سارق الابل,,

قصة قديمه جرت على بنت من الباديه

عندما جاء أخوها في نصف الليل قصده يسرق إبل زوج أخته

وعندما قرب من منزلهم قلد صوت الذيب وقام يعوي ,

سمعته أخته لكن ماتقدر تطلع عليه خايفه من حماتها إخت زوجها فقالت هذه البيات:::

ياذيب ياللي جر صوت عوى بـه= مدري طرب وإلا من الجوع ياذيب
ياذيب لاتقهـرك عنهـا المهابـه= يامجفل الغزلان حنـا المعازيـب
البوش كلـه يـم خشـم اللهابـه= في فيضة السرداح والبل عوازيب

سمعتها حماتها فظنت أنها تناجي عشيقا لها وأنشدت الحماه

يابنت ليا الذيب ينهشك نابـه= يقذلك من بد البني الرعابيب
تراك مثل اللي جلب له جلابه= لادارها السّوام يلقى عذاريب

فردت البنت بهذه القصيدة موضحة الأمر لحماتها ...

وحياة جلاب المطر من سحابـه= إني عذيّه مادخل عرضي العيب
أنـا كمـا عـدٍ قليـل شرابـه = مادوّجت عليه حرش العراقيـب
الذيب أخوي اللي يشيل الكسابـه= يوم ان نجوم الليل مثل المشاهيب
واللي ظلمني جعلها في شبابـه =وتحدّره من عاليـات المراقيـب

هذه مشاركة تشكر عليها يا بوراكان

تراث وتضحية

مشكور على النقل

المشاركة الأصلية كتبت بواسطة بنت راشد

هذه مشاركة تشكر عليها يا بوراكان

تراث وتضحية

اهلا بمشرفتنا القديرة بنت راشد

قصه حلووووووة من ذيبان اللي مايجيب الا الجزلة


ولو ان عندي يابعدي سؤال متــــــــــأخر

ماهي الهابه اللتي ذكرت اثناء الابيات اللتي مع القصة


((( دايم اسمع عن الهابة ولا عرف عنها شي)))

قصه جميله وانت متفرد بكل رائع
مشكور على الموضوع

شكرا اباراكان قصه حلوة جدا وتنم عن عفة بنات الباديه