ذود الـسـهـر

.

اللي غيابه غياب وطلته طله = وشلون أبسلى ليا منه تناساني
أغليه وأغلي مساءه بطيب وأجله = وتزهر ينابيع صدري منه ريحاني
الساكن الداله برمش الغلا من له = غيري وأنا كيف أمضي وقتي الجاني ؟
كم مرةٍ سقت له ذود السهر كله = وكم مرةٍ قبل وقت العيد هناني !
عليه صدري من الزفرات يرسل له = وعليه عمري تعدا عمر جداني
شايب غلا فيه عز وشوق ما مله = وياكبر دنياي لامنه تنصاني
ياما تعلمت منه القرب والفله = وياما على الوجد سندني ورقاني
وياما تبسم كياني منه وإحتله = وياما تربع على عرشي وسراني
وياما سمعته بدون شعور مصغٍ له = وأغرق مفاهيم وقتي قبل وجداني
واليوم هجره يسوق الحال ويسله = والليل من دونه أربكني وعياني
وشلون أبرر غرامي فيه وأدله = قلبٍ من البعد شد الروح وأشقاني
وشلون وشلون ياعمر الشقاء قله = قلبه يطيعه ليا منه تعداني
قله عسى كل مامديت ياصله = ويعرف مداهيل قلبي قبل ينساني
هذا وأنا رغم كل الصد صافٍ له = ولو يرجع بدون عذر أفل بيباني

تم إعادة نشرها لعدم وجودها في قاعدة البيانات

ولأن المنحى الشعري هذه الأيام غارق بالغزل

أردت أن أصافح أصحاب القلوب الخضراء بها


فبكم ولكم الود . . أحبتي

ابوياسر زين ماخترت ونتلهف للاجمل لاطول غيابك وارونا شعرا

لك الهديه عزيزي من الحسا سله ومحمله عنبر ونرجس وريحاني

صح لسانك عقيد القصيد لا فظ فوك اذا كان للقصيد مزايين فهذه القصيدة أسميها مزيونة القصيد

واذا كان للمعاني سلسلة مترابطة فهي سلسلة المعاني السلسة العذبة واذا كان للقصيد بيت

يسمى بيت القصيد فهي بيت القصيد من أولها لأخرها واذا كان أعجابي يشرفها فأنا معجب بالمزيونة

واذا كان للعبارة دفء ولطف فهي قمة بهذا المجال سائلة نقيت صافية رافعة علم المسار

على مشاريف الشرف

وسام شرف المعاني الراقية




نازف الحرف

صح لسانك ابو ياسر

مبدع بلا حدود

ابيات خضراء يانعة الاوراق لذيذة الثمار

احسنت باعادة النشر بهذا التوقيت

تقبل مروري

مقبل
صباح الخير
الجزل من الجزل
ماهو غريب لكن خابرٍ
فيه ناس حالتهم حالـه
يابو ياسر وأنت زدتهم الله
يعي أبن جضعان يابوياسر الظاهر
أنه ولى . تسلم على هذه الرائعه الجميله
تقبل تحياتي
تحياتي للجميع

لك الهديه عزيزي من الحسا سله=ومحمله عنبر ونرجس وريحاني

صح لسانك يابو فيصل

تسلم وتبقى ذخر ياللي على المله=صديق صادق بك المعروف هتاني

وعلى هالبيت الوافي يبي لنا جلسة قبل مانكشف السر .

لاجيت رياض نجد اسعدنا بشوفتك

ودمت كما تحب ونحب

نازف الحرف الغالي


صح بدنك وسلم إحساسك وبنانك

وإذا كان للأوسمة أماكن فوسامك بالصدارة

والزين كله من نبضك الرائع وعيونك الحلوه

والشرف لي بهذا الوسام والتواجد . لاهنت

ودمت على الخير والمحبة

ابو بندر

صح بدنك ولاعليك زود

وجهودك المبذولة لمجالس ربعك ولأخيك ابو ياسر تستحق الإشادة والإحتفاء

تقبل مني اجمل باقات الشكر والتقدير

ودمت نبراساً يحتذى

على الود والخير والمحبة

ابو فيصل .. غازي بن عجاب

صح بدنك وتسلم يالغالي

وابن جضعان مانبيه يروح فيها بس نبي نواسيه

ونبهج نفسه بما يسره ويسر أحبتنا

مع شكري وتقديري لتواجدك الجميل

مع أجمل التحايا

صح لسانكـ

ابحرنا مع هذه الكلمات حتى نسينا اننا جلوس على الأرض

تسلم ايدكـ وننتظر المزيد والمزيد ولا نمانع التكرار مادامت تزخر بالجمال


تحيااااتي

سـ ع ـودي العز