين نقاض وفتالي = وصفوا لجانيب وأوذته بطلايبها

عديتهم ثم نسفتهم على الجالي = نسف الدلي للمعدي صوب جاذبها

فان كان ربعي نسوني ماني بغالي = باعيش في ديرة قفر جوانبها

عسى هل الشين ما يبقى لهم تالي = واهل سلوك الردى يا رب تذهبها

واللي رفيع وللشطات حمالي = ارفع نواصيه يا ربي وقطبها

أنا من الخبرة اللي شورهم عالي = واما هل البخل بأمر الله نجنبها

يا راكب من على اللي مشيها ارمالي = مأمونة يرفع الهلان غاربها

تزهى السفايف وتزهى الخرج وحبالي = ومجرب لا سرى في الليل صالبها

حي الطويلة وحي اللي شراها لي = من واحد جابها للسوق جالبها

شريتها في الدهر يوم ارخص الغالي = بمية وعشرين ما يمهل يغايبها

حديدها واذكر الله كنه ريالي = كن الحيايا تطوى في مقاضبها

بنت غراها زبادٍ عند دلالي = والا طموح هواها من يلاعبها

لي بندق ماصنعها الصانع التالي = من دقة المرك نحال خشايبها

عطو الطويله عريب الجد والخالي = وابن الردي لا تخلونه يزول بها

بيدي قرار تكف الجمع لانهالي = طويلة ناحل مقدم خشايبها

واضرب بها الوعل لا منه تهيا لي = أبو حنية كبير الراس شايبها

لا ثار بارودها للي العود متالي = منها الريايا مقطعة نشايبها

ضربت عشر بها والفي مامالي = والحادية روحت تثلغ مضاربها

واقف معا لابتي ومنع بها التالي = لا هاب ولد الردي معاد يزهبها

اليا لفونا من المقناص زعالي = أحد مدح بندقه وأحد يعذر بها

بشرتهم بالعشا من عقب مقيالي = والفايدة مع مرد الكوع ضاربها

واسرح بها في السحر مانيب كسالي = وكم سرحة فرقت منها ربايبها

يا الله وأنا طالبك حمراً هوى بالي = ون روح الجيش طفاح جنايبها

لا روح الجيش حادية اشهب اللالي = ليهي تروح وسيع صدر راكبها

اللي على كورها واللي بالحبالي = واللي على المردفه واللي بغاربها

لاروحت مع تخاتيخ الخلا الخالي = كن الذيابة تنهش من جوانبها

فاستغفر الله وحده فوقنا عالي = حطيت في حفرة رزوا نصايبها

بارك الله فيك صدقت الكل يعرف بيت هذا الشعر فقط الاغير؟؟
ولاكن الاّن الكل عرف القصيده الجميله
صح السان الشاعر وصح بدنك
وبيض الله وجهك ياعميد المجالس

قصيدة مشهورة وشهرتها مثل ماقلتو- البيت الاول -
ذكــــــــــرتوني باخوي الله- يحفظه ويرجع لنا سالم -
البيت هاذا دوووووم على لساااانه كل مايسرح ويرجع الا ويقوله

تقبلو مروري
دمــــــتــــــم ســــالــــمـــــين
كـــنـــانـــــــه