يازين فرقا اللي يسبك اليا راح (( للشاعر الكبير : شريف ))

بعد غياب اجباري للفترة السابقة يسعدني ان اتشرف
باهدائكم هذه الرائعة من روائع الشاعر الكبير شريف بن راكب ....
مع اجمل تحية واعتذار للجميع

من عاشر الدنيا وسوت له افراح=وشارك غلاها بالشرايين دمه
ما ظنتي يرتاح لو قال ابرتاح=يزود عمره والمشاكل وهمه
واليا حصل له يوم من برجها طاح=داست عليه ولاتقل جت به امه
ان اقبلت كلش لها صار مفتاح=يجيك غايبها ولو منت يمه
واليا ادبرت قطْعَت مع الليل مسباح=بارضٍ وعر صعبٍ خرزها تلمه
والمال عذروبه وجوده مع الشاح=صورة عسل من راح له جاء يذمه
يصد عن واجب صديقه اليا لاح=ما يدرك المعروف بعيال عمه
والله خلق كلٍ على الكون فلاح=وحصاد ما يبذر نهار المطمه
في موقفٍ تجنى الخساير والارباح=ولا للبشر غير المسارين يمه
احدٍ ليا سافر معه زاد وسلاح=واحدٍ يسافر ما معه كود كمه
ولاخير في نجواً تكشف بالاصلاح=وحثٍ على المعروف والصبر قمه
ومن شاف نفسه عاليه بالتبجاح=وغيّر عدوا آدم مساره وخمه
يرسم له الصوره على شي ما يباح=ويوعد ولكن الوعد مايتمه
ومن جاب لك نقله ولوا كان مزاح=الهرج بالغايب بلامدح نمه
ومن يزرع الصبخا يدور بالاملاح=باع الغناه ومحور الفقر ظمه
واللي يعد السيل لوشاف ضحضاح=دايم عن الواقع يجي فيه زمه
ويازين فرقا اللي يسبك ليا راح=وبعدٍ عن الداب وملاذه وسمه
ويا ما اصعب الغبه على كل سباح=اليا ارتفع موج البحر فوق جمه
اخذت من بعض المعاني تلماح=والعود يشرونه على شان شمه
وصلوا عدد ما الورق فوق الشجر ناح=على الرسول اللي نصح كل الامه

	ومن يزرع الصبخا يـدور بالامـلاح=بـاع الغنـاه ومحـور الفقـر ظمـه واللي يعد السيل لوشـاف ضحضـاح=دايم عن الواقـع يجـي فيـه زمـه

صح لسان ابو محمد ,,,

وسلمت يمين ابو محمد ,,,

والله يحييكم يا ابو المحمدين

أبـــــــــو محمـــــد

يعطيك العافية

على نقل هذه الرائعة كما أسميتها وهي كذلك

ابيات في الحكمة والنصح والإرشاد

وهذه هي ثمرة الشعر

تسلم يمينك يامنصور الوسوس


وصح لسان الشاعر شريف


(والحمدلله على السلامه بعد الغياب)

منصور
الوسوس صباح
الخير وياهلا بك مليون
الشاعر شريف غنى عن التعريف
وقصائده درر وحكم وأكبر شاهد هذه الرائعه
من روائع هذا الشاعر الفذ والذى شهادتى به مجروحه
ونحن بحاجه ماسه لمثل تلك القصائد الرائعه
وأعتقد الكل يتمنى أن يقراء لشعرائنا
الكبار الذى منهم نستمد الحكم
سلمت أخى على النقل
وصح لسان
الشاعر



تحياتي للجميع
أبو فيصل

أبو محمد

صح لسانك ولسان الشاعر الجزل / شريف بن محمد الفريدي

ولا شك إنه مدرسه شعريه غنيه لكل متابع ومتذوق

والفخر لنا بهرم من أهرام الشعر على مستوى قبيلة حرب

أطال الله في عمره ومتعه بالصحة والعافيه

والشكر لك ابو محمد على إتحافنا بالجزاله

ودمت بخير

الاخ العريس والخريج منصورالوسوس الحمدلله على السلامه سالم وغانم ابامحمد

(ومن طول الغيبات جاب الغنايم)

تسلم على النقل دائم تختار الجزل من كل شئ طبعك الكرم والجزاله ولاترضي دون

ذلك

الشاعر شريف الفريدي غني عن التعريف والمدح

منصور بصراحه أ نت تطربنا عندما تنزل مثل هذه القصيده لله درك على هذا الذوق

الراقي

ابو محمد
ياهلا ومرحبا والحمد لله على السلامه
تواجدك بيننا مطلب القلب والروح
اشكرك على هذا الاختيار الجزل
وصح لسان ابو محمد عميد شعراء المجالس
لاهنت
..................

ذيبان
ناصر بن راكب
بن ردمان
ابو فيصل
مقبل النمران
خلف الفريد

شكرا لكم على مروركم الثمين وماتلك
القصيدة الجميلة الا لمتذوقي الشعر
امثالكم دمتم بخير وعافية ...........