القصائد الفائزة بالمسابقة الاولى

السلام عليكم ورحمة الله وبركاته
احبتي لقد تم جمع قصائد شعرائنا المبدعين
في المسابقة الشعرية الاولى في متصفح واحد
وبنفس مقدمة الشاعر في المسابقة
واليكم القصائد المشاركة في المسابقة


المركز الأول عندليب المجالس الشاعر الفذ : خلف الفريد
حيث يقول
بسم الله نبدأ ......
اخواني الكرام ، شرف لي ان تكون المصافحة الاولى من محبكم...
راجياً ان تنال رضاكم ...

((( هيبة ملك )))

	في حضرته.. والا بعد في غيابه=له الولاء.. والحب.. والانصياعي اصهبْ .. وخَلْقه فيه عز ومهابه=ويمشي تبختر بين كل السباعي شديدْ باسه ..توّجه ليث غابه=وهو صاحب التدبير وامره مطاعي صوته شبيه الرعد داخل سحابه=منه القلوب تطير مثل الشعاعي ليا جال بالعينين ..وكشّر نيابه=به سطوة الصامل ..وقلب الشجاعي وبه غيرةٍ على جميع القرابه=عرضه .. مثل ملكه ولا هو مشاعي له ثورةٍ مع هدّةٍ وانقلابه=مثل اقطمٍ مشيه "بدفعٍ رباعي" الصارمْ.. المرهوبْ.. اخْذه نهابه=اشْدخْ .. عريض الوجه فيه اتساعي حمزهْ.. فؤاده فيه عزم وصلابه=هزّاع ..مع عنفه سريع اندفاعي جسّاسْ .. يترك له مواري اصابه=جوّاس ..دوّاسٍ لكل المراعي عبّاسْ.. حارثْ ..والاسامي تشابه=ميّاس ..هيثم.. ضيغميٍّ صِراعي عزّامْ ..همّامٍ .. عزيزٍ جنابه=هبّارْ .. هاضومٍ .. قويّ الذراعي باسلْ .. شجاعٍ .. ماضيٍ .. يقتدا به=خزرجْ .. شديدْ .. وفاصلٍ للنزاعي هو واسع الشّدقين.. يحسب حسابه=العاديْ .. الدلهامْ.. صلف الطباعي كل المفاخر ..دوّنت في كتابه=دستور مجدٍ .. مالقيته يباعي

^^^^^^^^^^^^^^
وسلامتكم

المركز الثاني عقيد القصيد الشاعر الرائع : مقبل بن نمران
حيث يقول ابو ياسر :
للإثراء فقط من زاويه مختلفه . . ولقلوبكم النديه أحبتي
وصعوداً لرغبات الأرواح الطاهرة . . ولكم جميعاً

اركد هنيا كان للشعر جمهور=واسمع صدى بوح القصيد وعقيده
ماهي بمدة شعري ان كان مايثور=ويكسر مفاهيم العقول البليده
لو كنت ماتفقه ولاتدرك الشور=إحساس شاعر من عناه وجديده
شريعتك وحده بها الدم منثور=وطبيعتك لو مانت عاقل حميده
صارت وصوفك للعرب طيب وحضور=وافنيت عمرك بين صيد وطريده
مشهور بالجزله ولا انته بمشهور=على بني جنسك تشب الوقيده
تثور بالغابه على فجة النور=ماهو عوج دربك على الصيد سيده
والابتسامه لو على وجهك تدور=دليل قاطع حان لليث صيده
وحكمك لو انه دون مبدأ ودستور=اخير من بعض العلوم الزهيده
وطنك مابه حسد واحزاب وشرور=وهذا ظلم هذا وجرد رصيده
ياسيد الغابه ربع قرن مغمور=زئيرك اللي كل عامٍ تزيده
ابذل وفاء وادمح خطأ وابني جسور=واسكت حيا لاهل الوجيه المجيده

,

	المركز الثالث الشاعر المبدع والمتألق دائماً : ابو زياد حيث يقول ابو زياد : بسم الله الرحمن الرحيم السلام عليكم ورحمة الله وبركاته يطيب لي ان ويشرفني ان اخوض غمارهذه المسابقة بما لدي من بضاعة وان كانت لاترتقي الى مستوى عمالقة المنتدى هنا , ولكن يكفيني فخراً ان اكون بجانب اهرام الشعر والادب هلا ياهجوس الشعر يامرحبا بالقاف=اشرّع لها البيبان وافتح مغالقها ارتب قوافيها واعدي بها المشراف=وعلى شاشة المحمول باكر انّسقها ولامن تكامل شدها ماعليها خلاف=ابروز لها بالنت صفحة والصِّقها قصيدة جديدة مثل ماينقد الصراف=وجزيل احترامي والتحايا ترافقها اشارك بها بالمنتدى والقلوب انظاف=قبل تعلن الساعة نهاية دقايقها اوصف بها الضرغام واقول قول إنصاف=على ساقة قرومٍ على الصدق منطقها اجاد الفريد الشاعر الفاهم العرّاف=ولاهان بن عجاب بيّن حقايقها اسودٍ تمَثّل بالاسد لين تقل ايشاف=وكلن يجيب من التماثيل صادقها صحيح الاسد حيوان لكن فعله ناف=مهابة مليك وكل الاخصام يرهقها ليا من زأر بالصوت جا للجبال ارجاف=دوي المدافع صيحته يوم يزعقها تهاوى الطيور ولايشيلنّه الاخفاف=ابا الاربع اللي لمحة الشوف يسبقها غروره من فعوله وبأسه شديد اوحاف=هذي صيدةٍ يغتالها وذيك يعتقها حكم غابته من دون حارس ولاسياف=بليا حكومه سلمت له بيارقها عرينه يزيّن سوره القرن والاضلاف=وعلى ساحته صف الجماجم معلقها وذكرت الاسد خطاب من جملة الاوصاف=بالافعال واللي عن جبينه يفرّقها ولكنّ فيه اشجع منه سيّد الاشراف=مهو ظاهره بالكون واقوى خوارقها قواه المهلل شال حمله على الاكتاف=وبنى رجم من روس الاسدّات واحرقها واشوفه زمان اليوم يعطى من الاعلاف=رهين الحديقة واحدٍ من مرافقها

المركز الرابع الشاعر المتميز : غازي بن عجاب ابو زوايد
حيث يقول ابو فيصل :
حبا وكرامه نشارك ولو ان عظم العرب تفرد مسبقا لكن كل ما أرجوه ان تحوز على رضاء الجميع
المشاركه

الليث لاكشر وبين نابه= ماهوب يضحك والجميع إيهابه
له هيبةٍ ماحدٍ قدر يكسرها=هيبة ملك حيثه مليك الغابه
وله نظرة العاقل وحلم القادر= وليا زعل ياويل من يبلابه
أقطع من الفولاذ ضربة كفه=هذا الأسد كلٍ يحسب إحسابه
وله وقفةٍ تفرق عن اللى غيره=وقفة شجاعٍ والسبايا إنهابه
ومن هيبته ماحدٍ يقرب حوله= واللى يقرب حافظٍ مضرابه
واليا زأر حل الغضب من صوته= لاوالله اللى ياعرب يدعابه
مشمرٍافحج ماقدر أوصف شكله= أقرب وصوفه كنه الدبابه
ولايأكل إلا ماتحوشه كفه= صيده بكفه هو طعام أنيابه
كريم فى طبعه ويشبع غيره=راهى رهاوى والجميع إيهابه

المركز الخامس شاعرنا المتألق دائما : معلا بن عنيزان
حيث يقول ابو بندر :-

هذه ابيات تعبير عن الشكر والامتنان لكل الأسود المبادرين الى ولوج غابة الاسد بن جضعان

ممن خاضو غمار المنافسة بكل روح رياضية ونضموا لنا عبر مشاركاتهم المشرفة درر تستحق

الإشاده بها وبمن نضمها بهذا لاقتدار واذ اقوم بتقديم الشكر لهم عبر هذه الابيات المتواضعه

وهي ابيات شكر لا ابيات مشاركة بالمسابقة

وهم يستحقون ما هو أجزل منها إلا إن العذر أن الجود من الموجود والعذر عند كرام الناس مقبولا

زاد الرصيد وخاطري اليوم مسرور=ولا رصيد القرش ماهو فقيده
هذا رصيد اجيال بالكتب مذكور=والشعر تاريخ الرجال الرشيده
اربع قلايد مابهن عقد مبتور=ماصاغهن أهل العقول البليده
حجاج شعر حجهم صار مبرور=عند الذي يطرب لسمع الفريده
خلف وغازي وبو زياد مخبور=وعقيدنا بالشعر ماعذب قصيده
ذولا أسود الشعر وابليس مدحور=ومايدخل الغابة ياكود الوليده
أسد أسد قدامي الفعل منظور=كلّن بذر بذره بفكره جديده
وحنا جمعنا الشعر باشراف منصور=بيت القصيد اللي يضاهي جريده
ومشكور بن جضعان مشكور مشكور=أنشهد أنك يابن عمي وليده

هلا ابومحمد
أسعد الله أوقاتك بكل خير
والتباريك موصولة للعندليب الفذ /ابو عبد العزيز
والفخر للريادة بتقلدها اياه
مبارك يابوعبدالعزيز ومن تألق لاخر أتعبت من بعدك
وبقايا التهاني للشعراء الاخرين والكل متميز وأسعدونا بمشاركاتهم الراقية الرائعة
ولا يستغرب الابداع من مصدره

ابو محمد: تسلم على التنسيق والترتيب لاعدمناك يستاهلون

جميعهم مبدعون اثروا المجالس وطربونا بجزيل المعاني لهم مني جزيل

الشكر والعرفان وانت لك حبه خشم

.


ابو محمد: تسلم على التنسيق والترتيب ، والمتابعة أنت وأبي عمر..

تهانينا لجميع الشعراء الذين أبدعوا وتميزوا وأسعدونا بمشاركاتهم الراقية الرائعة..

وإلى الأمام دائماً

وفقتم لكل خير....

.

الغالي ابا محمد
رائع في كل درب تمشيه وجهد تعطيه ....تماما كسحابة ممطره تثري وتروي
اشكرك على هذا التميز بامتياز...
تقبل تحيات محبك
..............

عزيزي ابا فراس
لم تخب فراستي بك يوما....
فانت فارس الكلمه صادق الشعور ناشر الحب ........
بارك الله فيك وشكر لك هذه الكلمات الصافيه كصفاء قلبك ونقاء سريرتك ....
لاعدمت هذا التواجد والشخص الماجد
حفظك الباري
.................

تسلم يمينك اخوي/ منصور الوسوس